WANAWAKE WENYE ULEMAVU SHUNGI WATAKA NAFASI ZA UONGOZI

NA ZUHRA JUMA, PEMBA@@@@

UONGOZI wa Kamati ya kutetea haki za watu wenye ulemavu shehia ya Shungi wilaya ya Chake chake Pemba, imesema wakati umefika sasa, kwa wanawake wenye ulemavu, nao kupewa nafasi za uongozi, kwani ni haki yao kikatiba.

Akizungumza na mwandishi wa habari hizi, Katibu wa kamati hiyo, Asha Mohamed Yussuf, alisema bado wanawake wenye ulemavu, hawaonekani kuwa wanaweza kuongoza, jambo ambalo sio sahihi.

Alisema, kelele zinazopigwa juu ya wanawake na uongozi, hazijawangalia wanawake wenye ulemavu, jambo ambalo wao kama wanaharakati linawarejesha nyuma.

Alifafanua kuwa, wanawake wenye ulemavu wanauwezo mkubwa wa kuongoza iwe nafasi za usheha, kwenye vikundi vya kijamii, ukuu wa wilaya na hata ngazi ya urais, ingawa changamoto ni kukosa watetezi.

''Wanawake na wanaume wana haki sawa za kuongoza, lakini maandiko na maazimio kadhaa iwe ya kikanda na kimataifa, hajamuangalia mwanamke mwenye ulemavu,''alieleza.

Katika hatua nyingine, alisema kazi inayofanywa na TAMWA-Zanzibar ni nzuri, maana imekuwa ikiwashirikisha wanawake wenye ulemavu na wale wingine.

''Kwa mfano TAMWA imekuwa ikiwajengea uwezo waandishi wa habari, kuandaa makala na vipindi, ambavyo vinatugusa sisi watu wenye ulemavu, na kwa kiasi kikubwa sasa tunajua haki zetu,''alifafanua.

Aidha Katibu huyo, alisema changamoto kubwa kwa sasa inayowakabili ni baadhi ya wazazi, kutotoa ushirikiano wa karibu na kamati hiyo, wakati inapotekeleza wajibu wake kwa jamii.

Mapema Mwenyekiti wa kamati hiyo Khadija Mohamed Suleiman, alisema pamoja na changamoto hiyo, lakini wamefanikiwa kiasi, kuwaelezea wanawake wenye ulemavu, haki yao ya kuwa viongozi.

''Tumekuwa tukiwashajihisha wanawake wenye ulemavu, kwamba waombe nafasi za uongozi kuanzia kwenye vikundi, udiwani, uwakilishi na ubunge, kwani ni haki yao kikatiba,''alifafanua.

Hata hivyo, Mwenyekiti huyo alisema changamoto anayoiyona ni kuwa, bado jamii haijawaamini vya kutosha wanawake na hasa wenye ulemavu kushika nafasi za uongozi.

Amina Suleiman Juma wa kijiji cha Misooni shehiani humo, alisema wamekosa elimu ya kujengewa ujasiri, jambo ambalo wengi wao wanakosa umakini, katika kuomba nafasi za uongozi.

''Bado tupo baadhi yetu sisi wanawake, hutuna elimu ya ujasiri, kwanza kuomba na kisha kusimama mbele ya watu kusema jambo lolote,''alieleza.

Nae Mkali Juma Ali, wa kijiji cha Chanjamjawiri, alisema jamii itambue umuhimu wa uongozi kwa wanawake wenye ulemavu, kwani kila mmoja ana haki na wajibu huo kikatiba.

Nao Asma Said Abdalla, Sharifa Mohamed Khamis na Bimkubwa Othman Khamis, walisema wanajisikia faraja, kuwepo kwa kamati hiyo, kwani imekuwa msaada wa kuwaelimishana, juu ya haki zao.

Sheha wa shehia ya Shungi Hamad Ramadhan Soud, alisema kamati hiyo ilipata baraka zote za wananchi, hivyo hakuna budi kuiunga mkono, ili kufanikisha malengo yao.

‘’Kamati ipo kwa ajali ya kushughulikia, kuibua na kufuatilia haki mbali mbali za watu wenye ulemamavu, sasa lazima sisi wananchi tuisaidie, ili ifikie malengo yake,’’alieleza.

Mratibu wa TAMWA-Ofisi ya Pemba, Fat-hya Mussa Said, alisema ni vyema kwa waandishi wa habari, kuongeza kasi ya kutoa makala na vipindi, vyenye kuwasaidia wanawake wenye ulemvu kujua haki zao.

Mkuu wa Mkoa wa kaskazini Pemba Salama Mbarouk Khatib, alisema wanawake wenye ulemavu wana haki sawa na wingine, iwe katika uongozi ama nafasi nyingine.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog