NA TATU MAKAME HARAKATI za usawa wa kijinsia na ukombozi wa sauti ya mwanamke visiwani Zanzibar zimepitia vikwazo vingi, zikikabiliwa na mifumo dume, mila na mazingira ya kitamaduni yaliyomweka mtoto wa kike nyuma kwa miaka mingi. Katika muktadha wa kale wa kijamii, wanawake walionekana zaidi kama wasindikizaji wa kisiasa na kijamii, huku sauti zao zikisikika kwa uchache na mara nyingi zikibaki pembezoni mwa meza kuu za maamuzi. Fikra hizi zilizaa dhana potofu kuwa uongozi ni haki ya wanaume pekee na kumfanya mtoto wa kike kuziangalia nafasi za juu kama ndoto isiyoweza kufikika. Hata hivyo, mabadiliko ya nyakati na ukuaji wa uelewa wa kijamii unathibitisha kuwa uongozi kwa mwanamke sio lazima awe mwanasiasa au kiongozi mashuhuri ambae pia anaweza kutokea katika jamii ambayo bado inafikra finyu juu ya uongozi kwa mwanamke. Tunapozungumzia suala la uongozi tunabaini kuwa viongozi mbalimbali wamepiga gatua na kuwa mfano wa viongozi waliobeba sauti za wengi katika jamii inayomzunguuk...