SABABU MAHAKAMA KUMFUNGA MIAKA 14 MWALIMU SKULI YA MADUNGU KWA UBAKAJI HIZI HAPA

NA HAJI NASSOR, PEMBA

MAHAKAMA maalum ya makosa ya udhalilishaji mkoa wa kusini Pemba, hatimae imempeleka chuo cha mafunzo kwa muda wa miaka 14, na kulipa fidia ya shilingi milioni 1, mwalimu skuli ya Madungu msingi Ali Khatib Makame miaka (25), baada ya kupatikana na hatia ya kumbaka mwanafunzi wake.

Hakimu wa mahakama hiyo Muumini Ali Juma, kabla ya kusoma hukumu hiyo, alisema ushahidi uliotolewa mahakamani hapo, haukuacha chembe ya shaka na ulitosha kumtia hatiani mshitakiwa huyo.

Alisema, mtu pekee ambae anapaswa kuthibitisha kuingilia ama kutoingiliwa kwake ni muathirika, ambapo upande wa mashtaka, ulithibitisha vyema bila ya kuacha chembe ya shaka jambo hilo.

Alieleza kuwa, upande wa mashataka uliwasilisha mashahidi wanne katika shauri hilo, ambao wote walithibitisha mambo kadhaa, ikiwa ni pamoja na umri wa mtoto na kuingiliwa kwake.

‘’Moja ya eneo ambalo mashahidi walithibitisha ni umri wa mtoto kisheria kuwa chini ya miaka 18, kukosekana kwa ridhaa ya mtoto kabla ya kuingiliwa, jambo ambalo limeishawishi mahakama kwa kiwango kikubwa,’’alisema.

Hata hivyo Hakimu huyo alisema, kwa upande wa daktari nae alithibitisha kuondoka kwa uke wa mtoto huyo, ambae alipompokea kituo cha mkono kwa mkono Chake chake, August 16, mwaka huu alithibitisha hayo.

‘’Ingawa daktari alisema kuwa, mtoto ameshaondokewa na uke wake, lakini hakusema kuwa ameingiliwa na nani, maana hali hiyo inaweza kuondoka kwa kuchanika au kutiwa kitu chengine chochote,’’alifafanua.

Wakati akiendelea kusoma hukumu hiyo, Hakimu wa mahakama hiyo Muumini Ali Juma, alieleza kuwa, mwalimu huyo, ilitbitika kumbaka mwanafunzi wake, zaidi ya mara moja.

‘’Ilithibitika kuwa mara moja, alimbaka kipembeni ndani ya darasa, mara nyingine maktaba na kisha pia alifanya hivyo wakiwa ndani ya choo cha waalimu,’’alieleza.

Ilithibitika kuwa, Mwalimu huyo wa skuli ya msingi Madungu, mara ya mwisho, kabla ya kumbaka mwanafunzi wake, alimtaka abakie darasani, ili amkabidhi buku lake la somo la dini, ingawa kumbe alimbaka.

‘’Mshtakiwa anafundisha masomo ya dini ya kiislamu na uraia, na August 12, mwaka huu alimtaka mwanafunzi, baada ya kuondoka wenzake abakie, ili amkabidhi buku lake, jambo ambalo hakuwa na dhamira hiyo,’’alifafanua Hakimu.

Kabla ya hukumu hiyo, Mwendesha Mastaka wa serikali Ali Amour Makame, aliiomba mahakama hiyo, kumpa adhabu kali mshitakiwa huyo, ili iwe fundisho kwake.

Alisema, mwalimu huyo alishaaminiwa na serikali na ndio maana, amepewa dhamana ya kuwafundisha wanafunzi maadili mema, hivyo ikiwa ameyavunja, hatua kali zichukuliwe.

Mwanasheria huyo alisema, jamii ilitarajia kuwa, mwalimu kama huyo, awe kioo kwa jamii husika na kuijengea nidhamu n heshima skuli yake, wizara na serikali kwa ujumla.

Aidha wakili wa utetezi Suleiman Omar Suleiman, alimuomba Hakimu huyo kwanza, kumpunguzia adhabu mshtakiwa huyo, kwa vile anafamilia inayomtegemea.

Alisema, Mwalimu huyo anajukumu la kuifundisha jamii mambo mema, sasa kuweko kwake chuo cha mafunzo kwa muda mrefu, jamii itaathirika kwa umuhimu wa nafasi yake.

Baada ya maombi ya pande zote mbili, Hakimu Muumini, aliyazingatia na kumtia hatiani mshitakiwa huyo, kwenda chuo cha mafunzo miaka 14 na kulipa fidia ya shilingi milioni 1.

Aidha haki ya rufaa imetolewa kwa upande ambao haukuridhika na hukumu hiyo, huku upande wa utetezi ukiweka indhari ya kukata rufaa.

Mshitakiwa huyo Ali Makame Khatib (mwalimu wa skuli ya msingi Madungu), mkaazi wa Matuleni wilaya ya Chake chake, alimbaka mtoto (mwanafunzi wake) mwenye miaka 11, kwa zaidi ya mara moja eneo la skuli ya masingi Madungu.

Ambapo kufanya hivyo ni kinyume na kifungu 108 (1), (2) (e) na kifungu cha 109 (1) cha sheria ya Adhabu nambari 6 ya mwaka 2018, sheria ya Zanzibar.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog