KAMATI YA KUPAMBANA NA UDHALILISHAJI CHAKE CHAKE YAKOLEZWA 'SPEED'

NA HAJI NASSOR, PEMBA::::

AFISA Mipango wilaya ya Chake chake, Kassim Ali Omar amesema, bado juhudi zaidi zinahitajika kufanywa, na kamati ya kupambana na ukatili na udhalilishaji wilayani humo, ili kundi la wanawake na watoto, libaki salama na matendo hayo, kama yalivyo makundi mengine.

Hayo aliyasema leo Septemba 14, 2022 ukumbi wa TASAF mjini Chake chake, wakati akifungua kikao cha kamati hiyo, kwenye uwasilishaji wa ripoti kwa taasisi zinazounda kamati hiyo, ikiwemo ya kituo cha Mkono kwa mkono, viongozi wa dini, shirika la SOS na wizara ya elimu na Mafunzo ya amali.

Alieleza kuwa, wananchi wa wilaya ya Chake chake wakiwemo wanawake na watoto, wanaingalia kamati hiyo, ili kutafuta mwarubaini wa matendo ya udhalilishaji yanayojitokeza siku hadi siku, hivyo lazima mkazo uwekwe.

‘’’Bado jukumu la kipekee litakuwa kwa kamati ya kupambana na ukatili na udhalilishaji wa wanawake na watoto ya wilaya, hivyo lazima nguvu na juhudi ziongezwe na wajumbe wa kamati hiyo,’’alifafanua.

Katika hatua nyingine, Afisa huyo Mipango wa wilaya ya Chake chake Kassim Ali Omar, alisema licha ya juhudi zinazochukuliwa na tasisi kadhaa, lakini bado kundi la wanawake na watoto, linaendelea kukumbwa na majanga ya udhalilishaji, hata kwa watu wao wa familia.

Hata hivyo, ameipongeza kamati hiyo, kwa kufanyakazi ya kuifikia jamii kielimu, licha ya kukabiliwa na changamoto kadhaa, ikiwa ni pamoja na ukosefu usafiri wa uhakika na makundi ya vijana, kutohudhuria kwenye mikutano ya wazi vijijini.

Kwa upande wake Katibu wa kamati hiyo, Rashid Said Nassor, amesema juhudi za makusudi zinahitaka kwa jamii na vyombo vya sheria, ili kuona wanawake na watoto wanaishi katika mazingira salama.

Alifahamisha kuwa, kama wananchi, vyombo vya sheria na wahanga wa matukio hayo, hawakufanyakazi kwa pamoja, itakuwa vigumu kutokomeza matendo hayo.

‘’Jeshi la Polisi, ofisi ya Mkurugenzi wa mashtaka, wahanga wa matukio na jamii kwa ujumla huu sio wakati tena wa kulaumiana, bali washirikiane, ili wadhalilishaji wapate hatia mahakamani,’’alishauri.

Afisa Elimu na Mafunzo ya Amali wilaya ya Chake chake, Bur-han Khamis Juma, amesema wizara inaandaa mpango maalum, ili kukabiliana na waalimu, wanaowadhalilisha wanafunzi skulini.

‘’Ingawa juhudi za kuwakumbusha maadili yao ya kazi zinaendelea, lakini huwa tunafanya mbinu ya kuwahamisha kutoka skuli moja kwenda nyingine chini ya uangalizi maalum kwa wale waalimu wanaolalamikiwa,’’alieleza.

Kwa upande wao viongozi wa dini ya kiislamu Ali Mohamed Ali na mwenzake kutoka dini ya kikiristo Robart Migua Ndalami, walisema sasa wanachokifanya ni kuwajenga kimaadili wananchi na kundi la vijana, ili kuogopa kufanya matendo hayo.

Afisa miradi kutoka shirika la SOS Pemba Abdalla Omar Kidim, alisema wamekuwa wakiziwezesha familia na hata vijana mmoja mmoja kielimu, katika mpango wao pia unaouhisisha kinga ya majanga.

Kikao hicho ni sehemu ya utekelezaji wa mpangao wa kitaifa wa kupambana na ukatili wa wanawake na watoto wa Zanzibar wa mwaka 2017 hadi mwaka 2022, ambao ulitaka uwepo wa kamati hizo ngazi ya wilaya.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog