WALIOBAKA KWA KUNDI PEMBA ADHABU YAO HII HAPA

NA FATMA HAMAD, PEMBA@@@@

KIVUMBI na vilio viliibuka katika Mahkama ya mkoa Wete, kufuatia washitakiwa Suleiman Said Khamis (19) na Ali Iddi Ali (33) kwa kutaka kujitupa dirishani, baada ya kupelekwa Chuo cha Mafunzo kwa muda wa miaka saba, na kulipa fidia ya shilingi milioni 1, kwa kila mmoja kwa kosa la kubaka kwa kikundi.

Kabla ya kusoma hukumu yao jana Juni 17, 2025, Hakimu wa Mahkama hiyo Zuwena Mohamed Abdulkadir, alisema jumla ya mashahidi sita walisikilizwa mahkamani hapo, na ushahidi uliotolewa na upande wa mashtaka haukuacha chembe ya shaka na umewatia hatiani.

"Kutokana na ushahidi uliotolewa na mashidi wetu, mahkama tumeridhika na kwani hauna chembe ya shaka,"alisema.

Alisema kwa mujibu wa vifungu cha 108(1) na 110 (1), (2) vya vheria namba 6 ya mwaka 2018, kinaeleza kwamba kosa, la kubaka kwa kikundi adhabu yake ni kifungo cha maisha.

Kabla ya kutolewa hukumu hiyo Mwendesha Mashtaka wa serikali Juma Mussa Omar, alimuomba hakimu huyo, kutoa adhabu kwa washtaka hao, kwa mujibu wa vifungu na sheria zinavyoelekeza.

"Mheshimiwa Hakimu matendo haya ni hatari na yanawathiri wananchi, hivyo ni vyema uegemee kwenye sheria zinavyoelekeza, wakati unapotoa hukumu, kwani itakua ni darasa tosha kwao, na kwa wengine," alieleza.

Aidha alieleza kuwa kutokana na heshima na utu wake ulivyovunjwa binti aliebakwa, ni lazima angaliwe japo kwa chochote, licha ya kua hakuna malipo yatakayolipa vitu hivyo utu na heshma yake.

Kwa upande wake Wakili wa utetezi wa washitakiwa Abeid Mussa, aliiomba mahkama kutoa tahfifu wakati inapotoa hukumu, hakuna sababu za kuwafunga kifungo cha maisha.

"Mheshimiwa hakimu hakuna sababu ya kuwafunga kifungo cha maisha, wafanyie tahfifu, kwani vipo vifungu vya sheria, ambavyo vinawaelekeza wakati mnapokutana na kesi kama hizo,"alieleza.

Akitoa hukumu hiyo Hakimu Zuwena alisema mahkama, imeona washitakiwa ni kosa la mwanzo, hivyo imejiegemeza katika kifungu cha 314 cha sheria namba 7 ya mwaka 2018, watatumikia chuo cha Mafunzo kwa muda wa miaka saba na kulipa fidia ya milioni 1, kwa kila mmoja.

Washitakiwa Ali Iddi Ali miaka (33) na Suleiman Said Khamis (19), Oktoba 11, mwaka jana majira ya saa 1:30 usiku, eneo la Kinyasini wilaya ya Wete Pemba, wote kwa pamoja, mshitakiwa namba moja ni Ali Iddi Ali alimbaka mtoto wa miaka 17.

Mshitakiwa nambari mbili Suleimana Said Khamis alimsaidia mshitakiwa namba moja Ali Iddi Ali kutenda kosa hilo, ambapo ni kinyume na kifungu cha 108 (1) na110(1) (2) cha sheria nambari 6 ya mwaka 2018, sheria ya Zanzibar.

Mwisho.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

HABARI ZA HIVI PUNDE

TAARIFA za hivi punde, zilizofikia ofisi ya Pemba Today, zinaeleza kuwa, Jeshi la Polisi mkoa wa kaskazini Pemba, linamshikilia askari mwenzao, kwa tuhuma za ubakaji ndani ya moja ya kituo cha Polisi kisiwani Pemba Muume wa mwanamke aliyedai kubakwa na Mwanamke mwenyewe, wamedai kutokea kwa tendo hilo, na huku Kaimu Kamanda wa Polisi mkoa wa kaskazini Pemba, akithibitisha kupokea kwa lalamiko hilo.... Kwa taarifa zaidi ya tukio hili endelea kufuatilia mtandao huu, ambao kukuhabarisha ni fahari yetu...

PEMBA TODAY

Search This Blog