DC. MJAJA AWATAKIA WANANCHI WAKE UCHAGUZI WA AMANI

NA HAJI NASSOR, PEMBA@@@@

MKUU wa wilaya ya Micheweni Pemba, Khatib Juma Mjaja, amewatakia kheir na amani wananchi wa wilaya hiyo, kuelekea zoezi la kidemokrasia, la kuwachagua wagombea wa urais, ubunge, uwakilishi na udiwani.

Akizungumza na mwandishi wa habari hizi kwa njia ya simu, alisema zoezi hilo, lipo kwa mujibu wa sheria na kanuni, hivyo kwake yeye, ni kuwatakia kheir wananchi hao.

Aliwataka wananchi hao, kuziacha nyumbani jazba, hasira, uchungu na chuki na badala yake, waliendee zoezi hilo, wakiwa na furaha na amani moyoni mwao.

Mkuu huyo wa wilaya alieleza kuwa, zoezi la upigaji wa kura sio jambo geni kwa wananchi wa wilaya hiyo, sasa ni vyema wakaliendea kwa upole na shauku, huku ulinzi ukiimarishwa.

Alifafanua kuwa, kwa vile Tume ya Uchaguzi ya Zanzibar na ile ya Tume Huru ya Taifa ya Uchaguzi ya Jamhuri ya Muungano wa Tanzania ‘INEC’ imeshateua wasimamizi, zoezi hilo litakuwa jepesi.

‘’Niwaombea sana wananchi wa wilaya ya Micheweni, wale wenye sifa, kwanza kujitokeza kwa wingi kupiga kura, tena iwe kwa amani na utulivu, maana ndio moja ya sifa ya wananchi hao,’’alifafanua.

Katika hatua nyingine Mkuu huyo wa wilaya ya Micheweni Khatib Juma Mjaja, aliwakumbusha wananchi, kuwa wanaowajibu wa kulinda amani iliyopo.

Alieleza kuwa, taifa hili ni mali ya wananchi wenyewe, hivyo hawanabudi, kushirikiana kwa karibu na vyombo vya ulinzi na usalama, kuhakikisha amani inadumu.

‘’Kila mmoja leo ni shahidi, kuwa yapo mataifa kama ya Sudan, Congo, Libya, Ukrein na Urusi, sasa hayakaliki, kutokana na amani kuchafuliwa,’’alifafanua.

Hata hivyo, aliwakumbusha watendaji wa Tume za uchaguzi, kufika mapema vituoni, na kuanza kazi kwa mujibu wa taratibu, ili wananchi wenye sifa, wapige kura na kurudi nyumbani.

Mgombea urais wa Zanzibar kwa tiketi ya ADA-TADEA Juma Ali Khatib, akizungumza kwenye mkutano wa kampeni uliofanyika Konde, aliwakumbusha wananchi, kulinda amani.

Alisema, tunu ya kwanza kwa taifa la Tanzania, ni uwepo kwa amani na utulivu, jambo ambalo kama ikipotea, hakuna chama, wala kiongozi wa dini, atakaehubiri.

‘’Kwanza wakati tukielekea kwenye uchaguzi mkuu wa saba wa vyama vingi nchini Tanzania, kila mmoja awe mwalimu kwa mwenzake, juu ya kuilinda na kuienzi amani iliyopo,’’alifafanua.

Mapema Mkuu wa mkoa wa kaskazini Pemba Salama Mbarouk Khatib, aliwataka wananchi, kuondoa woga na kujitokeza katika zoezi la upigaji wa kura.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

MADAKTARI KUTOKA CHINA WAOKOA MAISHA YA MTOTO PEMBA

HABIBA ZARALI, PEMBA TIMU ya 32 ya madaktari wa kichina katika hospitali ya Abdalla Mzee Mkoani wamefanikiwa kufanya upasuaji mkubwa wa mtoto mwenye umri wa miaka 15 mkaazi wa Chole Kengeja, baada ya kuchomwa na jiti sehemu ya njia zake za mfumo wa uzazi. Mtoto huyo ambae alianguka hivi karibuni katika mti na baadae kuchomwa na jiti hilo na kumsababishia kutokwa na damu nyingi katika sehemu ya nyonga, alifanyiwa upasuaji uliodumu kwa muda wa saa tatu na kuokolewa maisha yake. Akizungumza mara baada ya operesheni huo kiongozi wa timu hiyo Dr Jiang Jinhua, alisema mara baada ya mtoto huyo kufikishwa hospitalini hapo na kufanyiwa vipimo na kuonekana ilibidi apatiwe rufaa ya kwenda katika hospitali nzuri yenye kutibu tatizo lake huko nchini Kuwado ambapo haikuwezekana kutokana na hali ya umaskini wa f amilia ya mtoto huyo . Alisema timu ya madaktari hao itaendelea kutowa huduma za matibabu kwa wananchi kisiwani humo, ili kuwaondolea gharama ya kuta...

PEMBA TODAY

Search This Blog