'CITIZENS' BRIGERD WAPEWA NENO KOJANI WETE

WAHAMASISHAJI jamii wa wanawake kudai haki zao na kushiriki katika masuala ya uongozi Pemba wameitaka jamii katika Kisiwa cha Kojani Wilaya ya Wete, mkoa wa Kaskazini Pemba kutoa kipaumbele kwa watoto wa kike kwa kuwajengea uwezo wa kushiriki kugombania nafasi mbalimbali za uongozi mapema ili kuwaandaa kuwa viongozi bora wa baadae nchini.

Wakizungumza na wanajamii wakati wa mkutano wa wahamasishaji hao ambao ni utekelezaji mradi wa kuhamasisha wanawake kudai haki zao na kushiriki katika masuala ya uongozi unaotekelezwa na Chama cha Waandishi wa Habari Wanawake Tanzania, (TAMWA Zanzibar), Jumuiya ya Wanasheria Wanawake Zanzibar (ZAFELA) na Jumuiya ya Utetezi wa Jinsia na Mazingira Pemba (PEGAO) kwa ufadhili wa Ubalozi wa Norway, walisema ni vyema kwa jamii hasa akina mama kuwashajihisha watoto wao wa kike kugombania nafasi mbali mbali za uongozi hata wakati wakiwa bado Skuli.

Husna Ali Said, Mwenyekiti wahamasishaji jamii Wilaya ya Wete alieleza kuwa kwa muda mrefu wanawake Zanzibar wamekuwa nyuma katika nafasi za uongozi kutokana na kukosa misingi sahihi inayowaandaa kuwa viongozi mapema na hivyo kupelekea mambo yao mengi kutolewa maamuzi na wanaume.

Kutokana na hilo aliwataka wanawake na jamii ya kisiwa hicho kujenga utaratibu wa kuwatia moyo na kuwahimiza watoto wao kuwa wanaweza kuwa viongozi tangu wakiwa wadogo ili wakue na ujasiri na sio kuwakatisha tamaa.

Aidha mwenyekiti huyo alifahamisha kuwa suala la uongozi sio lazima kusoma sana bali linahitaji mtu kujitambua na kutumia haki yake kusimamia maadili ya jamii pamoja na kufanya uchambuzi sahihi kwa yale ambayo anayawakilisha kwa jamii husika.

Alieleza, "ukifuatilia kwenye taasisi na hata jumuiya mbalimbali ambazo zimeanzishwa katika jamii zetu hata kama idadi kubwa ya wanachama watakuwa ni wanawake lakini utakuta nafasi kubwa pekee ambayo mwanamke anapata kuiongoza ni mshika fedha tu, jambo ambalo sio sahihi hata kidogo."

Maalim Mohammed Said ambae ni mhamasishaji jamii alifahamisha kuwa iwapo watoto wa kike watajengewa uwezo kwa kuandaliwa kuwa viongozi tangu wakiwa wadogo itawasaidia kujenga ujasiri wa kusimama kutetea haki zao katika kila nyanja na kuondoa mfumo dume.

Nao baadhi ya akinamama walioshiriki mkutano huo walisema changamoto kubwa ambayo ipo katika Kisiwa Cha Kojani ni wanawake wengi ambao wanaishi huko hawajui kusoma wala kuandika na hivyo kupelekea ugumu kwao kushiriki katika mambo ya uongozi.

"Uongozi tunautaka sana, lakini kikwazo chetu sisi wanawake wengi wa hapa Kojani hatujui kusoma wala kuandika sasa twakwazika sana kwasababu huwezi kuongoza watu ikiwa wewe mwenyewe hujui hata kushika kalamu," walieleza.

Kufuatia mkutano huo, wahamasishaji jamii wameahidi kufikisha changamoto zilizobainishwa na wananchi hao kwenye ngazi husika ili kuzitaftia ufumbuzi na kufanikisha lengo la upatikanaji wa haki za Wanawake katika ngazi mbalimbali kwenye jaamii.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog