WANAWAKE PEMBA WAKERWA TABIA ZA WAENDESHA BODA BODA

NA HAJI NASSOR, PEMBA@@@@

ABIRIA wanawake kisiwani Pemba, wamelalamikia tabia ya baadhi ya madereva wa pikipiki ‘boda boda’ kuwaingia mwilini wakati wanapokuwepo kwenye vituo vyao, kutaka usafiri wa aina hiyo.

Walisema mara unapofika kwenye eneo lao la vituo na kutaka usafiri, huvamiwa na kuanza kukukopea mizigo na wengine kuwashika mikono, wakivutiana kwenye chombo chake.

Wakizungumza na mwandishi wa habari hizi kwenye eneo la Mtuhaliwa wilaya ya Mkoani Pemba, walisema wamekuwa wakisikitishwa na tabia hiyo.

Mmoja kati ya wanawake hao aliyekataa jina lake lichapishwe alisema, baadhi ya waendesha boda boda hao, wamekua wakiwaingia mwilikini, kwa lengo la kufanya ushawishi.

Alieleza kuwa, kinachowaudhi ni kule kuanza kupokea kuanzia mizigo mikubwa hadi vipochi vya mkononi, na wengine kukumata mikono.

‘’Ukiteremka gari tu, wanaaza kukuzonga, wengine wanakupokea hata vipochi vyenye simu, na wengine wanaanza kukushika shika mikono, wakitaka upande boda bado yake,’’alisema.

Kazija Issa Mohamed wa Mwambe alisema, juzi kwenye kituo cha boda boda cha Mtambile-Kengeja aliangushwa chini, baada ya waendesha boda boda, kuvutia mkoba wake.

Alieleza kuwa, mara alipoteremka gari akitokea Chake chake, alishuhudia ameshadakwa na wendesha boda boda, na kuvutwa kwa ghafla mkoba wake na kuanguka chini.

‘’Hawa waendesha boda boda baadhi yao sio wastaarabu, maana wamekuwa wakituingia maungoni kutaka abiria, jambo ambalo sio zuri,’’alieleza.

Kwa upande wake Mmanga Haji Kassim, alisema juzi mume wake aligombana na mwendesha boda boda eneo la Kenya-Chambani, baada ya kumvamia mke wake.

‘’Ni kweli waendesha boda boda wengi wao hawana nidhamu, maana mimi juzi kushuka gari wakati mume wangu yupo na usafiri ananisubiri, yeye ameshanikamata mkono,’’alilalamika.

Mwendesha boda boda wa njia ya Mtambile-Kengeja Mohamed Haji, alisema wamekuwa wakikatazana jambo hilo, ingawa badhi yao wapo watukutu.

‘’Ndio maana tulitaka tuweka zamu, ili kuepusha hilo, lakini bado hatujakubaliana na ndio maana, tumekuwa tukishtumiwa kuwafanyia vurugu abiria hasa wa kike,’’alieleza.

Mwendesha boda boda wa Machomane Chake chake Issa Kassim Issa, alisema nidhamu na ustaarabu ndio jambo ambalo wamekuwa wakisisitiza kila siku na viongozi.

Mwenyekiti wa waendesha boda boda mkoa wa kusini Pemba Kassim Juma, aliwataka abiria wanawake kuripoti katika vyombo vya sheria, wanapogundua kuvunjiwa haki zao.

‘’Hakuna hata boda boda mmoja, aliyeruhusiwa kumvamia abiria, bali kama kuna zamu ndio jambo jema kama hakuna, aulizwe kistaarabu,’’alisisitiza.

Hivi karibuni mkuu wa Mkoa wa kusini Pemba Mattar Zahor Massoud, aliwataka waendesha boda boda hao, kutojihusisha na kitendo cha aina yoyote, kinachoashiria uvunjifu wa haki za binadamu.

Kwa sasa kisiwa cha Pemba kina wastani wa boda boda 300, zikiwemo zile zilizotolewa kwa njia ya mkopo kutoka kwa Rais wa Zanzibar chini ya benki ya CRDB na wafadhali wengine.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog