RC SALAMA ATOA NENO KUHUSU WATOTO NI BAADA YA MATEMBEZI

NA HAJI NASSOR, PEMBA:::-

MKUU wa mkoa wa kaskazini Pemba Salama Mbarouk Khatib, leo Juni 11, 2022 ameungana na vilabu vitatu vya mazoezi kikiwemo cha Gombani Fitness Club, na wadau wengine wa haki za mtoto wakiwemo TAMWA, kwenye matembezi maalum ya kuelekea kilele cha siku ya mtoto wa Afrika, hapo Juni 16, mwaka huu.

Mkuu huyo wa mkoa, akiongozana na vilabu hivyo vya mazoezi, walianza matembezi yao Polisi Madungu na kumalizia uwanja wa michezo Gombani wilaya ya Chake chake.

Baada ya kumalizika kwa mazoezi hayo, pia yaliohudhuriwa na wakuu wa wilaya za Chake chake na Mkoani, Mkuu huyo wa mkoa, aliwataka wanamazoezi hao, kuwa wazazi wema kwa watoto wao.

Alisema, wapo baadhi ya wazazi wamekuwa wakijitoa mishipa ya fahamu, kwa kuwabaka watoto wao wa kuwazaa, jambo linalosikitisha.

‘’Kwanza nianze na nyinyi, muwe baba na mama wema kwa watoto wenu, maana sasa hali imekuwa ikitisha kwa majanga wanayofanyiwa watoto wetu,’’alieleza.

Hata hivyo, amesema wakati umefika sasa kwa wanaume wanaowatekeleza watoto wao, kwa kuwakosesha huduma na hasa baada ya ndoa kuvunjika, kushughulikiwa kisheria.

Katika eneo jengine, amewakumbusha wananchi umuhimu wa kushiriki mazoezi, kwamba faida zake ni kubwa ikiwa ni pamoja na kukimbiza magonjwa hasa nyemelezi.

‘’Lakini sasa nichukue fursa hii, kwa wenzetu wa Gombani Fitness Club, ZAPHIAS na kikundi cha Obama vyote vya Chake chake kwa kuiunga mkono serikali katika ulinzi wa mtoto na haki zake,’’alieleza.

Mapema Mkuu wa wilaya ya Chake chake Abdalla Rashid Ali, alisema hakuna namna bora kwa mtoto kufanyiwa, kama kulelewa na kukua katika makuzi ya maadili mema.

‘’Sasa kama baba anambaka mtoto wake wa kumzaa au kaka anambaka ndugu yake, watoto wetu waende wapi, na je watapata makuzi na malezi bora,’’alihoji Mkuu huyo wa wilaya.

Afisa Mdhamini wizara ya Habari, Vijana, Utamaduni na Michezo Pemba Mfamau Lali Mfamau, aliwataka wanaume kuwahudumia kwa furaha watoto wao, kama walivyokuwa na furaha wakati wa kuwatafuta.

Katibu wa Gombani Fitness Club Khalfan Amour Mohamed, alisema wameguswa mno na haki za mtoto, na ndio maana wameamua kufanya matembezi hayo.

‘’Sisi sote tumepitia kwenye hatua ya utotoni, tunajua raha na machungu walioyapata wazazi wetu, sasa na sisi tunataka kizazi cha sasa, kiishi kwa amani,’’alieleza.

Kwa upande wake Mratib wa TAMWA -Pemba Fat-hya Mussa Said, alisema kundi la watoto limekuwa likiishi kwa wasisi mkubwa, kutokana na maadui wao kuishi nao nyumba moja.

‘’Sasa watoto hawajuwi wakimbilie wapi, maana wabakaji na wadhalilishaji ndio wanaopaswa kuwapa huduma za kila siku, sasa lazima mkazo uwekwe, kwenye kuwalinda,’’alishauri.

Matembezi hayo pia, yaliungwa mkoano na CHAPO, TAMWA, ZAPHIS, ZLSC, TUJIPE yalianzia kituo cha Polisi Madungu na kupitia mitaa ya mjini Chake chake, Muharitani, Machomane, Mkanjuni, Mkoroshoni na kuishi uwanja wa michezo Gombani.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

MADAKTARI KUTOKA CHINA WAOKOA MAISHA YA MTOTO PEMBA

HABIBA ZARALI, PEMBA TIMU ya 32 ya madaktari wa kichina katika hospitali ya Abdalla Mzee Mkoani wamefanikiwa kufanya upasuaji mkubwa wa mtoto mwenye umri wa miaka 15 mkaazi wa Chole Kengeja, baada ya kuchomwa na jiti sehemu ya njia zake za mfumo wa uzazi. Mtoto huyo ambae alianguka hivi karibuni katika mti na baadae kuchomwa na jiti hilo na kumsababishia kutokwa na damu nyingi katika sehemu ya nyonga, alifanyiwa upasuaji uliodumu kwa muda wa saa tatu na kuokolewa maisha yake. Akizungumza mara baada ya operesheni huo kiongozi wa timu hiyo Dr Jiang Jinhua, alisema mara baada ya mtoto huyo kufikishwa hospitalini hapo na kufanyiwa vipimo na kuonekana ilibidi apatiwe rufaa ya kwenda katika hospitali nzuri yenye kutibu tatizo lake huko nchini Kuwado ambapo haikuwezekana kutokana na hali ya umaskini wa f amilia ya mtoto huyo . Alisema timu ya madaktari hao itaendelea kutowa huduma za matibabu kwa wananchi kisiwani humo, ili kuwaondolea gharama ya kutafuta matibabu nje ya nch

PEMBA TODAY

Search This Blog