UKUSANYAJI MAONI SERA YA MSAADA WA KISHERIA WATUA PEMBA

NA HAJI NASSOR, PEMBA@@@@

KAIMU Mkurugenzi wa Idara ya Katiba na Msaada wa Kisheria ambae pia ni Mkurugenzi wa Idara ya Utawala Bora Zanzibar, Zaina Daud Khalid, amesema anatamani kuona sera ya Msaada wa kisheria ijayo, inaweka mazingira rafiki zaidi, kwa wasaidizi wa sheria katika shughuli zao za kila siku.

Alieleza kuwa, kwa vile bado wasadizi wa sheria, wanaendelea kuwa nguzo tegemeo kwa jamii na hasa watu maskini, lazima sera yao, iwe madhubuti na imara, kama ile iliyopo sasa ya mwaka 2017.

Kaimu Mkurugenzi huyo wa Idara ya Katiba na Msaada wa Kisheria, aliyasema hayo Oktoba 26, 2023 ukumbi wa Chuo cha Samail Gombani Chake chake, wakati akifungua mkutano wa kukusanya maoni, juu ya rasimu ya sera ya Msaada wa Kisheria.

Alieleza kuwa, sera iliyopo sasa, ambayo inaendelea kukusanyiwa maoni kwa ajili ya kuandikwa nyingine, imetekelezwa vyema na karibu asilimua 90 ya shughuli zake, zilifikiwa kama ilivyotarajiwa.

‘’Wakati umefika sasa, kuwa na sera nyingine ya Msaada wa Kisheria Zanzibar, ambapo kumalizika kwa kuandikwa kwa sera hiyo, sasa kutapelekea kupatikana kwa sheria mpya,’’alieleza.

Katika hatua nyingine, aliwataka washiriki hao, kutoa maoni yao kwa uwazi na ukweli, ili kamati inayokusanya maoni hayo, wapate kuyaingiza kwenye rasimu hiyo.

Akiwasilisha muhutasari wa rasimu ya sera hiyo, Afisa sheria kutoka Idara ya Katiba na Msaada wa Kisheria Zanzibar Ali Haji Hassan, alisema kabla ya kuanza kwa zoezi hilo, kwanza kulifanywa utafiti, uliogundua uhitaji wa kuwa na sera mpya.

Alieleza kuwa, sera hiyo ambayo kwa sasa inatimiza wastani wa miaka saba, matamko yake mengi yameshatekelezwa, na yaliobakia ni machache mno.

‘’Ndio maana sasa Kamati hii, ilianzia Unguja kukusanya maoni ya wadau mbali mbali, sasa ipo kisiwani Pemba kwa kazi hiyo, lazima tutowe michango yenye kusaidia,’’alieleza.

Wakitoa maoni yao kwenye mkutano huo, wadau hao walipendekeza kuwa, elimu zaidi isisitizwe na iwe kipaumbele kwa jamii.

Wakili wa kujitegemea Zahran Mohamed Yussuf, alisema lazima suala la uwelewa wa msaada wa kisheria, liingizwe kwenye mtaala wa elimu, kuanzia ngazi ya msingi hadi sokondari.

Mwalikishi wa taasisi za wasaidizi wa sheria Zanzibar, Nassor Bilali Ali, alisema lazima sera itamke suala la kupatiwa mazingira wezeshi kwa wasaidizi wa sheria.

Nae mjumbe kutoka Umoja wa watu wenye Ulemavu ‘UWZ’ Nassor Suleiman, alisema kama sera inakuja na mfuko kwa ajili ya wasaidizi wa sheria, ienezwe kwenye maeneo kama bandarini na uwanja wa ndege, ili wageni na wengine wachangie.

Kwa upande wake mwakilishi wa ofisi ya Mwanasheria mkuu wa serikali Zanzibar Jecha Vuai Jecha, anasema ili tathimini ya kweli ya kuwa mwaka 2026, wazanzibar 30, kila 100 wawe wameshapata elimu ya msaada wa kisheria, mkazo uwekwe.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog