Skip to main content

CHANGAMOTO ZA KIUSALAMA KWA WANAWAKE VIONGOZI

By


 NA NUSRA SHABAN@@@@

WAWANAWAKE katika nafasi za uongozi wanakutana na changamoto mbalimbali zinazohusiana na usalama wao.

Changamoto hizo zimekuwa sehemu ya hali halisi inayowakumba wanawake wengi ambao wanashika madaraka, haswa katika muktadha wa kijamii na kisiasa.

Katika historia ya Zanzibar, wanawake walikuwa na nafasi ndogo katika maeneo ya uongozi lakini hivi sasa walau idadi ya wanawake viongozi imeongezeka tofauti na miaka ya nyuma.

Mfano hai mwaka 2010, Tanzania iliweza kupata wanawake wabunge 23 waliopata nafasi zao kupitia majimbo ya uchaguzi. Ukijumuisha na wale wa viti maalumu, Bunge la Tanzania likafikisha asilimia 29 ya wabunge wanawake -kiwango cha juu kabisa kwa wakati huo.

Kadhalika, 2020 zilifanyika Chaguzi tatu katika ngazi ya Ubunge na Udiwani ambapo katika chaguzi hizo, jumla ya Wabunge wanawake 73 walishinda chaguzi hizo na kuchaguliwa kuwa Wabunge wa Majimbo huku upande wa Madiwani Jumla ya Wanawake 654 wakichaguliwa kuwa Madiwani katika Shehia husika.

Katika jamii za Zanzibar, wanawake wamekuwa wakiongoza katika sekta mbalimbali, lakini mara nyingi hususani wanawake walio katika vyama vya upinzani, wanakutana na kikwazo kikubwa cha usalama.

Changamoto za kiusalama kwa wanawake viongozi ni pamoja na vitisho vya kimwili, vurugu za kijinsia, kutengwa na kudhalilishwa, pamoja na unyanyapaa kutoka kwa jamii na waandishi wa habari.

Kwa sasa, hakuna takwimu rasmi zinazoonesha kuhusu vitisho vinavyowakumba wanawake viongozi kwa Zanzibar, ingawa kesi hizo zimekuwa zikishuhudiwa kutokea.

Kutoekuepo kwa takwimu hizo, inaonesha  jinsi mwamko ulivyo mdogo kwa wanawake Zanzibar katika kuripoti changamoto hizo za kiusalama zinazowatokezea

Asiata Said Abubakar Mjumbe wa Baraza kuu kupitia CHADEMA Zanzibar anasema yeye hajawahi kupitia changamoto hiyo tangu aingie kwenye siasa ingawa anasema wamekuwa wakiona wanawake tofauti wanaopitia changamoto hiyo.

Akitoa mfano, alisema, aliwahi kutekwa Katibu Mwenezi wa Baraza la Wanawake CHADEMA (BAWACHA) Taifa, Aisha Machano na kupigwa kisha kutupwa katika pori. 

Aliendelea kusema kwamba,kwa upande wa mwanamke yoyote aliye kiongozi akiona vitu kama hivyo vinaweza kumtia hofu na kumfanya arudi nyuma na kushindwa kutimiza ndoto zake za Uongozi.

Utafiti wa UN Women (2023), umeonyesha kuwa vitisho kwa wanawake viongozi, kama vile unyanyasaji wa kijinsia na matusi, huathiri afya ya akili yao na kuleta athari kubwa katika ufanisi wa kazi zao.

Wanawake wengi wameeleza kuwa vitisho vinavyoletwa dhidi yao vinachangia kuongezeka kwa wasiwasi, msongo wa mawazo, na hofu ya usalama.

Kwa wanawake wanaoongoza au kushiriki katika siasa, usalama wao umejikita zaidi katika kutokuwa na uhakika wa kulindwa kutokana na vurugu za kisiasa na matendo ya kudhalilisha.

Makala hii imeangazia changamoto  za kiusalama kwa wanawake viongozi, na hatua ambazo zinaweza kuchukuliwa ili kuboresha usalama wao na kuwawezesha kuendelea kutimiza malengo yao bila kuogopa chochote.

Wanawake viongozi  Zanzibar wamekuwa wakikabiliwa na changamoto kubwa katika safari yao ya kuleta mabadiliko.

Changamoto hizo zinaathiri kwa kiasi kikubwa utendaji wao na ndoto zao za kubadili jamii. Bi. Hidaya Yussuph Ali, ambaye ni Katibu wa Ngome ya Wanawake ACT Wazalendo Mkoa wa Kati, anasema:

 “Katika uchaguzi uliopita wa mwaka 2020, nilikumbana na hali ngumu. Wakati wa kurudi nyumbani nilifuatiliwa na watu wasiojulikana hadi nikalazimika kutembea na gari lisilowasha taa majira ya usiku kwa sababu ya usalama.”

Simulizi nyengine  ni ya Mtumwa Faiz, mwanachama wa ADC, anasimulia changamoto za kiusalama alizokutana nazo mwaka 2020.

“Binafsi nimekutana na vitisho vya kutishiwa kutiwa ndani kwa kosa la kuulizia juu ya wakala wangu. Lakini bado nilisimama imara kwa sababu najua kazi yangu ni muhimu kwa jamii.”

Changamoto hizo za kiusalama zinahitaji suluhisho la haraka. Vyombo vya usalama vimekuwa na jukumu muhimu katika kulinda wanawake viongozi, kama anavyosema Inspekta Sadiki Ali Sultan ,Mkaguzi msaidizi wa Polisi.

“Jamii ina jukumu kubwa katika kulinda wanawake viongozi. Ushirikiano wa pamoja na uhamasishaji ni nyenzo muhimu za kuondoa changamoto hizi na kuunda mazingira salama kwa kila mmoja.”

Kwa kweli, kulinda wanawake viongozi kunahitaji ushirikiano wa pamoja kati ya vyombo vya usalama na jamii.

Bila uangalizi wa pamoja, wanawake wataendelea kuwa wahanga wa vitisho na unyanyasaji.

Hali ya vitisho dhidi ya wanawake viongozi sio ya Zanzibar pekee. Ripoti ya Umoja wa Mataifa (2016) inasema kuwa asilimia 82 ya wanawake wabunge waliripoti kukumbana na aina fulani ya unyanyasaji wa kijinsia, ikiwa ni pamoja na vitisho vya kifo, vurugu, na unyanyasaji wa kingono.

Hali hii inadhihirisha kuwa unyanyasaji dhidi ya wanawake wanasiasa ni tatizo linaloendelea.

 Shirika la Kimataifa la Wanawake Wanasiasa (IPU) pia linathibitisha kuwa wanawake wanasiasa hukumbana na vitisho vya kutekwa, kufungwa, au hata kuuawa.

Serikali ya Zanzibar inajitahidi kuboresha hali hii kupitia Dira ya 2050 na Mpango wa Maendeleo ya Zanzibar, ambao unalenga kufikia uwiano wa kijinsia wa 50/50 katika nafasi za uongozi.

Ingawa kuna maendeleo katika suala hilo, changamoto zinazowakabili wanawake wanaotaka kushiriki katika uongozi ni kubwa. Ukatili wa kijinsia na vitisho, hasa wakati wa uchaguzi, vinawafanya wanawake wengi kushindwa kufikia malengo yao.

Changamoto za kiusalama kwa wanawake viongozi ni tatizo linalohitaji hatua za haraka. Jamii inapaswa kushirikiana kuhamasisha, kuelimisha, na kulinda viongozi hawa ili waweze kutimiza ndoto zao za kuleta mabadiliko.

Ili kuendelea kufikia malengo ya uwiano wa kijinsia, lazima tuzingatie umuhimu wa usalama wa wanawake na kutoa msaada wa kutosha ili kuhakikisha mazingira salama kwao.

Kwa kumalizia, makala hii ni  jukumu la kila mmoja  kuunga mkono na kusaidia wanawake katika safari yao ya kuleta mabadiliko. Haki yao ya kuongoza katika mazingira salama ni muhimu kwa maendeleo ya jamii.

 

MWISHO

 

Comments

Post a Comment

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

By
NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha  Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...
2 comments
Read more

'MKAPA' NA WENZAKE PEMBA WALAZWA RUMANDE

By
  NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...
Post a Comment
Read more

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

By
  NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...
Post a Comment
Read more

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

By
  NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...
Post a Comment
Read more

…….SUZA WATOA USHAURI WA ADHABU YA KUNYONGWA

By
  NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...
Post a Comment
Read more