‘MNAOTAKA KUUZA, KUNUNUA ARDHI KIMBILIENI KWA WASAIDIZI WA SHERIA KWANZA’

NA HAJI NASSOR, PEMBA@@@@

UONGOZI wa shehia ya Wawi wilaya ya Chake chake, umewakumbusha wananchi wote wanaotaka kununua ardhi, nyumba na mali nyingine, wasifanye hivyo kwanza, kabla ya kuonana na wasaidizi wa sheria, kwa ajili ya kupata ushauri na msaada wa kisheria.

Sheha wa shehia hiyo Sharifa Waziri Abdalla, aliyasema hayo alipokuwa akizungumza na mwandishi wa habari kufuatia, kuwepo kwa kesi kadhaa za migogoro zinazohusishwa na ununuaji na ardhi na nyumba kimakosa.

Alisema, ndani ya shehia hiyo wapo wasaidizi wa sheria, ambao moja ya kazi zao ambazo ni bila ya malipo, ni kuwapa elimu, ushauri na msaada wa kisheri watu mbali mbali.

Alieleza kuwa, ikiwa wananchi wanataka kuondoa migogoro ya ardhi na mingine, hawanabudi kuwatumia wasaidizi hao wa sheria, ambao hukaa pamoja na kamati ya sheha kwa ajili ya kuepusha migogoro.

‘’Hawa wasaidizi wa sheria tumeletewa na seriali, ili kupunguza migogoro ambayo siyo ya lazima, na wanatoa elimu, ushauri na msaada bila ya malipo,’’alieleza.

Katika hatua nyingine Sheha huyo, alisema wasaidizi wa sheria hapo tu kwa ajili ya kusubiri migogoro na kuitatua, bali wanalojukumu kwa kushirikiana na wananchi pia kuikinga migogoro isitokezee.

‘’Wananchi wasiibue migogoro tu ndio wawatafute wasiaidizi wa sheria, hapana bali kabla haijatokezea wawe nao karibu, kupata ushauri kabla ya kununua au kuuza mali,’’alishauri.

Katibu wa sheha, shehiani humo Sham Haroub Said, alisema ili kuwafahamu kazi zao wasaidizi hao wa sheria, ni wajibu wa wananchi kuhudhuria katika mikutano wanayoiitisha.

‘’Wananchi wamekuwa wazito kuhudhuria kwenye mikutano iliyoitwisha na sheha na wasaidizi wake wa sheria, ndio maana ipo migogoro inatokana na ukosefu wa uwelewa,’’alieleza.

Nae mjumbe wa sheha kijiji cha Mtemani Nassor Said Rashid, alisema migogoro ya ndoa, ardhi, matunzo ya watoto, inaweza kuzuilika ikiwa jamii itashirikiana na wasaidizi wa sheria.

Msaidizi wa sheria shehia za Mgogoni na Wawi Fatma Hilali Salum, alisema wanaendelea kutoa huduma hiyo bila ya malipo, ili kuwasaidia wananchi.

‘’Ni kweli wapo wananchi wanathubutu kunua mfano ardhi nyumba bila ya kujua umiliki halali wa muuzaji na ikiwa yuko peke yake ama laa,’’alieleza.

Alifahamisha kuwa, karibu kila mwezi hupata kesi tatu zinazohusu miogogoro ya iwe mipaka, kuuzwa kwa mtu zaidi ya mmoja, umiliki wa mtu zaidi mmoja, kukosekana kwa hati za umiliki, uhalulishaji au kuuzwa ka eka.

Mkurugenzi wa Jumuiya ya wasaidizi wa sheria wilaya ya Chake chake Pemba ‘CHAPO’ Mohamed Hassan Abdalla, aliwakumbusha wananchi kuwatumia wasaidizi wa sheria ili kupata ushauri wa kisheria.

Mwananchi Khamis Haji Mohamed, alisema wengi wao walikuwa hawafahamu, juu ya huduma za wasaidizi wa sheria waliomo ndani ya shehia zao.

Khadija Haji Kassim, alisema utoro wa kuhudhuria kwenye mikutano ya shehia, umechangia kwa baadhi yao kukukosa uwelewa wa kuwepo kwa wasaidizi wa sheria.

Maryam Kombo Juma, alisema yeye mara mbili ameshawatumia wasaidizi wa sheria, na kufanikiwa kulipwa deni lake la shilingi 500,000.

‘’Hata juzi nilikuwa na mgogoro wa mipaka na mwenzangu, tulishalisawazisha hilo, kupitia kamati ya sheha iliyokuwa ikioongozwa na wasaidizi wa sheria,’’alieleza.

Akizungumza hivi karibuni kwenye uzinduzi wa kampeni ya Mama Samia ya msaada wa kisheria, Mkurugenzi wa Idara ya Katiba na Msaada wa Kisheria Zanzibar Hanifa Ramadhan Said, aliwakumbusba watoa masaada wa kisheria, kuwa makini ili kuepusha kuwa sehemu ya migogoro.

Mkuu wa wilaya ya Mkoani Dk. Hamad Omar Bakar, alisema bado sekta ya sheria, inahitajika mno kwa jamii, ili kuhakikisha waliokata tamaa wanapata haki zao.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

PEMBA TODAY

Search This Blog