WAZIRI ANNA PAUL AZIFARIJI FAMILIA ZILIZOPOTEZA WATOTO MBUZINI, ATOA WITO WA KUIMARISHA ULINZI WA WATOTO

WAZIRI wa Maendeleo ya Jamii, Jinsia, Wazee na Watoto, Mhe. Anna Athanas Paul, leo amewatembelea na kuwapa mkono wa pole familia zilizopoteza watoto watatu kufuatia tukio la kusikitisha la kuzama kwenye bwawa la maji katika eneo la Mbuzini, Wilaya ya Magharibi A, Unguja.

Akizungumza wakati wa ziara hiyo ya kuwafariji wafiwa, amesema Serikali ya Mapinduzi ya Zanzibar imepokea kwa masikitiko makubwa taarifa za vifo vya watoto hao na inaungana na familia zilizopoteza Watoto wao wapendwa pamoja na wananchi wote wa Mbuzini katika kipindi hiki kigumu cha majonzi.

Amesema tukio hilo ni pigo kubwa kwa Taifa na limetoa funzo kwa jamii kuhusu wajibu wa pamoja wa kulinda usalama wa Watoto ni wajibu wa kila mtu katika jamii na sio wazazipekee.

“ Tukio hili ni pigo kubwa kwa taifa na linatoa funzo kwa jamii, kuhusu wajibu wa kumlinda mtoto si la Serikali pekee bali kila mmoja wetu anawajibu wa kumlinda mtoto kwa kuzuia kila tukio hatarishi” Amesema Waziri Anna.

Aidha Waziri ametoa wito kwa wananchi kuendelea kuwaelimisha watoto kuhusu maeneo hatarishi, kufuatilia mazingira yanayoweza kuhatarisha maisha yao na kutoa taarifa mapema kwa mamlaka husika pindi wanapobaini uwepo wa hatari, ili kuzuia matukio kama hayo yasijirudie.

Pia amesisitiza umuhimu wa kuendelea kutoa elimu ya usalama kwa watoto na kuchukua tahadhari stahiki katika maeneo yenye hatari, akieleza kuwa watoto ni rasilimali muhimu ya Taifa inayopaswa kulindwa kwa nguvu zote.

Naye Diwani wa Wadi ya Bububu ndugu Ramadhani Juma Mkanga amesema tukio la watoto watatu kuzama na kufariki dunia lilitokea juzi majira ya jioni katika bwawa la Mwanamanja ambapo Watoto wao walikuwa wakikamata ndege wanopita juu ya maji.

Diwani huyo aliwataja Watoto waliyofariki akiwemo mtoto Ibrahim Makame Haji (14), Ahmed Ramadhani Issa (14) na Abdullatif Ame Ussi (12) wote ni wakaazi wa Mbuzi.

Kwa upande wa wazazi wa Marehemu Akizungumza Malaki Mzee Salum mzazi wa marehemu AbdullLatifu Ame Ussi (12) ameishukuru Serikali ya Mapinduzi ya Zanzibar kwa kuwafariji na kushiriki nao katika majonzi yao. Wamesema ujio wa viongozi hao umewapa faraja na kuwatia moyo katika kipindi kigumu wanachokipitia, huku wakieleza matumaini yao kuwa hatua za kuimarisha usalama katika maeneo hatarishi zitachukuliwa ili kuzuia matukio kama hayo kutokea tena.

Katika ziara hiyo, Waziri Anna aliambatana na Mkuu wa Wilaya ya Magharibi A, Lela Burhani Ngozi, pamoja na Mkurugenzi wa Idara ya Maafa, Bw. Makame Khatib Makame. Viongozi hao kwa pamoja walitoa pole kwa familia zilizofiwa na kuwahakikishia kuwa Serikali itaendelea kuwa karibu nao katika kipindi chote cha maombolezo.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

Vikausha damu vya mjamzito hivi hapa, umo mchele, udongo, mkaa, chaki Uwezekano wa kuzaliwa watoto wenye udumavu, utapiamlo ni mkubwa

NA ZUHURA JUMA, PEMBA@@@@ ‘’KILA ninapobeba mimba nimezoea kula mchele kwa wingi naweza kusamehe pilau au biriani,’’ ndio maneno ya mwanzao ya Bahati Mohamed Ali (sio jina lake halisi). Nilimfuma akiwa barazani kwake, mjini Ole wilaya ya Chake chake, pembeni yake akiwa na kibakuli cha mwazi, kwa umbali utaona amejaza chakula aina ya pepe, kumbe ni mchele wa Mbeya. Hujichotea kidogo kidogo na kuushindilia mdomoni mwake, huku akiendela kupiga storia na wenzake, bila ya kujali kuwa ujauzito alionayo na mchele huo hauna mwisho mwema. Kawaida yake akiwa mjamzito, kila anapoamka asubuhi anaroweka mchele upatao robo kilo hivi…na baada ya kumaliza kupika, yeye huchukua mchele wake kutafuna (kula). Wakati mwenza wake na watoto wao, wanakula chakula cha mchana, Bahati yeye hukaa pembeni na kibakuli chake cha mchele akiendelea kubahatisha afya yake. ‘’Mimba nyengine hupenda sana kutafuna mchele wa Mbea na nyengine hupenda mchele wa mapembe, kwa kweli huwa nina hamu (kileo), kwan...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog