TAMWA-ZANZIBAR YAPIGA MARUFUKU MICHEZO HATARISHI KWA WANAFUNZI-PEMBA

NA HAJI NASSOR, PEMBA:::

WANAFUNZI wa skuli za msingi za Madungu na Michakaini wilaya ya Chake chake, wametakiwa kuacha mara moja aina yote ya michezo, inayoashiria kukamatana sehemu za siri, ukiwemo unaoitwa ‘cheni dole’.

Hayo yameleezwa na Mratibu wa Chama cha waandishi wa habari wanawake Tanzania TAMWA-Zanzibar ofisi ya Pemba Fat-hya Mussa Said, wakati akizungumza na wanafunzi, kwenye kampeni maalum ya kuongeza uwelewa, kwa wanafunzi wa skuli, madrassa, vyuo vikuu na klabu za sanaa.

Alisema, ipo michezo katika skuli na madrassa inayofanywa na wanafunzi wa kike na kiume, ambayo mingi inaelekeza namna ya kukamatana, maeneo yao ya siri ikiwemo makalio.

Mratibu huyo alieleza kuwa, michezo hiyo na mengine husababisha wanafunzi, kufukuzana hadi kichakani, na kisha kuanza kufanyiana vitendo viovu.

‘’Kuanzia leo michezo kama cheni dole, cheni saluti, nichum kwanza na nishike, iwe marufuku kwa watoto wote, kwani inaashiria udhalilishaji,’’alifafanua.

Katika hatua nyingine Mratibu huyo wa TAMWA-Zanzibar ofisi ya Pemba Fat-hya Mussa Said, aliwataka wanafunzi hao kuendelea kutoa taarifa, pindi wakifanyiwa vitendo vya udhalilishaji.

Kwa upande wake Afisa Ustawi na Hifadhi ya mtoto wilaya ya Chake chake Rashid Said Nassor, alisema moja ya madhara makubwa ya udhalilishaji, ni kwa mwanafunzi wa kukatisha masomo.

‘’Lakini hata suala la kupata madhara ya kiakili, kimwili, kutengwa, kupata magonjwa yanaweza kujitokeza kwa aliyefanyiwa vitendo vya ukatili na udhalilishaji,’’alifafanua.

Katika hatua nyingine Afisa huyo, amewakumbusha watoto hao kutokubali kupokea zawadi, mfano wa fedha au chakula kwa mtu wasiyemjua.

‘’Hata kwa unamjua, uwe makini sana, na ukihisi anazisogelea sehemu zako za siri, toa taarifa za haraka, iwe kwa mwalimu, baba, kaka, mama, jirani au mwanafunzi mwenzako,’’alifafanua.

Hata hivyo, aliwasisitiza wanafunzi kutokubali kuoneshana au kuoneshwa picha za ngono, kwani huo ndio mwanzo, wa wao kufanyiwa vitendo vya udhalilishaji.

Akizungumza kwenye mikutano hiyo, wakili wa watoto kutoka Kituo cha Huduma za Sheria Zanzibar ‘ZLSC’ tawi la Pemba Siti Habibu Mohamed, alisema adhabu ya mtu aliyebaka ni kuanzia miaka 30 hadi maisha, chuo mafunzo.

Aidha aliwataka wanafunzi hao, kwa sasa washughulikie masomo yao, wasijihusishe na vitendo vya yoyote, ambavyo kwa njia moja ama nyingine, vinazuia mtiririko wa masomo yao.

‘’Nyinyi kwa sasa jukumu lenu ni kuhudhuria madarasaa na skuli na kusoma kwa bidii, ili mujijengee msingi madhubuti wa maisha yenu, hapo baadae,’’alieleza.

Awali Msaidizi mwalimu Mkuu wa skuli ya Madungu Baya Is-mail Khamis, aliwataka wawezeshaji hao, kujenga utamaduni wa kila baada ya muda, kufika skulini hapo.

Alisema, elimu hiyo haikuwasaidia wanafunzi pekee, bali hata waalimu, imewakumbusha mambo kadhaa likiwemo umuhimu wa kutoa ushahidi.

Nae Mwalimu Mkuu wa skuli ya Michakaini Said Ali Ahmed, amesema vitendo vya udhalilishaji vipo ndani ya jamii, hivyo elimu isipotolewa, hali inaweza kuzidi.

Ofisa kutoka wizara ya Elimu na Mafunzo ya Amali wilaya ya Chake chake Khamis Mohamed Yahya, ameipongeza TAMWA-Zanzibar kwa hatua yao ya kuwafuata wanafunzi hao kuwapa elimu.

TAMWA-Zanzibar kwa sasa inaendelea na kampeni ya kusaidia wadau katika mapamabano ya udhalilishaji wa wanawake na watoto kupitia skulini, madrassa, vyuo vikuu na vikundi vya sanaa na kisha kuchukua hatua, kupitia mradi tumia jukwaa la habari kumaliza udhalilishaji.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog