WIZARA YA ARDHI ZANZIBAR KUWANYANG'ANYA ARDHI WOTE WALIOSHINDWA KUZIENDELEZA

Na Sabiha Keis:::

Serikali ya Mapinduzi Zanzibar imesema itawanyang'anya umiliki wa ardhi wanyenji na wageni ambao walipewa kwa ajili ya kuekeza lakini wameshindwa kuyaendeleza hivyo sheria itachukua mkondo wake bila ya kumonea mtu muhali.

Kauli hiyo imetolewa na Naibu waziri wa Wizara ya Ardhi na Maendeleo ya Makaazi Zanzibar Juma Makungu Juma huko Wilaya ya kati Mkoa wa Kusini Unguja katika ziara maalumu ya kuyatembelea maeneo ambayo wageni na wenyeji walipewa kwaajili ya kuekeza lakini bado hawajaekeza.

Alifahamisha kwamba sheria ya Umiliki wa Ardhi, sheria Nam: 12 ya mwaka 1992 kifungu Nam 48 (1a) kinaeleza ukiukaji wa ukodishwaji ardhi (Violetion of the Restrictions in a lease) hivyo wizara yake itahakikisha inafata sheria kwa wawekezaji wakigeni na wazawa ambao walipewa maeneo kwa ajili ya uwekezaji na kutoyaendeleza kwa muda uliowekwa.

Alifahamisha kwamba lengo la ziara yake ni kuangalia pamoja na kuyatambua maeneo yote ya ardhi ambayo yametolewa na Serikali na kuwapa watu kwaajili ya kuekeza lakini bado wahusika wameshindwa kuyaendeleza kwa muda uliyowekwa.

Alisema Serikali haina nia ya kumdhulumu mtu lakini kuna baadhi ya watu wameshindwa kuyaendeleza maeneo ambayo walipewa hivyo hakuna sababu ya kuwaachia umiliki wa ardhi mwekezaji huyo kwa sababu hakuna faida inayopatikana.

Aidha Naibu waziri Juma ametoa wito kwa wawekezaji wote walipewa maeneo ya ardhi kuhakikisha wanayaendeleza maeneo hayo kwani uwekezaji hutoa fursa nyingi za ajira kwa vijana pamoja na kuiongezea nchi mapato.

Kwa upande wake Katibu Mtendaji Kamisheni ya Ardhi Khamis Juma Khamis amefahamisha kuwa zoezi hilo linatarajiwa pia kufanyika katika maeneo yote ya uwekezaji ambapo hapo awali Kamisheni ya Ardhi ilishatoa taarifa kwa wawekezaji wote waliopatiwa lease ya ukodishwaji kuyaendeleza maeneo yao vyenginevyo sheria itachukua mkondo wake.

"Tulishawahi kutoa indhari kupitia vyombo vya habari kwa wawekezaji wote kuhakikisha wanayaendeleza maeneo yao lakini ziara ya leo tumebaini kuwa kuna maeneo bado yako vilevile nahayajaendelezwa chochote hivyo kwa sasa kinafuata ni utaratibu wa kisheri utatumika"Alisisitiza Khamis"

Nae Sheha wa Shehia ya Uroa Muhsini Amour Adam ametoa wito kwa wawekezaji ambao mpaka sasa bado hawajayaedeleza maeneo yao kuitumia fursa hiyo kwa kuyaendeleza katika shughuli mbalimbali zikiwemo utalii kwa lengo la kukuza uchumi wa nchi.

Maeneo yaliyotembelewa na kuonekana kuwa bado hayajaendelezwa hadi sasa ni pamoja na pongwe,uroa na marumbi . Aidha kwa upande wa Wilaya ya Kati Mkoa wa Kusini Unguja ziara kama hiyo inatarajiwa kufanyika Mkoa wa Kaskazini Unguja.

Mwisho.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

Vikausha damu vya mjamzito hivi hapa, umo mchele, udongo, mkaa, chaki Uwezekano wa kuzaliwa watoto wenye udumavu, utapiamlo ni mkubwa

NA ZUHURA JUMA, PEMBA@@@@ ‘’KILA ninapobeba mimba nimezoea kula mchele kwa wingi naweza kusamehe pilau au biriani,’’ ndio maneno ya mwanzao ya Bahati Mohamed Ali (sio jina lake halisi). Nilimfuma akiwa barazani kwake, mjini Ole wilaya ya Chake chake, pembeni yake akiwa na kibakuli cha mwazi, kwa umbali utaona amejaza chakula aina ya pepe, kumbe ni mchele wa Mbeya. Hujichotea kidogo kidogo na kuushindilia mdomoni mwake, huku akiendela kupiga storia na wenzake, bila ya kujali kuwa ujauzito alionayo na mchele huo hauna mwisho mwema. Kawaida yake akiwa mjamzito, kila anapoamka asubuhi anaroweka mchele upatao robo kilo hivi…na baada ya kumaliza kupika, yeye huchukua mchele wake kutafuna (kula). Wakati mwenza wake na watoto wao, wanakula chakula cha mchana, Bahati yeye hukaa pembeni na kibakuli chake cha mchele akiendelea kubahatisha afya yake. ‘’Mimba nyengine hupenda sana kutafuna mchele wa Mbea na nyengine hupenda mchele wa mapembe, kwa kweli huwa nina hamu (kileo), kwan...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog