ZSSF PEMBA YAWAPA TATIMA 60 SIKUKUU

IMEANDIKWA NA HAJI NASSOR, PEMBA.

MFUKO wa Hifadhi ya Jamii Zanzibar ‘ZSSF’ kisiwani Pemba, umekabidhi sadaka ya fedha taslim, kwa watoto yatima 60 kisiwani humo, kama sehemu ya maandalizi ya kusherehekea sikukuu, baada ya mfungo wa mwezi mtukufu wa Ramadhan.

Akikabidhi sadaka hiyo kwa nyakati tofauti, Meneja wa ZSSF kisiwani humo, Rashid Mohamed Abdalla, alisema ZSSF inapaswa kuihudumia jamii, wakiwemo watoto waliokosa wazazi wao.

Alisema, ZSSF imeguswa mno na kundi la watoto hao, na dio maana imeamua kwa mara hii, kuacha kufutarisha makundi mengine na kuwapatia sadaka watoto hao.

Akiungumza katika ofisi za wilaya za Micheweni, Wete, Mkoani na ofisini kwao Chake chake, alisema ijapokuwa, sadaka hiyo ni ndogo, lakini itasaidia katika maandalizi ya sikukuu.

Alieleza kuwa, watoto hao ambao wamepoteza mmoja kati ya wazazi wao, au wote wawili, nao wanahitajia kupata furaha na chukula kizuri hasa kipindi cha sikukuu.

‘’Kwa msimu huu ZSSF makao makuu, imeamua kuacha kuyaita makundi mengine kwa ajili ya futari, na imeona bora kukutana na mayatima japo kidogo kila wilaya, ili kupata sadaka,’’alieleza,

Katika hatua nyingine Meneja huyo, amewaomba watu na mashirika mengine yenye uwezo, kuliangalia kwa karibu kundi hilo, ili kulisaidia kwa njia moja ama nyingine.

Hata hivyo aliwakumbusha waajiri kuendelea kufikisha michango ya wafanyakazi wao ZSSF, ambayo wakati mwengine, ndio hiyo inarudi kwa jamii

‘’ZSSF pamoja na wajibu wake wa kutoa mafao mbali mbali kwa wanachama, wake lakini pia imekuwa ikiihudumia jamii katika sekta mbali mbali, ikiwemo elimu na afya,’’alisisitiza.

Kwa upande wake Afisa Ustawi wa Jamii wilaya ya Micheweni Saleh Mohamed Saleh, alisema sadaka hiyo sio ndogo, na itawasaidia kwa kiaisi kikubwa watoto hao na walezi wao.

Nae Afisa Ustawi wa Jamii wilaya ya Chake chake Rashid Said Nassor, alisema watoto yatima wilayani mwake ni wengi, lakini hao waliokabidhiwa sadaka itawasaidia.

‘’Idara ya ustawi wa Jamii wilaya ya Chake chake inaupongeza Mfuko wa Hifadhi ya Jamii Zanzibar ZSSF, kwa hatua ya kuwaona watoto, kwa matayarisho ya sikukuu,’’alieleza.

Nae Afisa Usajili wa ZSSF Msabaha Massod alisema, ZSSF itaendelea kuwa karibu na jamii kila siku, ili kuona wanaondokana na changamaoto kadhaa, iwe kwenye sekta ya elimu au afya.

Baadhi ya watoto hao, walisema hatua hiyo imewasaidia mno katika matayarisho ya sikukuu, na kuwaomba wengine, wenye uwezo kuwasaidia wenzao.

‘’Sisi watoto yatima kwa Pemba tupo wengi mno, sasa kama ZSSF imekusanya 60, na wengine wawasaidie kundi jengine, ili kila mmoja aishi kwa furaha,’’alisema Fatma Mohamed.

Hata hivyo watoto hao yatima, wameuomba Mfuko wa Hifadhi ya Jamii Zanzibar ZSSF, kuendelea na utaratibu kila hali ya fedha itakaporuhusu.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog