WAZIRI TABIA AGAWA JARIDA, ALIPA TANO SHIRIKA LA MAGAZETI YA SERIKALI

NA HAJI NASSOR, PEMBA@@@@

WIZARA ya Habari, Vijana, Utamaduni na Michezo, imelipongeza Shirika la Magazeti ya serikali, kwa ubunifu wao wa kuanzisha jarida maalum, la kutangaaza utekelezaji wa Ilani ya Chama cha Mapinduzi kwa wananchi.

Hayo yameelezwa na Waziri wa hiyo Zanzibar, Tabia Maulid Mwita, wakati akizungumza na masheha wa wilaya nne za Pemba, kwenye hafla ya ugawaji wa jarida hilo, iliyofanyika ukumbi wa Mfuko wa Hifadhi Jamii Zanzibar ‘ZSSF’ Tibirinzi Chake chake.

Alisema, uongozi wa Shirika hilo, umezitekeleza kwa vitendo ahadi za Rais wa Zanzibar na Mwenyekiti wa Baraza la Mapinduzi, pale alipowataka wakuu wa taasisi kuwa wabunifu, ili kuwafikia wananchi.

Alieleza kuwa, ubunifu huo ambao umezalisha jarida la kueleza kwa upana yale yaliyotekelezwa na serikali, utasaidia sasa kwa wananchi kuyaona kwa vitendo.

Waziri Tabia alieleza kuwa, ingawa vyombo vya habari vya serikali vipo ikiwemo ZBC, lakini kupitia jarida hilo, kumeongeza wigo kwa wananchi, kuyasoma yaliotekelezwa.

‘’Kwanza nimpongeza mno Mhariri Mtendaji wa Shirika hili, pamoja na timu yake, kwa kuanzisha jaridi maalum, ambalo kwa njia moja ama nyingine, linakuza ufahamu kwa wananchi,’’alieleza.

Waziri huyo wa Habari, Vijana, Utamaduni na Michezo, Tabia Maulid Mwita, alisema wapo baadhi ya wananchi, wamekuwa hawataki kuamini, kile kilichofanywa na serikali, lakini kupitia jarida hilo, watajifunza na kuona.

Katika hatua nyingine, amewakumbusha masheha hao kuhakikisha majarida hayo, yanawafikia wananchi wote, ili wapate kusoma na kufahamu.

‘’Inawezekana wapo ambao hawaamini kuwa, ndani kipindi kifupi Rais wetu wa Zanzibar, Dk. Hussein Ali Mwinyi, ameshafanya mengi, ikiwemo ujenzi wa skuli za ghorofa, hospitali na masoko lakini, ndani ya jarida hilo unaweza kuyakuta,’’alieleza.

Mapema Mkuu wa Mkoa wa kusini Pemba Mattar Zahor Massoud, amesema kama wananchi watalisoma jarida, wanaweza kuongeza ufahamu nia ya Rais wa Zanzibar.

‘’Lakini pia itakuwa ni fursa kwa wananchi na hata masheha na viongozi wengine, kuwepo kwa uimarishaji katika jarida lijalo,’’alifafanua.

Hata hivyo Mkuu huyo wa Mkoa, amewatadharisha masheha hao, kutowapa wananchi ambao hawana nia njema, ikiwemo kilichana.

Mkuu wa wilaya ya Mkoani Khatib Juma Mjaja, alisema mfumo wa majarida kama hayo ni muhimu, hasa kuwepo kwa habari mchanganyiko za maendeleo.

Mwenyekiti wa Masheha wa wilaya ya Chake chake Khamis Idd Songoro, alisema jarida hilo litawasaidia wale wanaodai kuwa, Zanzibar hakujafanywa maendeleo ndani ya awamu hii.

‘’Sasa tutawapa wasome wenyewe, waone kasi na Rais wa Zanzibar, katika utekelezaji wa ahadi zake kwa wananchi, tokea alipoingia madarakani,’’alieleza.

Hata hivyo alipendekeza kuwa, majarida hayo ni vyema kwa awamu ijayo yakongezwa, ili yawafikie wananchi wengi zaidi katika shehia zao.

Nae sheha wa shehia ya Kinyasini Raiye Amour na mwenzake wa Shumba Vyamboni Time Said, walisema majarida hayo, yatasaidia kwa wananchi, kupata kumbu kumbu za utekelezaji wa ahadi za Rais wa Zanzibar.

Katika hafla hiyo, jumla ya masheha 129 wa wilaya nne za Pemba, kila mmoja alikabidhiwa majarida 10, ambapo wengine miongoni mwa waliokadbiwa ni wakuu wa mikoa, wilaya na makatibu tawala.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog