SPIKA ZUBEIR AWAONESHA NJIA VIJANA KUPATA 'MAOKOTO'

IMEANDIKWA NA ZUHURA JUMA, PEMBA@@@@

SPIKA wa Baraza la Wawakilishi Zanzibar Zubeir Ali Maulid amewataka vijana kutumia vyema fursa zilizopo, ili kustawisha uchumi wa nchi na kujiletea maendeleo.

Aliyasema hayo Disemba 6, mwaka 2024 wakati akifungua kongamano la miaka 60 ya Mapinduzi Zanzibar lililoandaliwa na Wizara ya Habari, Vijana, Utamaduni na Michezo katika Ukumbi wa ZSSF Tibirinzi Chake Chake Pemba.

Alisema kuwa, Zanzibar imepiga hatua kubwa kimaendeleo katika sekta zote tofauti na kabla ya Mapinduzi, ambapo Serikali ya awamu ya nane imeweka mazingira mbali mbali ya kuwawezesha wananchi wake kiuchumi, hivyo ni vyema wakazitumia zaidi fursa hizo kwa ajili ya kujiimarisha.

"Hatua hii tuliyofikia sasa inaenda sambamba na mafanikio ya Mapinduzi yetu matukufu ya Zanzibar, hivyo hatuna budi kuyaenzi na kuyaendeleza kwa maslahi bora ya Taifa letu," alisema spika huyo.

Aidha alieleza kuwa, ni wajibu wa kila mwananchi kuwa na uzalendo, kulinda amani ya nchi na kuwa tayari kukemea kitendo chochote cha uvunjifu wa amani, kushirikiana na viongozi katika kujenga nchi.

Kwa upande wake Katibu Mkuu Kiongozi na Katibu wa Baraza la Mapinduzi, Mhandis Zena Ahmed Said alieleza kuwa, Serikali imesaidia kuleta mabadiliko makubwa katika sekta zote, ili kuhakikisha nchi inapata maendeleo na kukiinua kisiwa cha Pemba kiuchumi.

"Sekta zote zinazotoa huduma zimepewa kipao mbele ili kusudi zitoe huduma bora na kuimarisha maisha ya wananchi, sekta hizo ni kama vile sekta ya utalii, uchumi wa buluu, elimu, afya na uwezeshaji wananchi kiuchumi, hii itasaidia sana kupata maendeleo", alieleza.

Mapema, Waziri wa Wizara ya Habari, Vijana, Utamaduni na Michezo Zanzibar Tabia Maulid Mwita alisema, lengo la kongamano hilo ni kuongeza uelewa kwa wananchi ambao wataendeleza kuijenga zanzibar kimaendeleo pamoja na kuijua historia ya Mapinduzi.

"Kongamano hili linatusaidia kujua mambo mbali mbali ya kihistoria, hivyo tunapata faida ya kuchota fikra na maona ya mambo mengi, kwa hiyo ni muhimu sana kwetu kwani tunapata uelewa zaidi", alieleza Waziri huyo.

Akiwasilisha mada ya umuhimu wa amani, Balozi Amina Salum Ali alisema suala la amani na utulivu iliyopatikana baada ya Mapinduzi ndio iliyochangia kuleta maendeleo ya Zanzibar ambayo hapo awali yalikosekana.

Nae Dk. Abdulhamid Yahya Mzee akiwasilisha mada ya umuhimu wa uzalendo alisema, ni vyema wananchi kuwa na maandili mema kwani itasaidia kufanya kazi ya uzalendo moja kwa moja.

"Maadili na uzalendo vinakwenda sawa, ikiwa una maadili mema basi ni lazima utakuwa mzalendo, hivyo tuwafundishe vijana wetu mambo haya na waachane na utandawazi ambao kwa asilimia kubwa huharibu maadili yao," alifahamisha.

Katika kongamano hilo jumla ya mada nne zimewasilishwa ikiwemo umuhimu wa kutunza amani, umuhimu wa uzalendo katika kuleta maendeleo, maendeleo ya uchumi wa Zanzibar katika miaka 60 ya Mapinduzi ya Zanzibar, mafanikio fursa na changamoto, pamoja na malengo ya Mapinduzi, muelekeo wa Serikali ya awamu ya nane kuifungua Pemba kiuchumi.

MWISHO

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog