OTHMAN KUJA NA MPANGO WA UBINAFSISHAJI ZAO LA KARFUU ZANZIBAR

NA HAJI NASSOR, PEMBA@@@@

MGOMBEA Urais wa Zanzibar kwa tiketi ya ACT- Wazalendo Othman Massoud Othman, amesema kama akipata ridhaa ya kuiongoza Zanzibar, atakuza uchumi, kwa kulibinafsisha zao la karafuu.

Mgombea huyo wa urais wa aliyasema hayo leo Septemba 30, 2025, uwanja wa mpira wa Daya Jimbo la Mtambwe wilaya ya Wete Pemba, wakati akizungumza, kwenye mkutano wa hadhara wa chama hicho, jimboni humo.

Alisema, Zanzibar katika eneo moja la kukuza uchumi ni wakulima wa karafuu, hivyo atahakikisha analiimarisha zao hilo kwa kulibinafsisha.

Alieleza kuwa, anachohitaji ni kupewa ridhaa kutoka kwa wananchi, ili kuhakikisha zao la karafuu analiongezea thamani na kurudi mikononi kwa wakulima.

Alieleza kuwa katika eneo hilo, atahakikisha anaongeza pia bei na kufikia kilo moja shilingi 20,000 ili kuhakikisha linamnufaisha mkulima.

Aidha mgombea huyo wa urais, alisema ili kuhakikisha mkulimana anafaidi zao hilo la taifa, nni kulibinafsisha.

‘’Mkinipa ridhaa nitahakikisha zao la karafuu, kwanza tuliongezea thamani, lakini pia tutalibinafsisha ili kila mmoja awe na uhuru nalo,’’alifafanua.

Katika hatua nyingine Mgombea huyo wa urais wa Zanzibar kwa tiketi ya ACT-Wazalendo Othman, Massoud Othman, alisema anakusudia kuifanya Mtambe kuwa kitovo cha uzalisha za viungo, ikiwemo vanilla.

Alisema, anaompango wa kweli wa kuhakikisha anaoundoa umaskini kupitia uwekezajiwa kilimo ikiwemo cha viungo.

Alieleza Mtambwe, itakuwa ndio kwa Zanzibar ambapo watu wingine wanakuja kujifunza katika kilimo cha viungo.

‘’Hebu nipeni ridhaa ya kuwa Rais wa Zanzibar kuelekea uchaguzi mkuu wa mwaka huu, ili muone mabadiliko ya uchumi wenu,’’alifafanua.

Mapema Makamu Mwenyekiti wa ACT-Wazalendo Zanzibar Ismail Jussa Ladu, alimtaja muasisi wa wao Maalim Seif Sharif Hamad, kama mkombozi wa wananchi wa Zanzibar, kwa ile hamu na tunu yake.

‘’Leo tunaendeleza mapambano ya kupigania haki za wananchi wa Zanzibar, ni dhahiri kuwa, tunae Othman Massoud, lakini hatutoacha kumkumbuka marehemu Maalim Seif,’’alifafanua.

Katika hatua nyingine, aliwataka wasimamizi wa uchaguzi kutoka ndani ya ACT-Wazalendo, kusimamia haki za wananchi, ili wawe chanzo kwa chama hicho, kushinda.

‘’Niwaambie wenzetu wa ACT-Wazalendo ambao watashiriki kwenye uchaguzi, lazima wawatumikie wapiga kura, na wahakikishe wanasimamia kura kwa mujibu wa sheria zilivyo,’’alifafanua.

Nae Naibu Katibu Mkuu wa chama hicho Omar Ali Shehe, alisema tayari mgombea huyo, ameshafanya mikutano katika majimbo 22 ya Unguja na Pemba.

Alisema, katika mikutano hiyo ya hadhara, pia amefanya mikutano ya kukutana na makundi mbali mbali, wakiwemo wajasiriamali na watumishi wa umma.

‘’Leo tukiwa hapa jimbo la Mtambwe, kwa mgombea wetu hili ni jimbo la 22, na tayari mikutano yake imeshaonesha dalili za ushindi, kuelekea uchaguzi mkuu wa mwaka huu,’’alisema.

Katika hatua nyingine, Naibu Katibu Mkuu huyo, alisema ili kuhakikisha hilo kwa vitendo, ni vyema kila mmoja ahakikishe kura yake, ni kwa wagombea wa ACT-Wazalendo.

Kwa upande wake Mbunge mstaafu wa Jimbo la Mtambwe Khalifa Mohamed Issa alisema, tayari kwa mikutano hiyo 22 ambayo ameshaifanya mgombea wao, ishara ya ushindi iko wazi wazi.

Aidha, alimtaka mgombea huyo, pindi akipata ridhaa, ahakikishe anaimarisha miundombinu ya wavuvi, ili bahari iwe kimbilio kwao.

‘’Wananchi wa Zanzibar na hasa hawa wa Mtambwe, wingi wao ni wavuvi na maisha yao wanayetegemea moja kwa moja kwenye eneo hilo, hivyo kama ukipata ridhaa, uwaone kwa jicho la huruma,’’alifafanua.

Kuhusu sifa za mgombea huyo wa urais wa Zanzibar kwa tiketi ya ACT-Wazalendo Othman Massoud Othman, alisema ni mtu wa watu, mwenye utu, anaeyafahamu mazingira ya wananchi wa Zanzibar.

‘’Mgombea wetu huyu ni mtetezi wa haki za watu na ushahidi pale alipokuwa Mkurugenzi wa Mashtaka, kesi kadhaa za uzushi alizifuta ili haki itendeke,’’alifafanau.

Mbunge wa Ubunge jimbo la Mtambwe Mohamed Rashid, amewaomba wananchi kumpa kura, ili kuwaletea maendeleo.

Kabla ya mkutano huo, wasanii kadhaa akiwemo Cholo ganuni, walinogesha mkutano huo, pamoja na vikundi kadhaa vya burudani, kutoka mji wa Wete na vitongoji vya mji huo.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

MADAKTARI KUTOKA CHINA WAOKOA MAISHA YA MTOTO PEMBA

HABIBA ZARALI, PEMBA TIMU ya 32 ya madaktari wa kichina katika hospitali ya Abdalla Mzee Mkoani wamefanikiwa kufanya upasuaji mkubwa wa mtoto mwenye umri wa miaka 15 mkaazi wa Chole Kengeja, baada ya kuchomwa na jiti sehemu ya njia zake za mfumo wa uzazi. Mtoto huyo ambae alianguka hivi karibuni katika mti na baadae kuchomwa na jiti hilo na kumsababishia kutokwa na damu nyingi katika sehemu ya nyonga, alifanyiwa upasuaji uliodumu kwa muda wa saa tatu na kuokolewa maisha yake. Akizungumza mara baada ya operesheni huo kiongozi wa timu hiyo Dr Jiang Jinhua, alisema mara baada ya mtoto huyo kufikishwa hospitalini hapo na kufanyiwa vipimo na kuonekana ilibidi apatiwe rufaa ya kwenda katika hospitali nzuri yenye kutibu tatizo lake huko nchini Kuwado ambapo haikuwezekana kutokana na hali ya umaskini wa f amilia ya mtoto huyo . Alisema timu ya madaktari hao itaendelea kutowa huduma za matibabu kwa wananchi kisiwani humo, ili kuwaondolea gharama ya kuta...

PEMBA TODAY

Search This Blog