ZUPCSA, YATAKA UAJIRI WALIMU WA SAIKOLOJIA SKULINI

IMEANDIKWA NA ZUHURA JUMA, PEMBA@@@@

JUMUIYA ya wanafunzi wa wa Saikolojia Chuo Kikuu Zanzibar (ZUPCSA) wameiomba Serikali kuajiri walimu wa saikolojia ambao watawasaidia wanafunzi na watoto waliofanyiwa udhalilishaji kuwapa ushauri nasaha.

Walisema kuwa, wakati wanapita skuli kutoa elimu ya saikolojia, waligundua kuwa, kuna uhitaji mkubwa kwa walimu wa saikolojia, kwani waliopo ni wale tu waliopatiwa mafunzo ya muda mfupi, jambo ambalo halikidhi mahitaji ya kutoa elimu hiyo kwa wanafunzi.

Akizungumza na mwandishi wa habari hizi, Naibu Mwenyekiti wa Jumuiya ya wanasaikolojia Zanzibar na Mwenyekiti mstaafu wa jumuiya ya ZUPCSA ya ZU, Ramadhan Mohamed Hassan alisema kuwa, hali hiyo hupelekea umahiri wa kazi kuwa ni mdogo sana, kwa sababu kunakuwa na changamoto nyingi za kisaikolojia kwa wanafunzi.

"Walimu waliopo ni wale waliopata mafunzo ya wiki mbili, hivyo inakuwa kazi hazifanyiki vizuri, kwa hiyo ni tunapendekeza waajiriwe walimu hasa waliosomea kada hiyo, ili kuondosha matatizo yaliyopo, kwa sababu waliopo hawajui njia ya kuyatatua kwa vile si maalumu kwa fani hiyo", alisema.

Aidha alisema kuwa, katika utafiti wao mdogo walioufanya kwenye vituo vya mkono kwa mkono pia waligundua kwamba, watoto wanaodhalilishwa hawapati elimu ya saikolojia ipasavyo, hivyo wanashauri madaktari kisiwani Pemba waanzishe umoja wa saikolojia, kwa ajili ya kuwasaidia watoto hao kupata tiba ya saikolojia ili wasiathirike zaidi kiakili.

Ramadhan alisema kuwa, wamekuwa wakitoa elimu kwa vijana na wanafunzi ambapo kwa mwaka huu wamezifikia skuli 12 kisiwani Pemba, hospitali mbili na nyumba ya kurekebisha tabia (soba house) moja.

Alisema, wanawasaidia wanafunzi kwa kuwapa elimu ya saikolojia na afya ya akili kuanzia skuli za msingi hadi vyuo vikuu pamoja na vijana mbali mbali, ili wapate uwelewa wa kupambana na changamoto mbali mbali wanazokumbana nazo.

Alisema kuwa, pia kuna baadhi ya wanafunzi wanafeli mitihani yao na si kwa sababu hawafahamu lakini wakati mwengine wamefikwa na madhila makubwa ambayo yanawasabaishia kufeli, hivyo wanapokwenda wanaibua changamoto na kuwapa elimu ya saikolojia, hivyo hatimae wanafaulu vizuri katika masomo yao.

"Wakati mwengine unafika skuli unawauliza walimu kuhusu udhalilishaji wanakwambia hakuna, lakini tunapowachukua wanafunzi na kuwahoji, wanafunguka kila kitu kwa sababu sisi ni vijana wenzao hivyo wanajua kuwa ni sehemu nzuri ya kuleta changamoto zao", alisema.

Naibu huyo pia aliiomba Serikali kuwawekea bodi itakayosimamia harakati za Saikolojia sambamba na kupewa leseni ya kufanya kazi, ili wakipeleka mapendekezo yao kuwe na watendaji wa kuyashughulikia.

Skuli 12 walizozifikia Pemba kutoa elimu ya saikolojia na afya ya akili ni Fidel Castro, Uzalendo, Ng'ambwa, Mchangamdogo, Chasasa, Utaani, Kengeja, Samia Suluhu Hasaan, CCK, Konde, Madungu na Kojani, hospitali ya Chake Chake na Micheweni pamoja na Soba House ya Mkoroshoni.

MWISHO.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog