WAANDISHI WA HABARI WAHIMIZWA KUANDIKA HABARI ZA UCHUNGUUZI

HABIBA ZARALI, PEMBA

WAANDISHI wa habari nchini, wametakiwa kuacha kuandika habari kimazowea na badala yake wajikite kuandika habari za uchunguzi (Investigative Journalism), ili kuweza kufichua maovu na kuisaidia jamii, kupata matokeo chanya.

Kauli hiyo imetolewa Septemba 09, mwaka 2022 na Mkufunzi Mwandamizi kutoka shirika la Intenews Tanzania Alakok Mayombo alipokuwa akifungua mafunzo ya siku tatu ya uandishi wa habari za uchunguuzi, yaliyoendeshwa na shirika hilo kwa njia ya kielektroniki ya zoom, uliowashirikisha waandishi wa vyombo mbalimbali vya Tanzania bara na visiwani.

Alisema waandishi wa habari walio wengi hawaandiki habari za uchunguzi ingawa ni eneo muhimu lenye nguvu katika kuasaidia kufanya maamuzi mazito na kuleta mafanikio ya haraka.

Alifahamisha kuwa ni vyema kwa waandishi wa habari kuwa habunifu kwani habari hizo zinahusu mtu mmoja mmoja na wakati mwengine serikali hivyo kila mmoja anauwezo wa kujikita katika eneo hilo.

“Nguvu za habari za uchunguzi ni kubwa na mara nyingi habari hizi zinakuwa zimejificha na waandishi hamutakiwi kulala fichueni kwa malengo mema”,alisema.

Kwa upande wake mkufunzi kutoka shirika la Intenews Erick Kabendera alisema mbali na changamoto nyingi walizonazo waandishi wa habari bado wana jukumu la kuwa na moyo wa kuandika habari za uchunguzi.

Alisema kusudio la habari za uchunguzi si la kumripua mtu isipokuwani kuonesha uhalisia wa jambo na kuweza kuleta matokeo yenye faida kwa jamii na nchi nzima.

“Waandisi tusianagalie tu kuandika stori kwa ajili ya kesho pekee na hizi za uchunguzi lazima tuhakikishe tunaziandika kwa lengo jema kabisa”,alifahamisha.

Katika hatuwa nyengine kabendera alishauri waandishi wa habari hizo kuwa na uwelewa wa kitaalamu ,waweze kujifunza , wafanye uchunguzi kwa kina (research), waweze kuwa na vyanzo vingi vya habari, vyanzo nyaraka ili kupata habari zenye ukweli .

“huwezi kuwa mwandishi mzuri wa uchunguzi kama kama hutokuwa na moyo wa ustahamilivu na kuweza siri ya kile unachokifanya,hivyo ni lazima kila mmoja kutimiza wajibu wake na sio kuleta woga”alisema.

Akizungumza na waandishi hao baada ya kumaliza mkutano huo mkufunzi mkuu wa Internews Temigunga Mahondo alisisitiza kuzingatia maadili, na kutenda haki kwa waandishi wa habari ili kujenga uwajibikaji unaofaa kwa jamii.

Alisema iwapo waandishi wataandika habari hizo za uchunguzi zitasaidia kuondowa maovu ikiwemo ya rushwa,udhalilishaji na maovu mengine mengi yanayoikabili jamii na nchi kwa ujumla.

“Licha ya kuwa kazi hizi ni hatari lakini kama waandishi watakubali kunyamazishwa na wasipofichua basi uwajibikaji hautokuwepo”,alieleza.

Wakitowa shukrani zao kwa shirika la Intanews washiririki wa mafunzo hayo walisema mafunzo hayo ni muhimu kwani kufanikiwa kuandikwa kwa habari hizo ni mafanikio ya kuleta matokeo mazuri hasa kwa jamii isiyo na sauti.

Hata hivyo waliliomba shirika la Internews kuendelea kutowa mafunzo mbali mbali kwa waandishi wa habari kwani kunawawezesha kufanya kazi zao kwa ufanisi zaidi.

Mwisho.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog