Skip to main content

WANANCHI VISIWA VIDOGO PEMBA, WAZIMA VIBATALI BAADA YA MIAKA 58, WAKIFIWA NA UMEME WA SOLA

By



NA NA HAJI NASSOR, PEMBA@@@@

NI ya miaka 58 imepita sasa, kila mmoja hawezi kuamini, mafanikio makubwa kwa wananchi wa visiwa vidogo vigodo vilivyoko wilaya ya Wete Pemba yaliofikiwa.

Mwaka 2022, ndoto za wananchi wa visiwa vya Njau na Kokota, zimetimia baada ya Shirika la Umeme Zanzibar ‘ZECO’, kuzima kibatali na kuwasha umeme wa sola kwa wananchi wa visiwa hivyo.

WANANCHI WENYEWE

Ali Oma Khami anayeishi Kisiwa cha Njau, anasema mabadiliko makubwa wanaendelea kutokea, ikiwemo kukua kwa biashara kufuatia kuwepo kwa nishati ya umeme.

''Umeme ni moja ya nishati inachorahisisha maendeleo ya sehemu yoyote ile, ni wazi na sisi tumeanza kunufaika na mabadiliko makubwa ya Serikali kutupatia miundombinu ya umeme,” anasema.

Chumu Omar Kai, kwa sasa wanapata kwa matumizi mbali mbali ikiwa ni pamoja na kuweka chaji, ambapo zamani walilazimika kwenda nje ya kisiwa masafa ya kilomita 30 hadi mjini Wete.

Nae Nyezume Abdalla Ali anawataka wenzake kuilinda miundombinu ya hio, ili iweze kudumu kwa muda mrefu, kwani huduma hiyo wameikosa kwa muda mrefu.

Mkaazi wa kisiwa cha Kokota Hamad Shamis anasema, amefurahi sana kuona umeme unawaka ndani ya kisiwa chao, kwani hakuwahi kuwaza kwamba kuna siku kisiwa hicho kitakuwa na umeme.

“Sisi tunajua watu wa visiwani tunasahaulika kwa mambo mengi, lakini sasa tunajiona kama wafalme, huduma zote tulizokuwa tukizifuata eneo la Wete sasa hatufuati tena,”anasema.

Tatu Bahati mkaazi Kokota anaeleza kuwa, umeme utawasaidia kwa watoto kusoma katika masomo ya ziada muda wa usiku, ili kuweza kuongeza ufaulu kwenye masomo yao.

WAVUVI WANASEMAJE

Omar Mcha Said mkaazi wa Mbuyuni kisiwani hapo anasema, umeme huo unaendelea kuwasaidia kuhifadhi samaki wao na kuuza kwa bei wanayoitaka.

“Awali wachuuzi walikuwa wakitulalia kwa bei, kwa kujua tusipowauzia wataharibika, lakini sasa kama wamebakia tutawahifadhi kwenye Friji na kuwauza siku ya pili,”anasema.

Anafafanua, kwa sasa hawawezi kuuza kama samaki, Pweza na Ngisi kwa hasara kama ilivyokuwa zamani, badala yake ataweza kuhifadhi katika majokofu yaliyomo ndani ya Kisiwa hicho.



Talib Issa wa kisiwa cha Kokota anaeleza, sasa watalazimika kuhifadhi vitu vyao kupitia majokofu (mafriji), wala hawataweza kuuza kwa bei ya hasara, kama ilivyokuwa zamani.

“Suala la kulaliwa kwa bei na wanunuzi litapungua, sasa tutauza kwa bei tunayotaka wenyewe, na tunaona sasa thamani ya kazi yetu ya uvuvi,''anasema.


WAFANYA BISHARA WANASEMAJE

Juma Ali Juma (mlemavu wa viungo), mkaazi wa Kisiwani hapo, anasema wamejawa na furaha baada ya kuona kazi ya miuondombinu ya umeme imeanza kutumika.

Kwani anasema bishara yake ya kukusanya na kusafirisha samaki nje ya kisiwa cha Pemba, imeongezeka thamani baada ya kupatiwa huduma hiyo.

''Nilikuwa nalazimika samakini ama pweza nikishawanunua niwapeleke Wete, kukodi friji kwa shilingi 20,000 ingawa sasa ninalo ndani na biasha imeshakua,''anaeleza.

“Sasa tumeanza kujiona ni wananchi wa awamu ya nane kweli, biashara zetu hata za juisi, barafu na hata fotokopi zitakuweko Kisiwani hapa ili kuwasaidia wanafunzi,”anasimulia mfanyabiasha Asha Haji Mkema.

Anasema miradi midogo midogo kama juisi, maji baridi, soda sasa zote zitapatikana ndani ya kisiwa, wamejipanga kuhakikisha wanakuwa na vifaa vya kisasa vya kufanyia kazi hiyo.


Anasema umeme wa jua ni tafauti na umeme wa Tenesco, kwani umeme huo hautokatika katika na wataweza kuhifadhi samaki wao katika majokofu na kuuza kwa bei wanayoitaka.

VIONGOZI WA DINI WAO WANASEMAJE

Sheikh Othman Khamis Ali anasema umeme huo kuanza kufanya kazi, ibada zinafanyika kwa muda mkubwa, darasa za usiku wanaziendesha kwa muda mkubwa tofauti na zamani.

“Umeme umepeleka furaha ndani ya kisiwa chetu, shida ndogo ndogo sasa zitaondoka, adhana itasikika kikamilifu kwa kutumia vipaza sauti”, nasema.

Anaeleza, wanafuzi wa madrasa hawatopiga tena kelele kutokana na joto kali, kawani tayari wameshawawekea mafeni na hata darasa za usiku zitakuwepo chuoni,” anasema.



ZECO LINASEMAJE

Mhandisi wa mradi kutoka Kampuni ya Photons Energy Erick Kimambo, anasema umeme wa jua unaozalishwa ni sawa sawa na umeme ZECO, unaweza kutumia vifaa vyote vinavyotumia umeme, hata kama mafundi uwashi watakuwepo.

“Kinachotafautisha hapa ni nishati ya kuzalishiwa umeme, TENESCO na ZECO wanatumia maji, ila huu wa visiwani unatumia vyanzo vya jua, lakini matumizi yake ni sawa sawa”, anafahamisha.

Mhandisi Mkaazi wa mradi huo Daniel John, alisema kwa sasa mradi huo, umekamilika kwa asilimia 100, baada ya kufungwa mitambo husika ya kuzalishia umeme, ikiwemo vioo, betri na ujenzi wa kibanda cha kuwekea mtambo.

“Huu ni umeme mzuri ambao haukati kama ulivyo umeme wa ZECO au TENESCO, huu zaidi unahitaji nguvu za jua na hata jua likiwa halipo usiku chaji ya betri ndio zinazotumika”, anasema.

Afisa Mawasiliano na huduma kwa wateja ZECO Pemba Haji Khatib Haji, anasema jumla ya kaya 84 zimeungiwa huduma ya umeme katika kisiwa cha Kokota na Njau ni kaya 44.

Wananchi wa visiwa hivyo walipata bahati ya pekee ya kuungiwa umeme kwa shilingi 50,000 badala ya shilingi 200,000 kama ilivyo maeneo mengine.

“Tumetoa punguzo hili la fedha kulipa, kwa sababu ya hali zao kimaisha, ila hata hivyo baadhi yao wameshindwa, hivyo tumetoa ‘ofa’ ya Umeme wa mkopo kwa kulipa 30,000 pia wananchi hawana”, anasema.

Njau na Kokota ni miongoni mwa visiwa vilivyobahatika kupata mradi wa umeme wa jua, umeme ambao hatokatika ovyo ovyo kama ulivyo wa gridi.

Ali Faki Ali ambae ni msimamizi wa mradi wa umeme wa jua kutoka ZECO Pemba, anasema mradi huo wa umeme katika visiwa cha Njau na Kokota, umegharimu Dola za kimarekani 458,043.92 kwa ufadhili wa NURUWE FUND.

Anaeleza, uwezo wa mtambo ni kuzalisha kilowatt 50 na kutoa huduma kwa wateja 100 kwa Njau na sasa ni wateja 50 tu, ambapio kisiwa cha Kokota kuzalisha kilowati 80 na kutoa huduma zaidi ya 150 na ingawa kwa sasa ni wateja 90 tu.



Mradi huo unatarajiwa kukamilika 2025 na utaweza kupunguza tatizo la upungufu na ukosefu wa umeme mara kwa mara.

“Mradi wa Visiwani ni uwekejazi mkubwa umefanywa na ZECO, ni ishara tosha ya kufikisha umeme kwenye maeneo ambayo umeme wa gridi hauwezi kufika,” anasema.

Tayari tumeshaitekeleza ilani ya CCM 2020/2025, kwa asilimia 90 hadi 95, kwa kufikisha umeme vijijini Unguja na Pemba, pamoja na visiwa vidogo vidogo, ikiswemo Kisiwa Panza, Makoongwe, Fundo, Uvinje, Kojani, Njao na kokota.

MWISHO

 

 

 

 


Comments

Post a Comment

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

By
NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha  Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da
2 comments
Read more

'MKAPA' NA WENZAKE PEMBA WALAZWA RUMANDE

By
  NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan
Post a Comment
Read more

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

By
  NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali
Post a Comment
Read more

…….SUZA WATOA USHAURI WA ADHABU YA KUNYONGWA

By
  NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy
Post a Comment
Read more

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

By
  NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan
Post a Comment
Read more