MAENEO 148 YAATHIRIWA NA MABADILIKO TABIANCHI

TAMWA ZNZ, Kitengo cha Habari

SEREKALI ya Mapindizi ya Zanzibar imesema inaendelea na juhudi mbali mbali za kudhibiti athari za mabadiliko ya tabianchi ili kuhakikisha nchi inakua salama.

Waziri wa Nchi Ofisi ya Makamu wa Kwanza wa Rais Harusi Said Suleiman alisema hayo alipokuwa akizungumza na wadau wa mazingira katika mkutano wa mabadiliko ya tabianchi katika ukumbi wa Shekhe Idrisa Abdul Wakili Kikwajuni Zanzibar.

Alisema Zanzibar ni miongoni mwa nchi iliyoathirika na mabadiliko hayo katika nyanja mbali mbali ikiwemo za kiuchumi na kijamii.

“Sehemu kubwa zilizoathirika katika maeneo hayo ni pamoja na kilimo, uvuvi, utalii na makaazi ya wananchi hali ambayo kwa namna moja au nyengine imesababisha kurudisha nyuma juhudi za wananchi na taifa kwa ujumla katika kukuza uchimi wa nchi,”alisema.

Alisema mwaka 2012, Ofisi ya Makamo wa Kwanza wa Rais ilifanya utafiti ulionyesha kuwa hali ya hewa ya Zanzibar imeathirika kutokana na mabadiliko ya Tabianchi jambo lilosababisha kupanda kwa joto na mvua kubwa zinazosababisha majanga.

Aidha alifahamisha kuwa kutokana na hali hiyo serikali itahakikisha inapambana katika kupunguza na kuzuia atahari hizo ili kuona nchi haiathiriwi na mabadiliko hayo kama vile kujenga matuta katika sehemu zilizoathirika kama vile Kilimani kwa Unguja na Kojani,Mzingani,na Sipwese kwa Pemba

“Miaka 30 iliyopita wastani wa kiwango cha juu cha joto kimeanda na kuanza kufikia nyuzi 39 na kusababisha majanga, ambapo Zanzibar maeneo 148 yameathirika, 125 Pemba na 23 Unguja,” Waziri Harusi.

Hivyo aliwasisitiza wadau wa mazingira kushirikiana na serikali katika kutoa elimu kwa wananchi ili kuona athari hizo zinaendelea kulindwa ili kuweka ustawi mzuri wa taifa.

Mkururugenzi Mtendaji wa Jumuiya ya Mazingira Zanzibar (ZACCA) Mahafudhi Shaaban Haji alisema lengo la mkutano huo ni kuiunga mkono serikati katika kupambana na mabadiliko ya tabianchi, hivyo jumuiya hiyo itahakikisha Zanzibar inakua ya kijani katika kuleta maendeleo ya kimazingira nchini.

“Serikali kuangalia uwezekano wa kufanya mkutano huo kila mwaka ili kuongeza uwelewa kwa jamii na taifa kwa ujumla katika kupunguza na kudhibiti athari za kimazingira ambapo Zanzibar kuna uharibifu mkubwa wa kimazingira,” Mahfoudh.

Akiwasilisha mada katika mkutano huo Mkururugenzi Mkuu Mamlaka ya Usimamizi wa Mazingira Sheha Mjaja Juma, alisema miongoni mwa athari za mabadiliko ya tabianchi pamoja na utupaji wa taka hali ambayo inachangia uharibifu mkubwa wa mazingira katika sehemu mbali mbali ikiwemo za kiuchumi, kijamii na maeneo mengine.

Hivyo alizitaka jamii na wadau wa mazingira kuendelea kuhifadhi mazingira kwa kupanda miti na kuacha kufanya uharibifu wa mazingira katika makaazi ya watu na maeneo ya kiuchumi ikiwemo bahari na hifadhi za misitu.

Afisa mradi wa Mabadilko ya Tabianchi (ZANZIADOPT) kutoka Chama cha Waandishi wa habari Wanawawake Tanzania, TAMWA ZNZ Nayrat Abulla Ali alisema mabadiliko ya tabianchi ni jambo linalomuhusu kila mmoja, hivyo ameiasa jamii kushirikiana kwa pamoja kuyatunza mazingira.

Makamo Mwenyekiti wa Bodi ya watoto Tanzania ambae pia ni Balozi wa Mazingira Zanzibar Muhsin Haji ameiomba Serikali kuimarisha club za watoto na kutoa elimu jinsi gani watoto wanaweza kujilinda katika kukabiliana na mabadiliko ya Tabianchi.

Washiriki wa mkutano huo walisema athari za mabadiliko ya tabianchi zinawaathiri zaidi kina mama na watoto hasa wa vijijini kwa kukosa hewa safi,lishe bora pamoja na ukosefu wa nishati isiyo salama ya kupikia.

Walisema athari nyengine pia zinawaathiri zaidi wavuvi na wakulima wa mwani kwa kupoteza ajira zao na kushuka kipato chao siku hadi siku.

Mkutano huo wa siku tatu ulioandaliwa na Taasisi ya kukabiliana na mabadiliko ya tabianchi, (ZACCA) kwa kushirikiana na Ofisi ya Makamo wa kwanza wa Rais Zanzibar, umewashirikisha wadau wa mazingira wakiwemo Chama cha Waandishi wa Habari Wanawake Tanzania TAMWA ZNZ, na kuhudhuriwa na washiriki 250 wa ndani na nje ya Zanzibar ambapo mada 15 zinazohusiana na masuala ya uhifadhi, athari na mikakati ya kitaifa na kimataifa zitawasilishwa.

MWISHO

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog