CCM MKOANI CHATOA MKONO WA POLE KIFO CHA KADA WAO

NA HAJI NASSOR, PEMBA::

CHAMA cha Mapinduzi CCM wilaya ya Mkoani Pemba, kimeitaka familia ya mwanachama wao Omar Mohamed Hamad wa Chumbageni Wilayani humo, kuwa na moyo wa subra katika kipindi hiki kigumu.

Kauli hiyo imetolewa na Mwenyekiti wa CCM wilayani humo Ali Juma Nassor, wakati akizungumza na wanafamilia hao, kufuatia kifo cha mwanachama wao.

Alisema, jambo hilo ni maandiko ya Muumba, hivyo ni vyema wawe wastahamilivu katika kipindi hiki kigumu, kwani suala la kuondokewa sio jambo jepesi.

Aidha Katibu huyo alisema enzi za uhai wake, marehemu alikuwa mstari wa mbele katika ujenzi wa chama, hivyo mchango wake hautosahaulika daima.

Alieleza kuwa, marehemu alikuwa karibu mno na chama, na maisha alikuwa hachoki kuendeleza mikakati na maono ya chama ili kuhakikisha kinasonga mbele.

‘’Kwanza tunawapa pole wanafamilia kwa kuondokewa na ndugu yenu ambae ni mwanachama wetu wa chama cha Mapinduzi, na endeleeni kumuombea,’’alishauri

Katibu wa CCM jimbo la Chambani Amour Kheir Vuai, akizungumza kwa niaba ya Mbunge na Mwakilishi wa jimbo hilo, alisema viongozi wao wameitaka familia kujenga moyo wa subra.

Alisema viongozi hao, wamepokea taarifa za kifo hicho kwa mshtuko mkubwa, na hasa kutokana na umahiri na utendaji wa kazi ndani ya chama.

‘’Viongozi wetu pamoja na wanachama wa Jimbo lote la Chambani, wameupokea msiba wa mwanachama Omar Mohamed Hamad kwa mshituko mkubwa,’’alieleza Katibu huyo.

Kwa upande wake Diwani wadi wa Ngachani Mohamed Said Ali alisema kilichobakia kwa upande wa chama na familia, ni kumuombea dua marehemu huyo, ili asilimike na adhabu ya Muumba.

Alieleza kuwa, moja katia ya mambo matatu ambayo marehemu yanaweza kumsaidia ni dua kutoka kwa wenzake, hivyo ni vyema hilo likadumishwa.

‘’Sisi chama cha Mapinduzi pamoja na utamaduni wetu huu wa kuwafariji walioondokewa na ndugu yao, lakini wakati mwengine huandaa dua ya pamoja na wengine,’’alieleza.

Mapema akizungumza na kwa niaba ya familia hiyo, Ramha Omar Mohamed, alisema wamefurahishwa mno na uongozi wa CCM wilaya ya Mkoani kwa kuwafariji.

‘’Hili kwetu sisi kama familia sio jambo dogo lililofanywa na chama cha Mapinduzi la kufika nyumbani kuonana na kutuombea dua la baba yetu aliyefariki,’’alieleza.

Hata hivyo ameushauri uongozi huo wa CCM kuanzia ngazi ya shina hadi taifa, kuendeleza utamaduni wa kuwafariji wanachama wenzao waliofariki na wagonjwa popote walipo.

Marehemu Omar Mohamed Hamad ambae alianza kuumwa tokea mwanzoni mwa mwaka jana na alifariki Oktoba 23, mwaka huu, ambapo ameacha mke mmoja na watoto wanne.

Katika uhai wake marehemu, alikuwa mwanachama kamili wa CCM na mjumbe wa kamati ya siasa ya tawi la CCM Chumbageni Jimbo la Chambani.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog