MABADILIKO SHERIA YA HABARI ZANZIBAR NI LAZIMA

DEMOKRASIA ni neno lenye uwanja mapana, lakini ikitekelezwa katika jamii ama katika nchi huwa kuna faida kubwa hasa ikizingatiwa kuwa hoja za wengi ndizo zinazofuatwa na kutekelezwa.

Hata hivyo, kwenye jamii yenye kuzingatia demokrasia ya kweli wachache kwa uchache wao nao husikilizwa hoja zaa na sio kupuuzwa na inapotokea hoja za wachache zina mantiki sio dhambi kutekelezwa.

Wataalamu wengi wanakubaliana kuwa uwepo wa vyombo vya habari vya aina mbalimbali una mchango mkubwa kwenye ujenzi wa demokrasia na pia suala la kupata habari linahesabiwa kama miongoni mwa haki muhimu za binaadamu.

Ili vyombo vya habari vitekeleze vyema jukumu la kujenga demokrasia katika nchi, lazima viwe huru katika kutekeleza majukumu yake pasiwepo na taasisi ama mtu ambaye kwa nguvu zake ama utashi wake atakuwa anaamrisha habari ipi itoke na ipi isitoke, pengine tu kwa maslahi yake sio maslahi ya jamii.

Uhuru huo wa vyombo vya habari katika nchi, lazima uambatane na uwepo wa sera, sheria na kanuni rafiki za habari zinazowawezesha wanahabari kutekeleza majukumu yao na sio kuwabana na lakini pasi na waandishi hao kuvunja sheria nyengine.

Kwa muda mrefu Zanzibar imekuwa na kilio cha kuwa na sheria mbovu za habari, ambapo msingi wa ubovu wa sheria hizo unatokana na kuwa ni za muda mrefu, kwa maana ya kwamba zimezeeka, zimechoka na kuchakaa.

Tunaposema sheria hizi zimekongweka maana yetu ni kwamba zimeshindwa kabisa kwenda na wakati, hasa kutokana na mabadiliko yanayotokea mara kwa mara kwenye tasnia ya habari yanayotokana na kukua kwa teknolojia.

Sheria nyingi za habari zilizopo Zanzibar ikiwemo ya magazeti na zinawapa nguvu viongozi ambazo hawastahiki kuwa nazo katika ulimwengu wa sasa wa demokrasia.

Kwa mfano sheria ya magazeti ya mwaka 1988, kifungu cha 30 (i) kinasema; “Endapo waziri anaona kuwa ni kwa manufaa ya umma au kwa maslahi ya amani na utulivu, anaweza kuamuru kufungiwa kwa gazeti... na gazeti hilo litakoma kuchapishwa kuanzia tarehe iliyotajwa.

Kwanini pasiwepo na bodi huru itakayoundwa na wataalamu kutoka serikalini, taasisi na mashirika binafsi ya habari yakachambua kuwa gazeti hilo limefanya kosa kadhaa na dhabu yake kadhaa.

Msingi wa kusema hivyo ni kwamba uwaziri ni wadhifa wa kisiasa kwa maana ya kwamba wakati mwengine anaweza asiwe mtaalamu wa habari lakini kapewa nafasi hii atakuwa na uwezo kiasi gani kitaalamu kubaini kosa la gazeti?

Mfano mwengine kifungu cha 48 cha sheria ya magazeti, kinaeleza makosa ikiwa ni pamoja na uchochezi na kashfa kwa mtu yeyote ambaye anachapisha, kuchapisha, kuuza, kusambaza au kutoa chapisho lolote la uchochezi na baada ya kukutwa na hatia mtu huyo faini au kifungo au vyote viwili faini na kifungo vitatolewa na uchapishaji huo utatolewa.

Hichi ni miongoni mwa kifungu ambacho sio tu kinapunguza uhuru wa vyombo vya habari, lakini pia kinahatarisha uhuru wa kujieleza kwa jumla, vifungu kama hivi vipo kwenye katiba na baadhi ya sheria za habari.

Serikali ya awamu ya nane imejipambanua kwenye ukuzaji demokrasia ndio maana iko tayari kuzirekebisha sheria zote zenye utata, hivyo sheria za bahari nazo umefika wakati kupitiwa tena upya.

Wadau wa habari wameshajadili sana na mapendekeo yapo, serikali ione umuhimu wa kurekebisha sheria ili vyombo vyetu vya habari vikuze demokrasia nchini.

ReplyForward

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog