WADAU WA ZSSF WAPENDEKEZA UMRI WA KUSTAAFU UBAKI ULE ULE WA MIAKA 60 NA SIO 65

IMEANDIKWA NA ZUHURA JUMA, PEMBA@@@@

WADAU wa Mfuko wa Hifadhi ya Jamii Zanzibar (ZSSF) Pemba wamependekeza, kubakia umri wa kustaafu kwa watumishi kati ya miaka 55 ya hiari mpaka 60, na sio miaka 60 kwa 65, kwani wananchi wengi wanapofikia umri huo wanakabiliwa na maradhi mbalimbali, ikiwemo shinikizo la damu, kisukari na ugonjwa wa moyo ambayo humsababishia kushindwa kufanya kazi vizuri.

Walisema kuwa, rasimu hiyo ya Sheria isiangalie tu watu wachache ambao wana muonekano mzuri wa kiafya na wenye nguvu katika kipindi cha umri huo, na kuliacha kundi kubwa ambalo linapofikia umri wa miaka 60 linakabiliwa na maradhi mbalimbali, yanayowafanya washindwe kuwajibika ipasavyo katika utekelezaji majukumu yao ya kazi kwenye Ofisi.

Walitoa mapendekezo hayo wakati walipokuwa kwenye mkutano wa kukusanya maoni juu ya Mswaada wa Marekebisho ya Sheria ya Mfuko ya Hifadhi ya Jamii Zanzibar, uliofanyika Ukumbi wa Tibirinzi Chake chake Pemba, wadau hao walipendekeza kuachwa umri ule ule wa kustaafu wa miaka 60 kwa mtumishi.

"Bora tu Sheria hii ibakishwe kama ilivyo, kwani mwanachama akiongezewa miaka 65 hatomudu tena kufanya kazi zake kama mwanzo kutokana na maradhi pamoja na uzee," alisema mdau kutoka Wizara ya Elimu na Mafunzo ya Amali Abeda Ali Seif.

Kwa upande wake mdau Asha Mussa Omar kutoka Shirikisho la Vyama vya Wafanyakazi Zanzibar alisema kuwa, ni bora muda wa kustaafu uwe wa miaka 60 kama ilivyo Sheria kwani, wengi husubiri pesa zao ili wapate kwenda Hija, hivyo utakapoongezwa umri wa kustaafu watakosa nguzo muhimu kwao kwa sababu watakuwa hawana nguvu tena ya kwenda kufanya ibada hiyo, ambayo ina masharti yake maalumu.

Alisema kuwa, Msaada huo utawasaidia kwa kiasi kikubwa kufahamu, kukuza ustawi wa kijamii na kiuchumi kwa wa wanachama, kuweka akiba ya muda mrefu na muda mfupi kwa mahitaji yao ya baadae.

“Msaada huu ni muhimu sana, lakini kuna baadhi ya vifungu vinapaswa kuwekwa sawa, pia tunapendekeza kikokotoo cha wastaafu wenye kima cha chini cha mshahara kizidishwe, ili na wao wae na hali nzuri kimaisha,” alisema.

Nae mdau Omar Seif Hamad kutoka Shirikisho la Wafanyakazi alipendekeza kuwa, mafao ya uzazi pia yawekwe kwa wanaume, kwani watumishi wengi wake zao hawafanyi kazi, hivyo wanakosa haki yao hiyo.

Mdau Ali Suleiman Othman kutoka Chama cha Wafanyakazi alisema kuwa, rasimu ya Sheria ni nzuri na imeangalia vigenzo mbalimbali vya Tanzania bara na East Afrika, ambapo wamefanya kazi nzuri katika kubuni, hivyo amewashukuru wataalumu hao kwa kuifanya kazi kubwa.

“Kuhusiana na kipengele cha daktari, amependekeza kuwepo tafsiri rasmi ya daktari kwani hapo haijafafanuliwa, kwa sababu kwenye mifumo ya kiafya hakuna ‘daktari maalumu’ hivyo inaweza kuja kuleta shida hapo baadae, naomba tuiweke sawa,” alisema mdau huyo.

Mapema akifungua mkutano huo Mkurugenzi wa ZSSF Pemba Msabah Masoud Msabah aliwataka wadau hao kutoa maoni yenye kujenga, ili kupata Sheria nzuri itakayowanufaisha wadau wote wa mfuko huo.

Akiwasilisha rasimu hiyo, Mkuu wa Kitengo cha Sheria kutoka ZSSF Ramadhan Juma Suleiman alisema kuwa, lengo na madhumuni ya kuwaita wadau ni kukusanya maoni ya wadau, ili kupata Sheria nzuri itakayowaongoza na kumgusa kila mtu, ili anufaike na mfuko huo.

“Rasimu ya awali iliandaliwa na ZSSF baada ya maoni yenu wadau tukakaa na Ofisi ya Mwanasheria Mkuu kuwekwa sawa na sasa tumeirudisha kwenu tena hivyo tunaomba mutoe maoni yenu yenye kujenga zaidi ili kuboresha,” alisema Mkurugenzi huyo.

MWISHO.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

Vikausha damu vya mjamzito hivi hapa, umo mchele, udongo, mkaa, chaki Uwezekano wa kuzaliwa watoto wenye udumavu, utapiamlo ni mkubwa

NA ZUHURA JUMA, PEMBA@@@@ ‘’KILA ninapobeba mimba nimezoea kula mchele kwa wingi naweza kusamehe pilau au biriani,’’ ndio maneno ya mwanzao ya Bahati Mohamed Ali (sio jina lake halisi). Nilimfuma akiwa barazani kwake, mjini Ole wilaya ya Chake chake, pembeni yake akiwa na kibakuli cha mwazi, kwa umbali utaona amejaza chakula aina ya pepe, kumbe ni mchele wa Mbeya. Hujichotea kidogo kidogo na kuushindilia mdomoni mwake, huku akiendela kupiga storia na wenzake, bila ya kujali kuwa ujauzito alionayo na mchele huo hauna mwisho mwema. Kawaida yake akiwa mjamzito, kila anapoamka asubuhi anaroweka mchele upatao robo kilo hivi…na baada ya kumaliza kupika, yeye huchukua mchele wake kutafuna (kula). Wakati mwenza wake na watoto wao, wanakula chakula cha mchana, Bahati yeye hukaa pembeni na kibakuli chake cha mchele akiendelea kubahatisha afya yake. ‘’Mimba nyengine hupenda sana kutafuna mchele wa Mbea na nyengine hupenda mchele wa mapembe, kwa kweli huwa nina hamu (kileo), kwan...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog