ZAFELA YAKUTAKANA NA WADAU KUJADILI CHANGAMOTO ZA WANAWAKE NA UONGOZI

Na Nusra Shaaban, ZANZIBAR

Jumuiya ya Wanasheria Wanawake Zanzibar (ZAFELA) imefanya mkutano na taasisi za serikali, asasi za kiraia,viongozi wa kidini pamoja na viongozi wa vyama vya siasa, kujadili changamoto za kisheria na kijamii ambazo zinakwamisha ushiriki wa wanawake kwenye masualaya uongozi na demokrasia.

Mkutano huo umefanyika katika ukumbi wa Dkt Shein ZURA,Maisara Mjini Zanzibar, umewapa fursa viongozi mbalimbali kushiriki kujadili changamoto wanazopitia wanawake katika kugombania nyadhifa za uongozi, changamoto hizo ni pamoja na vile fikrapotofu,rushwa,ujuzi mdogo wa stadi za uongozi,elimu ndogo,majukumu mengi ya nyumbani,kipato duni na nyenginezo.

Akizungumza na washiriki katika mkutano huo, Mratibu wa mradi wa kuwaimarisha wanawake na uongozi kutoka ZAFELA Khamis Ali Rashid amesema mkutano huo una lengo la kujadili kwa pamoja changamoto hizo pamoja na kuandaa mpango wa utatuzi wa changamoto hizo kwa kila mmoja ulingana na nafasi yake aliyonayo katika utumishi wa umma.

Viongozi kutoka taasisi mbalimbali walioshiriki katika mkutano huo waliwasilisha maoni yao katika kuondosha changamoto hizo, wengi wao wakihimiza suala la uwajibikaji kazini na kutoa mrejesho wa ila hatua inayochukuliwa.

“Mbali na hayo ili aendelee kupatikana mwanamke imara anaejiamini na anaeweza kujenga uthubutu wa kugombania nafasi za uongozi basi lazima hatua hiyo iandaliwe tangu mwanamke yupo mdogo.”Suhaila Abdullah Afisa Vijana kutoka wizara ya habari idara ya maendeleo ya vijana alieleza.

Hemed Saleh Ali, Kadhi wa wilaya kituo cha Mwanakwerekwe Zanzibar anasema “Uislamu haujamkataza mwanamke kuwa kiongozi,inawezekana kuna ufahamu mdogo katika jamii kuhusu suala la uongozi katika uislamu ndio maana hali hiyo inawarudisha nyuma wanawake na uongozi.

“Ni lazima kuwe na mkakati kwa wanawake kupendana wao wenyewe kwa wenyewe ili hata sisi wanaume tunapokuja kuweka uadui wetu basi tushindwe kutokana na nguvu ya umoja wao". Alisisitiza Said Suleiman Ali mjumbe kutoka KOK Founadation.

Naibu Mkurugenzi kutoka ADC Mtumwa Faiz Sadik amesema “ili kupiga hatua wanawake na maendeleo ya uongozi ukiachilia mbali changamoto wanazopitia lazima kuwepo na utekelezaji wa mipango na maazimio ya vikao mbalilimbali vinavyoandaliwa kuhusu wanawake na uongozi”

Kadhalika kwa mujibu wa Bi Halima Ibrahim Mohd kutoka Chama cha ACT,anasema wanawake hivi sasa wamejitahidi kuchukua jitihada kubwa ya kushikana mikono, hatutaki kusikia kama wanawake hatupendani, kwa kuthibitisha hilo uchaguzi ujao tunakampeni ya kumnyanyua mwanamke, awemo katika ngazi za maamuzi,kamati kuu na halmashauri juu.

Aidha,hayo yanajiri ikiwa Jumuiya ya Wanasheria Wanawake Zanzibar ZAFELA kwa kushirikiana na TAMWA –Zanzibar na PEGAO kwa upande wa Pemba inaendelea kutekeleza mradi wa Wanawake na

Uongozi unaofahamaika kwa jina la “STRENTHEN WOMEN IN LEADERSHIP”(SWIL),unaofadhiliwa na Ubalozi wa Norway nchini Tanzania.

Mwisho.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog