MILELE, OFISI YA DC: CHAKE CHAKE ZAPEWA TANO KUCHUNGUUZA AFYA ZA WANAFUNZI PEMBA

NA HAJI NASSOR, PEMBA@@@@

AFISA Mdhamini wizara ya Utalii na Mambo ya Kale Pemba, Zuhura Mgeni Othman, amesifu zoezi la awali la utambuzi wa ulemavu, kwa wanafunzi wa darasa ya kwanza wa skuli za Birikau na Michakaini, lilioendesha na Milele Zanzibar Foundation, kwa kushirkiana na ofisi ya Mkuu wa wilaya ya Chake chake.

Alisema zoezi hilo, ndio ambalo litawaibua mapema wanafunzi wenye magonjwa mbali mbali pamoja na wale wenye ulemavu, na kuanza matibabu mapema.

Afisa Mdhamini huyo, aliyesema hayo skuli ya Michakaini, wakati akilifunga zoezi hilo la siku nne, ambalo liliwafikia wanafunzi zaidi ya 500 kwa skuli hizo.

Alieleza kuwa, upo baadhi ya aina ya ulemavu unaweza kupona na kumuacha mtoto akiwa salama, kama hali hiyo itatambulika mapema, kama ilivyofanya Milele chini ya ofisi ya watu wenye ulemavu ya wilaya ya Chake chake.

Alifafanua kuwa, msingi mkuu wa mwanafunzi kuweza kusikiliza kwa umakini, kupata ufahamu na kufikia lengo lake akiwa masomoni, afya njema na imara ni jambo la lazima.

‘’Mimi niwapongeza sana wenzetu hawa wa Milele pamoja na ofisi ya Mkuu wa wilaya ya Chake chake, kupitia ofisi ya watu wenye ulemavu wilayani humo, kwa kuandaa zoezi hili, ambalo ni jema kwa afya na makuzi ya watotowetu,’’alieleza.

Katika hatua nyingine, Afisa Mdhamini huyo wa Utalii na Mambo ya Kale Pemba Zuhura Mgeni Othman, aliwaumbusha waalimu hao, kutowanyanyasa wanafunzi wenye uwezo mdogo wa usikivu, uoni na ufahamu.

Hata hivyo amewakumbusha wazazi na walezi, kuchangamkia fursa kama hizo, kwani kama sio zoezi hilo kufanyika, gharama kubwa yengehitajika kufanyiwa vipimo hivyo watoto wao.

Aidha amewakumbusha wanafunzi wa kike, kusoma kwa ushindani na wenzao wa kiume, kwani kiongozi mwema na jemedari wa kike, anaanzia kwenye kwenye elimu.

Mapema Afisa Miradi kutoka Milele Zanzibar Foundation Fatma Khamis Silima, alisema taasisi hiyo imekuwa karibu mno na jamii, kwa kuimarisha maisha yao kwa ujumla.

Alisema, zoezi hilo ni eneo moja ambalo Milele imekuwa ikisaidia, lakini hata kwenye eneo la elimu, afya na stahiki nyingenza jamii na hata mtu mmoja mmoja.

‘’Tulipofuatwa na ofisi ya Mkuu wa wilaya, chini ofisi ya watu wenye ulemavu wilaya ya Chake chake, hatukurudi nyuma, maana Milele, inaguswa mno na afya kwa jamii,’’alieleza.

Hata hivyo alisema tokea kuanzishwa kwake mwaka 2014, hadi sasa imeshajenga vituo vya afya, nyumba za madaktari pamoja na skuli mbali mbali, na sasa ikiwa na mipango kadhaa, ya kuongeza ufafamu kwa wanafunzi.

Akisoma risala ya zoezi hilo, Afisa Mipango wilaya ya Chake chake Kassim Ali Omar, alisema zoezi hilo limeibua changamoto kadhaa, kwa wanafunzi wa madarasa ya kwanza wa skuli za Birikau na Michakaini.

Alisema, baada ya zoezi hilo, wanafunzi wengine walipatiwa dawa na wengine wameunganishwa na hospitali mbali mbali, kwa matibabu na uangalizi wa kina.

Alieleza kuwa, zoezi hilo limeibua changamoto mbali mbali kwa wazazi, wanafunzi na madaktari, ikiwa ni pamoja na kuonesha umuhimu wa kufanyika kwake kila baada ya muda.

‘’Utamaduni wa kuchunguuza afya umepotea, na ndio maana katika zoezi hili, zipo kesi za kiafya zilipaswa zigundulike mapema, lakini ni tofauti na hali ilivyo,’’alieleza.

Wawakilishi kutoka wizara ya Elimu na Mafunzo ya Amali pamoja na wizara ya Afya, wamepongeza zoezi hilo, na kuahidi kutoa kila aina ya ushirikiano, kila wakati.

‘’Kwanza niwapongeze madaktari wetu kwa moyo wao wa ujasiri na wa kujitolea, ambao umefanikisha zoezi hili, ambalo sasa limewasaidia wanafunzi wetu katambua afya zao,’’walisema.

Zoezi hilo la utambuzi wa awali wa ulemavu kwa wanafunzi wa madarasa ya kwanza wa skuli za Birikau na Michakaini, lililoanza Febuari 28 na kumalizika Machi 3, limewafikia wanafunzi wa skuli za Michakani ‘A’ 213, Michakaini ‘B’ 251 na skuli ya Birikau wanafunzi 96.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog