JAMII YATAKIWA KUDHIBITI MABADILIKO YA TABIANCHI

IMEANDIKWA NA ZUHURA JUMA, PEMBA@@@@

MKURUGENZI wa Mwamvuli wa Asasi za Kiaraia Zanzibar (ANGOZA) Hassan Khamis Juma amesema, kutokana na maeneo mengi kuathiriwa na mabadiliko ya tabia nchi kisiwani Pemba, kuna haja kwa wadau kushirikiana pamoja katika kuhakikisha wanadhibiti hali hiyo katika jamii.

Akizungumza wakati wa mafunzo ya kuwajengea uwezo wadau wa masuala ya mabadiliko ya tabia nchi katika Ukumbi wa Wizara ya Kilimo Pemba, Mkurugenzi huyo aliwataka kuyafanyia kazi mafunzo hayo kwa ajili ya kujenga mazingira bora ya sasa na baadae.

Alisema kuwa, wamejikita kutoa mafunzo hayo hasa kwa wananchi wanaoishi maeneo ya ukanda wa bahari, ili kuelimisha jamii katika udhibiti wa mabadiliko ya tabia nchi ambayo yameathiri sehemu mbali mbali kisiwani hapa.

"Tunaamini kwamba elimu hii tutaitumia ipasavyo katika kukabiliana na mabadiliko ya tabia nchi ili mulete mabadiliko chanya katika jamii," alisema Mkurugenzi huyo.

Aidha aliwataka kufanya kazi vizuri ili wanajamii waelewe, jambo ambalo litasaidia kuepuka kukata miti ovyo sambamba na kuyaweka mazingira ya vijiji vyao katika hali ya kuvutia.

Kwa upande wake Mjumbe wa ANGOZA Pemba Khalfan Suleiman Juma alieleza kuwa mafunzo hayo ni fursa adhimu kwao, hivyo waitumie ipasavyo na kuwafikishia wengine, ili washirikiane katika kudhibiti janga hilo linaloendelea kuathiri siku hadi siku.

"Tuelewe kwamba mafunzo hayo ni faida yetu na faida ya vizazi vijavyo, hivyo tujitahidi tunawarithisha watoto wetu elimu bora kwa maisha yao yote," alifahamisha.

Akiwasilisha mada katika mafunzo hayo Afisa Kitengo cha Mabadiliko ya Tabianchi kutoka Idara ya Mazingira Zanzibar, Dk. Salim Hamad Bakar alifafanua kuwa, kila mmoja ana wajibu wa kutenda haki kulingana na mazingira anayoishi.

"Kila mmoja ana haki ya kuhakikisha hachafui mazingira na wala hasababishi athari yeyote inayoweza kupelekea madhara, bali tunatakiwa kudhibiti," alisema Afisa huyo.

Alisema kuwa, kumekuwa ongezeko la taka, uharibifu wa maeneo ya kilimo, fukwe na vyanzo vya maji ambavyo husababisha mafuriko na hatimae huleta maradhi ya mripuko.

Aidha alieleza kuwa, kuna baadhi ya wanajamii wamekuwa wakikata miti ovyo bila kuipanda, hali inayosababisha maji ya bahari kupanda juu kwenye makaazi ya watu pamoja na kuingia kwenye mashamba, hali ambayo inaweza kusababisha ongezeko la umasikini.

"Mabadiliko haya tumeyasababisha kwa mikono yetu wenyewe, hivyo kupitia mafunzo haya tuhakikishe tunapanda miti kwa wingi, hatutupi taka ovyo, tulime na tule vyakula vinavyostahiki," alisema.

Afisa Mazingira Wilaya ya Micheweni Salum Mjaka alisema mafunzo hayo ni muhimu kwao, kwani yamewaongezea uelewa ambao itawasaidia katika kutekeleza kazi zao za kutoa elimu kwa jamii.

Kaimu Afisa Kilimo Wilaya ya Micheweni Asha Khamis Saleh na Abdulrahim Ali Omar kutoka taasisi ya Kwanini Foundation walisema, kupitia mafunzo hayo wamejifunza vitu vingi na kuahidi kupita kwa wanajamii kutoa elimu ili kuhakikisha wanadhibiti mabadiliko ya tabia nchi kila sehemu.

MWISHO.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

MADAKTARI KUTOKA CHINA WAOKOA MAISHA YA MTOTO PEMBA

HABIBA ZARALI, PEMBA TIMU ya 32 ya madaktari wa kichina katika hospitali ya Abdalla Mzee Mkoani wamefanikiwa kufanya upasuaji mkubwa wa mtoto mwenye umri wa miaka 15 mkaazi wa Chole Kengeja, baada ya kuchomwa na jiti sehemu ya njia zake za mfumo wa uzazi. Mtoto huyo ambae alianguka hivi karibuni katika mti na baadae kuchomwa na jiti hilo na kumsababishia kutokwa na damu nyingi katika sehemu ya nyonga, alifanyiwa upasuaji uliodumu kwa muda wa saa tatu na kuokolewa maisha yake. Akizungumza mara baada ya operesheni huo kiongozi wa timu hiyo Dr Jiang Jinhua, alisema mara baada ya mtoto huyo kufikishwa hospitalini hapo na kufanyiwa vipimo na kuonekana ilibidi apatiwe rufaa ya kwenda katika hospitali nzuri yenye kutibu tatizo lake huko nchini Kuwado ambapo haikuwezekana kutokana na hali ya umaskini wa f amilia ya mtoto huyo . Alisema timu ya madaktari hao itaendelea kutowa huduma za matibabu kwa wananchi kisiwani humo, ili kuwaondolea gharama ya kuta...

PEMBA TODAY

Search This Blog