SHUMBA MJINI PEMBA WATUMIA MAJI YA BAHARI KWA MATUMIZI

NA HAJI NASSOR, PEMBA

WANANCHI 6,680 wa shehia ya Shumba mjini wilaya ya Micheweni Pemba, wanakabiliwa na huduma ya maji safi na salama isiyo ya uhakika kwa mwezi mmoja sasa, unaowapelekea baadhi yao, kutumia maji ya bahari kwa shughuli zao za kila siku.

Walisema, huduma hiyo imekuwa ya kusua sua katika baadhi ya vijiji vyao, hali inayowanyima usingizi, huku baadhi yao, wakinunua kwa dumu moja lenye ujazo la lita 20, kati ya shilingi ya 500 hadi shilingi 1,000, kutoka shehia jirani.

Wananchi hao wa vijiji vya Chamboni, Vumbini, Nduaga, Momogu, Mkunguni, Kichekwani, Tundumwe na Msasani kwa wale wasio na uwezo wa kunua huduma hiyo, wamekiri kutumia maji ya bahari, kwa shughuli nyingine.

Wakizungumza na mwandishi wa habari hizi, walisema maji wanayonunua hutumia kwa ajili ya kupikia na kunywa na kukoga tu, ambapo kwa upande wa shughuli za chooni na kukoshea vyombo, hutumia maji ya bahari.

Mmoja kati ya wananchi hao Hamad Ali Hamad, alisema sio wote wenye uwezo wa kununua maji kwa matumizi ya kila kitu, hivyo baadhi yao, huenda baharini kuchota maji hayo.

‘’Ni kweli, kwa sasa matumizi ya maji kama kukoshea vyombo, matumizi ya chooni, tumelazimika kutumia maji ya bahari, maana haya ya ‘ZAWA’ hayapatikani kwa uhakika,’’alieleza.

Nae Kurata Bakar Said, alisema huduma hiyo ya maji safi na salama, imekuwa adimu mno, na imewalazimisha wengine kununua maji kutoka shehia za Majenzi na Micheweni.

Kwa upande wake Fatma Mohamed Awadhi, alisema maji ya ‘ZAWA’ sasa imekuwa tunu kwao, na mifereji yao imekaa kama pambo ndani ya nyumba zao.

‘’Unaweza kukaa wiki ukasikia maji eneo fulani yanatoka, lakini ukifika unaweza kubahatika ndoo moja au mbili, na kisha yanafungwa, hivyo kama unauwezo unaweza kununua,’’alifafanua.

Nao wananchi Omar Khamis Kombo na Biache Mohamed Hamad walisema, walipomfuata sheha wao, aliwaeleza kuwa tayari malalamiko hayo, ameshayafikisha kwa uongozi wa ZAWA wilaya ya Micheweni.

Sheha wa shehia ya Shumba Mjini mjini Rahila Ramadhan Juma, alikiri kupokea mamalamiko ya wananchi wake, juu ya ukosefu wa huduma hiyo, shehiani humo.

Alisema anaelewa kuwa, kwa zaidi ya siku 30 sasa, baadhi ya wanachi hawaipatia kabisa huduma hiyo, na baadhi ya maeneo yakitoka huwa ni kwa kusua sua.

‘’Kwa hakika, huduma ya maji safi na salama ndani ya shehia yangu, imeshakuwa tatizo la muda sasa, na ni kweli baadhi ya wananchi, wananunua na wengine kutumia maji ya bahari,’’alieleza.

Afisa wa Mamlaka ya Maji ‘ZAWA’ wilaya ya Micheweni Ali Rajab, alikiri kupokea malalamiko ya sheha huyo, juu ya huduma hiyo kuwa ndogo, shehia ya Shumba mjini.

Alieleza kuwa, tatizo hilo halitokani na uhaba wa huduma ya maji kwenye kisima wanachokokitegemea cha Kijichame, bali na kupanda na kushuka kwa nishati ya umeme.

‘’Kupanda na kushuka kwa umeme, kulikosambaa Pemba nzima, ndio sababu ya wananchi wa Shumba, mashine yao ya kusukumia maji kukosa nguvu, nao kukosa huduma ya maji safi na salama,’’alifafanua.

Hata hivyo afisa huyo, alisema kuwa kisima hicho ambacho kinauwezo wa kuzalisha lita 17,000 kwa saa moja, na kuwekwa bomba lenye ujazo wa nchi tatu, kama sio tatizo la umeme wananchi wengepata huduma ya kutosha.

Afisa Uhusiano wa ‘ZAWA’ Pemba Suleiman Anasi Massoud, alisema mashine iliyopo kwenye kisima cha wananchokitegemea wananchi hao wa Shumba, kimekumbwa na shida ya umeme, ya kupanda na kushuka.

‘’Mshine iliyopo kwenye kisima hicho ni ya kisasa, hivyo kama umeme ukiwa mkubwa au ukiwa mdogo kama ilivyo sasa, hujizima wenyewe na kukosa nguvu ya kusukuma maji,’’alieleza.

Hata hivyo, alisema changamoto kubwa ambayo ipo kwa wananchi hao, ni ukosefu wa tenki la kuhifadhia maji, ambapo hilo huisababishia mashine iliyopo, kufanyakazi kwa saa 24 bila ya mapumziko.

‘’Wananchi wa Shumba mjini, waondoe wasi wasi na waendelee na ustahamilivu, upo mradi mkuba wa usambaazaji maji safi na salama kwa ajili yao tu, na utajenga na tenki la kuhifadhia maji safi na salama,’’alifafanua.

Afisa Huduma kwa wawateja wa Shirika la Umeme Zanzibar ‘ZECO’ Pemba Haji Khatib Haji, hivi karibuni alinukuliwa na vyombo vya habari, akisema tatizo la kupungua kwa umeme ovyo ovyo, kutokana na eneo la Tanga kupata hitilafu.

‘’Ndio mafundi wetu wamekuwa wakishirikiana kwa karibu na mafundi wa TENESCO, ili kushughulikia tatizo hilo, huku akiwataka wananchi, kuendelea kuwa wastahamilivu,’’alieleza.

Hivi karibuni, kwenye kongamano la kutimiza miaka miwili ya rais wa Zanzibar Dk. Hussein Ali Mwinyi, ilifahamika kuwa, kwa Pemba kuna vituo 27 vya huduma ya maji safi na salama na ujenzi wa matenki matno (5), yenye uwezo wa kuhifadhi maji lita milioni 1, kila moja.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog