MASHEHA WAWI, WESHA WANG'AKA WANAOHARIBU NGUZO ZA MAJINA YA MITAA

NA HAJI NASSOR, PEMBA@@@@

MASHEHA wa shehia za Wawi na Wesha wilaya ya Chake chake Pemba, wameahidi kuwa watakula sahani moja kisheria, na mtu yeyote atakaekamatwa akihujumu nguzo zenye majina ya mitaa katika shehia hizo.

Walisema, baadhi ya wananchi wamekuwa wakijaribu kuzing’oa nguzo hizo kwa maksudi, na kuwataka waache mara moja tabia hiyo, kwani atakaekamatwa, sheria itachukua mkondo wake.

Wakizungumza na mwandishi wa habari hizi kwa nyakati tofauti, kufuatia katika baadhi ya vijiji kung’olewa nguzo hizo, walisema yeyote hatovumiliwa.

Sheha wa shehia ya Wesha Haji Mohamed Ali, alisema tayari katika moja ya vijiji vyake nguzo iliyokuwa na jina la kijiji imeshang’olewa na kuwataka wananchi, wairejeshwe mara moja.

Alieleza kuwa, kwa vile serikali imetumia gharama kubwa kutengeneza nguzo hizo kwa ajili ya kurahisisha shughuli mbali mbali, hatokaa kimnya hadi itakaporejeshwa.

‘’Niwaombe kama kuna mwananchi anajua taarifa za kuibiwa kwa nguzo hizo, aje anipe kwa kina, kwani jambo hilo halitokuwa dogo kama haijarejeshwa,’’alisema.

Katika hatua nyingine, sheha huyo wa shehia ya Wesha Haji Mohamed Ali, alielezea kusikitishwa kwake na tabia ya baadhi ya wananchi kuzitikisa tikisa nguzo hizo.

Sheha wa shehia ya Wawi Sharifa Waziri Abdalla, alisema wapo wananchi wamekuwa wakizitumia nguzo hizo hata kufungia wanyama wao, jambo ambalo sio sahihi.

Alisema, anazo taarifa kuwa zipo baadhi ya nguzo huangushwa kwa makusdi, na nyingine kuchukuliwa, ambapo mwananchi huyo atakayebainika atafikishwa Polisi kujibu.

‘’Ukiharibu nguzo yenye jina la mtaa, ama ukiiba itakuwa umeiba mali ya serikali, hivyo lazima kwa kuhujumu huko mali hizo, ufikishwe mbele ya vyombo vya sheria,’’alifafanua.

Aidha sheha huyo aliwataka wananchi kila mmoja, kuwa mlinzi wa mwenzake, kwani nguzo hizo zenye majina ya mitaa ni kwa manufaa ya watu wote wakiwemo wageni.

‘’Tuelewe kuwa, majina haya ya mitaa yapo kwenye mtandao wa serikali na faida yake kubwa ni kuwarahisishia wageni kwa kufuata nguzo za mitaa hadi anakokwenda,’’alifafanua.

Baadhi ya wananchi wa shehia hizo, walielezea kusikitishwa kwao, na baadhi ya wananchi wenzao, kuihujumu miundo mbinu ya mitaa na vijiji.

Khadija Issa Msellem wa Wesha, alisema hakuna haja kwa wananchi wenzao, kuzing’oa nguzo hizo, kwani moja ya faida kubwa ni mitaa kuwa na majina ya kudumu.

Amina Omar Mzale wa shehia ya Wesha, alisema ni vyema atakaebainika kuihujumu miundombinu hayo, kuchukuliwa sheria kali, ili iwe funzo kwa wengine.

Askari shehia ya Wawi Issa Ahmad, alisema kimsingi nguzo ni mali ya wananchi, wanayohaki ya kuzilinda na kuhakikisha hakuna anaeziharibu, kwani athari yake ni kubwa.

Nassor Khamis Mohamed, alisema wakati umefika sasa wa wananchi kuelimishwa juu ya umuhimu wa nguzo hizo, kwani wengi wanafikiria ni kama urembo.

Akizundua zoezi hilo, Mkuu wa Mkoa wa kusini Pemba Mattar Zahor Massoud, aliwataka wananchi kujali gharama iliyotumika katika kutengeneza nguzo hizo.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog