UNDP: 'TUMERIDHISHWA NA UBUNIFU WA ZLSC'

NA HAJI NASSOR, PEMBA:::-

SHIRIKA la Maendeleo la Umoja wa Mataifa ‘UNDP’ limesema limeridhishwa mno, na mbinu iliyobuniwa na Kituo cha Huduma za Sheria Zanzibar 'ZLSC' kisiwani Pemba, kwa kuwafuata wananchi vijijini kuwapa elimu, ushauri na msaada wa kisheria bila ya malipo.

Kauli hiyo, imetolewa na Mwakilishi wa shirika hilo kutoka Dar-es Salaam Apilike Gordon, wakati akiwasilimia wananchi wa kijiji cha Tundaua, shehia ya Kilindi wilaya ya Chake chake Pemba, kwenye mkutano wa wazi ulioandaliwa na ‘ZLSC’ kwa wananchi hao.

Alisema mfumo ulioandaliwa na ‘ZLSC’ unaonesha dhahiri jinsi Kituo hicho kinavyohakikisha, hakuna mwananchi anaekosa haki yake, kwa kutokujua mfumo wa sheria.

Alieleza kuwa, pamoja na kutoa elimu ya sheria, lakini kupitia watendaji wa Kituo hicho na wanasheria wengine, wamekuwa wakiwapa ushauri na msaada wa sheria bila ya malipo.

‘’Wananchi wa Tundaua, nafasi mliopewa na ‘ZLSC’ itumieni kuuliza, kutaka ushauri wa msaada wa kisheria bila ya malipo, na sisi ‘UNDP’ tumevutiwa mno na mfumo huu,’’alieleza.

Aidha Gordon alisema, wataendelea kufanyakazi na ‘ZLSC’ katika kuhakikisha jamii ya Zanzibar, inatapata uwelewa wa masuala mbali mbali ya kisheria.

Akizungumza kwenye mkutano huo, Kaimu Mratibu wa Kituo hicho Pemba Safia Saleh Sultan, alisema pamoja na kuwepo kwa wasaidizi wa sheria majimbo yote ya uchaguzi ya Unguja na Pemba, lakini wamemua kuwafuata wananchi.

Alieleza kuwa, ZLSC haipendi kuona ndani ya Zanzibar, kuna mwananchi anaepoteza haki yake, kwa kisingizio cha kuosa fedha cha kuwatafuta wakili, bali wao wapo kwa kazi ya kuwasaidia, bila ya malipo.

Katika hatua nyengine, ameiomba jamii kuendelea kushirikiana na vyombo vya sheria kama vile mahakama, ili kutoa ushahidi pale wanapotakiwa kufanya hivyo.

‘’Inawezekana wananchi walio wengi, wanapiga kelele kuwa wapo watuhumiwa kama wa makosa ya udhalilisha wanaachiwa huru, lakini moja ya sababu ni kutopokelewa kwa mashahidi,’’alieleza.

Mapema Afisa Sheria kutoka Idara ya Katiba na Msasda wa Kisheria Pemba Bakari Omar Ali, alisema kisheria, mtoto wa kike aliyechini ya miaka 18, hana ridhaa likitokezea kosa, hata kama ametengeneza mazingira.

‘’Hata kama mtoto huyo atamfuata mwanamme masafa ya zaidi ya kilomita 100,000 likitokezea kosa la ubakaji, bado sheria itamkamata mwanamme kwenye kosa hilo,’’alifafanua.

Kwa upande wake Wakili kutoka Kituo cha Huduma za Sheria Zanzibar ‘ZLSC’ kisiwani Pemba Siti Habib Mohamed, wakati akijubu hoja za wananchi, alisema mwanamke anaweza kuingia kwenye kosa la ubakaji, ikiwa atachangia kutokezea kwa kosa hilo.

‘’Sheria inaweza kumtia hatiani mwanamke, ikiwa mazingira yataonesha amechangia ikiwa ni pamoja na kutoa nyumba, kuruhusu mtoto wake kubakwa au hata mazingira mengine,’’alieleza.

Askari shehia ya Kilindi Said Juma Khamis, aliwataka wananchi wanaofika kituo cha Polisi Madungu na kutopata majibu yasioridhishwa na askari waliopo mapokezi, kufikisha malalamiko yao kwa mkuu wa kituo.

‘’Hata baada ya kuonana na mkuu wa kituo, kama hakukushughulikia, muone mkuu wa Polisi wilaya, nae ukiona anakusumbua omba kuonana na Kamanda wa Polisi mkoa, ili kufikisha malalamiko yako,’’alisema.

Akifungua mkutano huo, sheha wa shehia ya Kilindi Nassor Mohamed Khamis, aliwataka wananchi hao, kuhakikisha hawashiriki katika vikao vya sulhu hasa kesi za jinai.

Baadhi ya wananchi, walikipongeza Kituo cha Huduma za Sheria Zanzibar ‘ZLSC’ kwa uamuzi wake, wa kuwafuata kijijini kwao na kuwapa elimu, ushauri na msaada wa kisheria.

Juma Khamis Juma ‘kizito’, Mtumwa Abdalla Ali walisema kama sheria haijabadilishwa na mtoto wa kike, aliyechangia kudhalilishwa kwake kutiwa hatiani, matendo hayo yataendelea.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog