‘AG’ ZANZIBAR MGENI RASMI ASUBUHI HII, JUKWAA LA MSAADA WA KISHERIA

NA HAJI NASSOR, PEMBA@@@@

MWANASHERIA Mkuu wa Zanzibar Dk. Mwinyi Talib Haji, anatarajiwa kuwa mgeni rasmi asubuhi hii, katika Jukwaa la tatu la mwaka la msaada wa kisheria Zanzibar.

Jukwaa hilo, linatarajiwa kufanyika ukumbi wa Chuo cha Utalii Maruhubi mjini Zanzibar, ambapo tayari washiriki mbali mbali kutoka kisiwani Pemba na Tanzania bara, wameshawasili kisiwani Unguja.

Kwa mujibu wa taarifa iliyopatikana na blog ya Pemba today, inaeleza kuwa, katika Jukwaa hilo, pamoja na kuwepo kwa Mwanasheria mkuu, aidha viongozi mbali mbali watawakuwepo.

Mmoja wa viongozi wanaotarajiwa kuwepo ni Waziri wa nchi Afisi ya Rais, Katiba, Sheria, Utumishi na Utawala Bora, Haroun Ali Suleiman.

Viongozi wengine ni Katibu mkuu wa wizara hiyo Mansura M. Kassim, wakurugenzi mbali mbali wa wizara hiyo, wakiongozwa na Mkurugenzi wa Idara ya Katiba na msaada wa Kisheria Hanifa Ramadhan Said ambae ndie mwenyeji wa shughuli hiyo.

Aidha taarifa zinaeleza kuwa, washiriki wengine ni kutoka Ofisi ya Mwanasheria Mkuu wa serikali, Ofisi ya Mkurugenzi wa Mashtaka, Tume ya Kurekebisha sheria, wadau wa haki wa jinai.

Wengine ni watoa msaada wa kisheria, wasaidizi wa sheria, taasisi za watu wenye ulemavu, masheha, wanufaika wa msaada wa kisheria na makundi mengine ya jamii.

Kabla ya hutuba ya mgeni rasmi, taasisi mbali mbali kama za LSF, UNDP, wasaidizi wa sheria, Katibu mkuu na Wizara husika watatoa hutuba zao, ambazo zitalenga kuongeza ari na kasi, kwa wasaidizi na watoa msaada wa kisheria Zanzibar.

Ambapo kwa upande wa UNDP salamu katika jukwaa hilo la tatu, zinatarajiwa kutolewa na Mwakilishi wao aliyepo Zanzibar Godfrey Nyamrunda, wakati zile za LSF zinatarajiwa kutolewa na Wakili Alphonce Gura.

Kisha kwa siku ya kwanza, na baada ya mgeni rasmi kuondoka ukumbini, watoa mada akiwemo Mkuu wa skuli ya sheria Zanzibar Dk. Ali Uki na Katibu wa Tume ya Kurekebisha sheria Zanzibar Mussa Kombo Bakari watachukua nafasi yao.

Akizungumza hivi punde, Mkurugenzi wa Jumuiya ya wasaidizi wa sheria wilaya ya Chake chake Pemba, CHAPO Nassor Bilali Ali, alisema majukwaa kama hayo, yanawaamsha wale wasaidizi wa sheria waliolala kikazi.

Alisema, jambo linalofanywa na Idara ya Katiba na Msaada wa Kisheria Zanzibar chini ya Mkurugenzi Hanifa Ramadhan Said, kwa kushirikiana na taasisi za LSF na UNDP, linawapa moyo wao kwenye kazi zao.

Afisa sheria wa Idara ya Katiba na Msaada wa Kisheria Zanzibar ofisi ya Pemba Bakar Omar Ali, alisema kwa upande wake juu ya kuwafikisha washiriki Unguja, limekaa sawa.

Sheha wa shehia ya Wawi Sharif Abdalla Waziri, alisema kwake hii ni mara ya kwanza kushiriki, lakini limemtia moyo, juu ya kazi inayofanywa na wasaidizi wa sheria, shehiani mwake.

Katika jukwaa hili la tatu, ambalo litaanza asubuhi ya leo Novemba 20 na kumalizika kesho, kauli mbiu ya mwaka huu ni ‘kuimarisha huduma za msaada wa kisheria zenye ubora na zinazozingatia matokeo’

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog