Skip to main content

WAZIRI PEMBE ATOA TAARIFA KWA WAANDISHI KUELEKEA SIKU 16 ZA KUPINGA UDHALILISHAJI

By

 



HOTUBA YA MHE. RIZIKI PEMBE JUMA WAZIRI WA WIZARA YA MAENDELEO YA JAMII JINSIA WAZEE NA WATOTO KWA WAANDISHI WA HABARI KUELEKEA MAADHIMISHO YA SIKU 16 ZA HARAKATI ZA KUPINGA UKATILI NA UDHALILISHAJI WA KIJINSIA, KATIKA UKUMBI WA WIZARA, KINAZINI MKOA WA MJINI MAGHARIBI,  TAREHE 21/11/2024.

 

· MHE. ANNA ATHANUS PAUL, NAIBU WAZIRI WA WIZARA YA MAENDELEO YA JAMII, JINSIA WAZEE NA WATOTO,

· NDUGU MWADINI KHATIB MWADINI, KATIBU MKUU WA WIZARA YA MAENDELEO YA JAMII, JINSIA  WAZEE NA WATOTO,

· NDUGU WAKURUGENZI WOTE,

· WAANDISHI WA HABARI ,

 

ASSALAAMU ALAYKUM.

 Awali ya yote napenda kumshukuru Mwenyezi Mungu Mwingi wa Rehema  kutujaalia uzima na afya njema na kutuwezesha kukutana hapa tukiwa wazima wa afya, kwa lengo la kuzungumza nanyi kuhusu siku 16 za mapambano dhidi ya vitendo vya ukatili na Udhalilishaji tuseme Alhamdulillah.

Kwa kipekee napenda kuchukua fursa hii kumshukuru Mheshimiwa Rais wa Zanzibar na Mwenyekiti wa Baraza la Mapinduzi Mhe. Dkt Hussein Ali Mwinyi kwa kuendelea kutusimamia vyema wananchi wake Wa Zanzibari, kuendelea kutupa miongozo na maelekezo ambayo yamekuwa yakituongoza katika kusimamia majukumu ya Wizara yetu.    Aidha, nichukue nafasi hii pia kumpongeza kwa kutimiza miaka minne ya Uongozi wake ambao tumeshuhudia Mapinduzi makubwa ya maendeleo ya Kiuchumi, Kijamii na Kisiasa yakiendelea ndani na nje ya nchi yetu. Tumuombe Mwenyezi Mungu ampe Afya njema na aendelee na majukumu yake ya kuiongoza nchi kwa maslahi mapana ya Taifa letu.

NDUGU WAANDISHI WA HABARI

Tukiwa tunaelekea kuadhimisha siku 16 za harakati za kupinga vitendo vya ukatili na udhalilishaji wa kijinsia napenda kutoa masikitiko yangu makubwa kwa kitendo cha ukatili alichofanyiwa mtoto Khadija, mwenye umri wa miaka sita kudhalilishwa kingono na baadae kupotezewa uhai wake, Wizara imesikitikitishwa na kitendo hicho na kwa kushirikiana na mamlaka nyengine haitosita kumchukulia hatua yeyote atakaebainika kufanya ukatili na udhalilishaji huo.



Chimbuko la siku 16 za wanaharakati za kupinga vitendo vya Ukatili na udhalilishaji wa Kijinsia ni kampeni ya ulimwenguni kote  ambapo chimbuko lake linatokana na mkutano wa wanaharakati dhidi ya udhalilishaji wa kijinsia uliofanyika mjini Bogota Colombia America ya kati tarehe 18 - 21 November 1991  kwa kubadilishana mawazo juu ya kupinga vitendo vya ukatili na udhalilishaji wa kijinsia duniani.  Mkutano huo uliazimia  na kuchagua siku 16 kuanzia tarehe 25/ Novemba hadi tarehe 10 Disemba ambayo ni siku za kimataifa dhidi ya vitendo vya ukatili na  udhalilishaji na  hadi tarehe 10 Disemba  ambayo ni siku ya Kimataifa ya haki za binaadamu kwa lengo la kuhusisha  masuala ya ukatili na masuala ya haki za binaadamu.  

NDUGU WAANDISHI WA HABARI .

Mwaka 1999 Umoja wa Mataifa uliridhia na kutangaza kuwa siku 16 za wanaharakati za kupinga vitendo vya ukatili na udhalilishaji wa kijinsia, kwa hapa kwetu Zanzibar harakati hizi zilianzia mwaka 2011 na kuendelea hadi leo kwa kufanya shughuli mbali mbali.

Lengo la maadhimisho  haya ni kutathmini juhudi mbali mbali zinazochukuliwa na wadau katika kupambana na  vitendo vya ukatili na udhalilishaji wa kijinsia, kuhamasisha wadau na jamii kuchukua hatua dhidi ya vitendo hivi  na kupanga mikakati mipya ya kupambana  na kadhia hii.

Kwa kawaida maadhimisho haya kwa kila mwaka huwa na ujumbe maalum unaoakisi mikakati ya kuondoa tatizo hilo. Kwa mwaka huu tumelenga kuwaleta pamoja watu wote kwa kupaza sauti na kuonesha hisia zetu na kila mmoja kuonesha hatua za kuchukua katika kukabiliana na tatizo la vitendo vya Ukatili na Udhalilishaji wa Kijinsia.



NDUGU WAANDISHI WA HABARI

 Ujumbe wa mwaka huu wa 2024 ni "kuelekea 2030 tuungane kutafakari na kuchukua hatua kumaliza udhalilishaji dhidi ya wanawake na watoto Zanzibar."  Kwa hakika  kauli mbiu hii inatupa ari ya kukaa kwa pamoja na kushirikiana ana kwa ana kutokomeza kabisa vitendo vya Udhalilishaji wa Kijinsia ambao umekuwa tishio hapa Zanzibar na kuumiza akili za walio wengi.

NDUGU WAANDISHI WA HABARI

kwa mwaka huu maadhimisho ya siku 16 yanatarajiwa kuzinduliwa Zanzibar na kufungwa kisiwani Pemba ambapo katika siku hizi 16 za harakati za kupambana na vitendo vya ukatili na udhalilishaji wa kijinsia Wizara ya Maendeleo ya Jamii, Jinsia, Wazee na Watoto imeandaa shughuli mbalimbali zikiwemo kuanda shindano la uandishi wa Insha kwa wanafunzi wa Sekondari na Vyuo vikuu kuhusiana na vitendo vya udhalilishaji kwa Wanafunzi.

NDUGU WAANDISHI WA HABARI

Shuguli nyengine ambazo zinatarajiwa kufanywa na Wizara ni Kongamano la Wajasiriliamali wanawake na Wanaharakati wengine Unguja na Pemba kuhusiana na mapambano dhidi ya ukatili pamoja na kupewa elimu ya ujasiriamali ikiwemo uandaaji wa miradi.  Kufanya mikutano na wadau wa GBV na waratibu wa wanawake na watoto wa shehia pamoja na kutoa mafunzo kwa Wanafunzi kupitia Serikali zao za Wanafunzi katika Skuli.

NDUGU WAANDISHI WA HABARI

Wizara pia imepanga kuwashirikisha wadau mbalimbali wa masuala ya kupinga udhalilishaji na ukatili dhidi ya wazee, wanawake na watoto wakiwemo Tamwa, Zafela, Mahakama, Fawe, Dawati la jinsia pamoja na wadau wengine kwa kuwasilisha shughuli zinazotekelezwa na taasisi zao na kutoa elimu kwa wananchi watakaofika katika ufunguzi huo.

NDUGU WAANDISHI WA HABARI

Jumla ya matukio 165 ya ukatili na udhalilishaji wa kijinsia yameripotiwa mwezi wa julai 2024,ambapo waathirika walikuwa 165, ikiwa Waathirika wengi walikuwa watoto sawa na asilimia 86.1, wanawake asilimia 10.9 na wanaume asilimia 3.0.Miongoni mwa watoto ambao wameathirika ni142, wasichana walikuwa 115 sawa na asilimia 1.0 na wavulana walikuwa 27 sawa na asilimia 19.0.

Matukio ya ukatili na udhalilishaji wa kijinsia yaliyoriptiwa kwa mwezi Agosti 2024 yalikuwa ni 157 ambapo waathirika wengi walikuwa ni watoto sawa na asilimia 87.2 wanawake asilimia 11.5 na wanaume asilimia 1.3. Miongoni mwa waathirika watoto ni 137, wasichana walikuwa 112 sawa na asilimia 81.8 na wavulana walikuwa 25 sawa na asilimia18.2

Katika mwezi wa Septemba`2024, jumla ya matukio 148 ya ukatili na udhalilishaji wa kijinsia yameripotiwa  ambapo waathirika walikuwa 148. Waathirika wengi walikuwa watoto kuanzia kuzaliwa hadi miaka 17 sawa na asilimia 87.9, Wanawake miaka 18 na zaidi sawa na asilimia 7.4 na Wanaume kuanzia miaka 18 na kuendelea sawa na asilimia 4.7, miongoni mwa watoto waathirika 130 Wasichana walikuwa 107 sawa na asilimia 82.3 na wavulana walikuwa 23 sawa na asilimia 17.7.

Takwimu hizi zinaonesha kupungua kidogo kwa matukio ya ukatili na udhalilishaji wa kijinsia ukilinganisha na mwezi wa July na hii ni kwa mujibu wa toleo la Takwimu za ukatili na udhalilishaji wa kijinsia Zanzibar, hii haimaanishi tupunguze kasi ya kupambana na vitendo hivyo bali nguvu zinahitajika zaidi ili tuweze kuyatokomeza kabisa matendo hayo thakili.

NDUGU WAANDISHI WA HABARI

Pamoja na juhudi nyingi zinazochukuliwa na Serikali na zisizo za Kiserikali, bado vitendo vya udhalilishaji vinaendelea. Jamii bado haijashajiika na kufahamu athari ya vitendo hivi na badala yake inaendeleza rushwa muhali.   

Hivyo, ni jukumu letu sote kuendeleza kutoa taaluma  ya athari za vitendo hivi  ili jamii ipate uelewa  wa kina kuhusiana na ubaya wa vitendo hivyo.  

NDUGU WAANDISHI WA HABARI

Naomba nimalizie hotuba yangu kwa kuyashukuru Mashirika ambayo tumekuwa tukishirikiana pamoja katika harakati hizo ambayo ni  shirika la UNWOMEN, UNFPA Tanzania, UNICEF, IOM, UNESCO, Save the Children, Zanzibar Maisha Bora Foundation, PATHFINDER, C-SEMA, ACTIONAID, Asma Mwinyi Foundation, TAMWA, ZAFELA, ZCRF, na mengineo  kwa kutuunga mkono kwenye mapambano ya kupinga vitendo vya udhalilishaji wa wanawake na watoto.

Kabla kumalizia maelezo yangu naomba nikushukuruni Waandishi wa habari kwa kushirikiana nasi katika mapambano haya na nakuombeni muendelee kutuunga mkono ili lengo letu la kuvishinda vitendo hivi liweze kutimia.

Mwisho kabisa, nitoe shukrani na pongezi za dhati kwa Jeshi la polisi mkoa wa kusini Unguja kwa kufanikiwa kumkamata mtuhumumiwa wa ubakaji na mauaji ya mtoto Khadija kilichotokea Mwera pongwe, niwaombe waendelee kuchukua juhudi za haraka kuhakikisha kuwa kesi hii inaenda katika vyombo vya kisheria ili sheria iweze kuchukua mkono wake.

Kwa pamoja tunaweza kuutokomeza ukatili na udhalilishaji wa kijinsia ndani ya taifa letu.

Zanzibar bila ya vitendo vya ukatili na udhalilishaji wa kijinsia inawezekana sana

Tanzania bila ya ukatili na udhalilishaji inawezekana sana.

Chukua hatua.

Ahsanteni sana kwa kunisikiliza.

 

AHSANTENI SANA KWA KUNISIKILIZA.

Labels:

Comments

Post a Comment

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

By
NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha  Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...
2 comments
Read more

'MKAPA' NA WENZAKE PEMBA WALAZWA RUMANDE

By
  NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...
Post a Comment
Read more

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

By
  NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...
Post a Comment
Read more

…….SUZA WATOA USHAURI WA ADHABU YA KUNYONGWA

By
  NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...
Post a Comment
Read more

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

By
  NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...
Post a Comment
Read more