SMZ YATANGAAZA NAULI MPYA GARI YA ABIRIA

TAARIFA YA MABADILIKO YA NAULI NA BEI ELEKEZI ZA VYOMBO VYA USAFIRI WA UMMA BARABARANI ZANZIBAR

Ndugu Wananchi

Asalam Alaykum Warahmatullah Wabarakatu

Nianze kwa kumshukuru Mwenyezi Mungu Mtukufu kwa, kutujaalia uhai na afya njema na kutuwezesha kuiona siku ya leo,

Aidha napenda kuchukuwa fursa hii kumpongeza Mheshimiwa Rais wa Zanzibar na Mwenyekiti wa Baraza la Mapinduzi Dk. Hussein Ali Mwinyi kwa kuendelea kuiongoza nchi yetu ikiwa katika hali ya amani na utulivu unaowezesha wananchi kuendelea kufanya shughuli zao bila matatizo zikiwemo shughuli za Usafiri na Usafirishaji.

Ndugu Wananchi, Baada ya kutoa shukurani hizo,

Naomba sasa nitoe taarifa fupi juu ya mabadiliko ya nauli na bei elekezi za vyombo vya usafiri wa umma barabarani Zanzibar ikiwemo Magari ya shamba, Daladala na Taxi.

Ndugu Wananchi, Serikali ya Mapinduzi ya Zanzibar imekuwa ikichukua jitihada mbali mbali katika kudhibiti upandaji wa bei za mafuta na bei za nauli za vyombo vya kusafirisha abiria kwa lengo la kuhakikisha kwamba wananchi wanaishi katika maisha nafuu, ikiwemo kufidia gharama za bei za mafuta. Hata hivyo, bei ya mafuta imekuwa ikipanda katika soko la dunia pamoja na gharama za uendeshaji vyombo vya moto jambo ambalo linapelekea wafanyabiashara wa vyombo vya usafiri wa umma kujiendesha kwa hasara.

Ndugu Wananchi, Utaratibu huu wa kuweka nauli kwa vyombo vya usafiri wa umma mijini na vijijini unatoa ruhusa kwa jumuiya za usafirishaji abiria kuwasilisha mapendekezo mapya ya nauli kwa Serikali na baada ya kuyapitia na kuyafabyia uchambuzi kwa maslahi ya watumiaji na watoa huduma Serikali huyatangaza.

Ndugu Wananchi, Nauli na bei za vyombo vya abiria zinazotumika hivi sasa zimeanza kutumika tokea mwaka 2019 ambapo tokea wakati huo gharama za uendeshaji zimekuwa zikipanda kama vile mafuta, vilainishaji, leseni ya biashara ya kusafirisha abiria, ruhusa za njia, bima na tozo nyinginezo.

Ndugu Wananchi, Serikali ilipokea maombi ya Jumuiya za kusafirisha abiria kutoka Unguja na Pemba ambayo yalilenga kuongeza nauli na bei za gari za biashara kwa asilimia 50 (50%) kwa daladala na asilimia 17(17%) hadi 26 (26%) kwa gari zinazokwenda vijijini pamoja na bei elekezi kwa gari za Taxi.

MABADILIKO YA NAULI

Ndugu Wananchi, Kwa kuzingatia mapendekezo ya nauli kutoka Jumuiya za Usafirishaji Serikali imefanya uchambuzi kwa kutafuta gharama za usafirishaji abiria kwa vyombo vya usafiri Unguja na Pemba.

Kwa upande wa Unguja, Nauli ya gari za daladala kwa umbali mfupi wa kilomita 1

hadi 12 imepanda kutoka TZS 400 hadi TZS 500 na kwa umbali mrefu wa kilomita 19 hadi 21 nauli imepanda kutoka TZS 800 hadi TZS 900. Na kwa gari za shamba nauli ya umbali mfupi wa kilomita 1 hadi 14 imepanda kutoka TZS 500 hadi TZS 600 na kwa umbali mrefu wa kilomita 60 hadi 70 nauli imepanda kutoka TZS 2,300 hadi TZS 2,500.

Kwa upande wa Pemba, Nauli ya gari za abiria zinazotembea umbali mfupi wa

kilomita 1 hadi 7 imepanda kutoka TZS 400 hadi TZS 500 na kwa umbali mrefu wa kilomita 8 hadi 12 nauli imepanda kutoka TZS 500 hadi TZS 600. Na kwa gari za shamba nauli ya umbali mfupi wa kilomita

1 hadi 9 imepanda kutoka TZS 600 hadi TZS 700 na kwa umbali mrefu wa kilomita 60 hadi 70 nauli imepanda kutoka TZS 3,000 hadi TZS 3200.

Kwa upande wa usafiri wa Gari za Taxi: Bei elekezi ya taxi kwa sasa itakuwa ni kuanzia TZS 8,000 kwa kilomita tano.

Ndugu Wananchi, mabadiliko haya ya nauli na bei elekezi yataanza kutumika wiki moja baada ya Tangazo hili.

Aidha, niwaombe Jumuiya za usafirishaji kufika katika Ofisi za Mamlaka ya Usafiri na Usalama Barabarani Unguja na Pemba kwa ajili ya kupatiwa Mchanganuo wa nauli kwa Ruti zote za Zanzibar na kuhakikisha mchanganuo huo unawekwa katika kila chombo cha usafiri wa umma ili kuepusha usumbufu kwa wananchi wanaotaka kutumia usafiri huo.

Ndugu Wananchi, Nichukue nafasi hii, kuwashukuru watoa huduma za usafiri wa umma na jumuiya zao kwa kuwa na uvumilivu katika kipindi chote hiki gharama za uendeshaji zilipopanda, hali hii imekuwa ni ya mfano na tunachowaomba muendelee kuwa hivyo. Pia nitumie nafasi hii kuwakumbusha kuzingatia Sheria na kanuni za usafiri barabarani ili kuepusha ajali zinazoweza kuepukika.

Ndugu Wananchi, Kwa kumalizia, niwaombe wananchi kutoa taarifa kwa wale wote watakao kwenda kinyume na toleo la mabadiliko haya ya nauli ili hatua za kisheria kuchukuliwa.

Imetolewa na Dkt. Khalid Salum Mohamed

Waziri wa Ujenzi, Mawasiliano na Uchukuzi Zanzibar

USALAMA BARABARANI NI JUKUMU LETU SOTE

AHSANTENI SANA KWA KUNISIKILIZA

14 Septemba, 2022

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog