JAJI DHAMANA PEMBA, ATAKA MAPAMBANO DHIDI YA RUSHWA KWA VITENDO

NA HAJI NASSOR, PEMBA@@@@

JAJI Dhamana wa Mahkama kuu Zanzibar kisiwani Pemba, Salim Hassan Bakari, amewataka wahitimu ya mafunzo ya sheria, kuwa mstari wa mbele, kuongoza mapambano dhidi ya rushwa katika taasisi za umma, ili kwenda samba mba na kasi serikali ya awamu ya nane.

Jaji huyo aliyasema hayo leo Mei 10, 2024 , ukumbi wa Maktaba Chake chake, wakati akiyafunga mafunzo ya sheria, yalioendeshwa na Kituo cha Mafunzo na Utafiti Zanzibar ’ZLRC’ kilichopo chini ya Ofisi ya Mkurugenzi wa Mashtaka Zanzibar, kwa upande wa Pemba.

Alisema, sasa wameshaongeza uwelewa wa mapambano dhidi ya rushwa hasa baada ya kuisoma sheria husika zikiwemo za manunuzi, ni vyema baada ya kuhitimu mafunzo hayo, wakawe mstari wa mbele katika eneo hilo.

Alieleza kua, serikali ya awamu ya nane, nayo imekuwa ikikemea kwa nguvu zote, juu ya utoaji na upokeaji wa rushwa, hivyo nao wanaojibu huo, ikiwa ni sehemu ya kuimarisha utawala bora.

‘’Leo mmehitimu mafunzo ya kisheria, na bila shaka suala la rushwa na athari zake mmeligusa, hivyo ni wajibu wenu sasa mkaongoze mapambano hayo, kuanzia sehemu zenu za kazi hadi uraiani,’’alieleza.

Aidha Jaji huyo mkaazi, aliwataka wahitimu hao, sasa kufanya manunuzi kama sheria inavyotaka, ili kutimiza malengo ya kutungwa kwa sheria hiyo.

Alieleza kuwa, suala la manunuzi yasiozingatia sheria, huigharimu serikali ikiwa ni pamoja na kupata hasara na kuwa sehemu ya kichecheo cha rushwa kwa maafisa husika.

Katika hatua nyingine, Jaji huyo dhamana, alikipongeza Kituo cha mafunzo na Utafiti Zanzibar, kilichopo chini ya Ofisi ya Mkurugenzi wa Mashataka kwa kuendelea na mafunzo hadi kisiwani Pemba.

Mapema Mratibu wa mafunzo hayo Asya Mohamed Ibrahim, alisema mafunzo hayo, ni sehemu ya kuchochea uwajibikaji, uwazi na kuwajengea uweleza zaidi maafisa husika.

Alieleza kuwa, anaamini waliopatiwa mafunzo na kama watayafanyiakazi kama walivyoaahidi, kunaweza kukajitokeza mabadiliko makubwa katika sehemu zao za kazi, ikiwemo suala la manunuzi ya kisheria.

‘’Mimi niwaombe sana, wenzetu waliopata mafunzo haya, kwamba lazima tuone kunamabadiliko kwenye taasisi zenu katika maeneo ya manunuzi, matumizi na uhifadhi wa kumbu kumbu za serikali,’’alifafanua.

Kwa upande wake Kaimu Afisa dhamana wa ofisi ya Mkurugenzi wa Mashataka Pemba Seif Mohamed Khamis, aliwakumbusha wahitimu hao, kuangalia uwezekano wa kuongeza maarifa, katika kazi zao za kila siku.

Mafunzo hayo ya siku tano, yalioanza Mei 6, na kufungwa Mei 10, yaliandaliwa na Kituo cha mafunzo na utafiti Zanzibar, na kuwashirikisha washiriki 19, kutoka taasisi za umma, wakiwemo wahasibu, maafisa sheria na maafisa manunuzi.

Miongoni mwa mada zilizofundishwa ni sheria za manunuzi, sheria na miongozo ya kimataifa ya manunuzi, muhushiano kati ya sheria za manunuzi na nyingine, uhusiano kati ya katiba na sheria, usimamizi wa mikataba, zabuni na namna ya kuanzisha mchakato wa manunuzi.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog