MIEZI 24 YAPOTEZA WATU 3,192 KWA AJILI BARABARANI TANZANIA

NA HAJI NASSOR, PEMBA@@@@

JESHI la Polisi Tanzania, limesema kuwa, watu 3,192 wamepoteza maisha nchini kote, kufuatia ajali za barabarani, katika kipindi cha kuazia mwaka 2022 hadi Disemba mwaka 2023.

Kati ya hao waliopoteza maisha, watu 1,545 waliripotiwa mwaka 2022 na watu wengine 1,647 waliripotiwa kuanzia Januari hadi Disemba mwaka 2023.

Aidha, kwa upande wa Zanzibar, kuliarifiwa kuwepo kwa watu 297 walipoteza maisha, na kati yao mwaka 2022 walikuwa 137 na mwaka 2023 idadi iliongezeka 23, na kufikia watu 160 walipoteza maisha.

Hii ni kwa mujibu wa ripoti ya takwimu za uhalifu na matukio ya usalama barabarani, ya Jeshi la Polisi Tanzania ya mwaka 2023, iliyosainiwa na Mkuu wa Jeshi la Polisi Tanzania Camillus M. Wambura na kuweka kwenye tovuti ya Ofisi ya taifa ya takwimu Tanzania.

Ripoti ikaeleza kuwa, watu hao waliofariki, walitokana na matukio ya ajali 3,453 ambapo kati ya hayo, mwaka uliobeba ajali nyingi ni mwaka jana.

Ambapo kulikuwa na matukio 1,733 na mwaka 2022 yakiripotiwa kupungua 13 na kuwa na matukio1,720.

Kwa upande wa Unguja na Pemba, matukio ya ajali ya vyombo vya moto, yalikuwa 358, kati ya hayo mwaka 2022, kuliripotiwa matukio 166 na mwaka 2023 yaliongezeka 26, na kuifanya idadi ya 192.

Aidha ripoti hiyo ikafafanua kuwa, katika matukio yote ya usalama barabarani, matukio makubwa (ajali) yalikuwa 1,733 na matukio madogo yalikuwa 3,170,073 kwa mwaka 2023.

Ikilinganishwa na matukio makubwa 1,720 na matukio madogo 2,543,482 yaliyoripotiwa kwa mwaka 2022.

‘’Hii ni ongezeko la matukio makubwa 13 sawa na asilimia 0.8 na ongezeko la matukio madogo 626,591 sawa na asilimia 24.6,’’ ilifafanua sehemu ya ripoti hiyo ya Jeshi la Polisi Tanzania.

Ripoti hiyo ikafafanua kuwa, kati ya matukio makubwa 1,733, ajali za pikipiki kwa mwaka jana zilikuwa 431, ikilinganishwa na matukio 448 yaliyoripotiwa mwaka 2022.

Eneo jingine la ripoti hiyo, ni kuwepo kwa majeruhi 4,994 kwa miaka miwili, ambapo mwaka 2022 kuliripoti majeruhi 2,278 na mwaka 2023 ulikuwa na majeruhi 2,716.

Majeruhi hao wote, walitokana na idadi ya ajali 941 zilizosababisha majeruhi, zilitokea mwaka 2022 kwa ajali 470 na mwaka jana kukiripotiwa ongezeko la ajali moja.

Baadhi ya madereva kisiwani Pemba, wamesema ajali kadhaa, husababishwa na uchakavu wa miundombinu ya barabara.

Ali Khamis Omar, anaefanyakazi ya gari ya mzigo Wete, alisema uchakavu uliopo kwa baadhi ya barabara za Pemba, huchangia kutokezea kwa ajali ambazo zinaweza kuzuilika.

''Hakuna hata dereva mmoja, anaetoka kwake anapoingia barabarani asababishe ajali, bali ubovu na uchakavu wa barabara ni chanzo,’’alisema.

Nae Khalfan Mjaka Khalfan mwenye gari ya abiria ya Mkoani-Chake chake, alisema miaka kadhaa barabara ya Mkoani, imekuwa na mashimo yenye kina kirefu.

‘’Uwepo wa mashimo yenye kina kirefu, uchakavu na ongezeko la vyombo vya moto na ufinyu wa barabara, ni chanzo kikuu cha ajali za barabarani,’’alisema.

Nae dereva wa boda boda eneo la Chambani Khamis Mcha Khamis, alisema upo uzembe kwa baadhi yao, ambao wakati mwingine, husababisha ajali.

‘’Dereva hujifanya anawahi kukatiza mbele ya gari, au wakati mwingine kuegesha kwenye mipindo kwa kushusha au kuchukua mzigo, hapo hutokezea ajali ya kizembe,’’alisema.

Afisa Mdhamini wizara ya Masiliano, Uchukuzi na Usafirishaji Pemba Ibrahim Saleh Juma, alisema kama madereva hawakuamua kuzifuata kwa vitendo alama za barabarani, matukio ya ajali hayatopungua.

Akiifungua barabara ya Birikau Chake chake hivi karibuni, Rais wa Zanzibar Dk. Hussein Ali Mwinyi, aliwakanya madereva, kuacha kuzitumia vibaya barabara mpya.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog