KATIBU MTENDAJI BARAZA LA VIJANA ZANZIBAR, AWAPA RAI WASAIDIZI WA SHERIA

NA HAJI NASSOR, UNGUJA@@@@

KATIBU Mtendaji wa Baraza la Vijana Zanzibar Ali Haji Hassan, amesema njia nzuri ya kufanyakazi kwa jumuiya za wasaidizi wa sheria, ili kupata mafanikio, ni kuondokana na umimi wakati wa utekelezaji, wa shughuli zao.

Alisema, wafadhili wanapotoa fedha zao, wanataka kuona matunda ya kilichofanywa na taasisi husika, sasa njia nzuri ni kushirikiana, wakati wanapotelekeza miradi hiyo.

Katibu Mtendaji huyo aliyasema hayo jana, ukumbi wa mikutano wa Michenzani Mall mjini Unguja, wakati akichangia mada ya namna bora, ya kupata mafanikio, kwa watoa msaada wa kisheria, kwenye jukwaa la nne la msaada wa kisheria Zanzibar.

Alisema, kama jumuia zitaendeleza na umimi na kujifungia ndani, wakati wanapotekeleza miradi, inaweza kuwa vigumu kupata mafanikio, yaliokusudiwa.

Alieleza kuwa, jumuia za watoa msaada wa kisheria, zimekuwa zikifanyakazi moja kubwa, ingawa shida iliyopo ni kutoshirikiana wakati wanapofanyakazi hizo.

‘’Kwa mfano, jumuia ya wasaidizi wa sheria wilaya ya Chake chake inapiga vita udhalilishaji, basi ishirikiane na ile ya Mkoani, yenye kazai kama hiyo, ili kuwa na nguvu za pamoja na mfano wa hayo,’’alipendekeza.

Katika hatua nyingine, Katibu Mtendaji huyo wa Baraza la Vijana Zanzibar Ali Haji Hassan, alisema wafadhili mbali mbali, waendelee kutoa rukuzu kubwa, ili baadae jumuiya hizo, ziweze kujitegemea.

Alisema, jumuiya hizo zinafanyakazi kubwa na kwenye mazingira magumu, hivyo kama zikipatiwa ruzuku kubwa zinaweza kujitegemea, hapo baadae.

‘’Niwaombe sana wenzetu wa UNDP, UN-Women na LSF kuangalia uwezekano, sasa kutoa rukuzu zilizotononoka, ili jumuia zetu za watoa msaada wa kisheria, zijiendeshe zenyewe,’’alifafanua.

Mapema Mkurugenzi wa Shirika la Msaada wa Kisheria na Haki za Binaadamu Zanzibar ‘ZALHO’ Harusi Miraji Mpatani, alisema inawezekana, ufadhili mdogo ndio chanzo cha jumuia nyingi za msaada wa kisheria, kutofikia ndoto zao.

Akichangia mada kwenye jukwaa hilo, Msaidizi wa sheria kutoka wilaya ya Mkoani ‘MDIPAO’ Shaaban Juma Kassim, alisema yapo mafanikio wanayopata, kupitia ufadhili wanaopewa na washirika wa maendeleo.

Alifahamisha kuwa, ijapokwa jigografia ya maeneo wanayofanyakazi yanawatesa kwa kutokuwa na vyanzo vya uhakika vya fedha, lakini wanafanyakazi kwa bidii.

‘’Jamii imeshatuamini katika kazi hii ya utoaji elimu, ushauri na msaada wa kisheria, ingawa wakati mwingine, hukumbana na changamoto ya kuyafikia maeneo husika,’’alifafanua.

Mapema Mwakilishi kutoka ‘UNDP’ Ali Shaib, alisema kadiri fedha inavyopatikana, wanaendelea kuigawa kwa taasisi kadhaa, ili kuunga mkono judu za upatikanaji haki Zanzibar.

Akiahirisha kongamano hilo kwa siku ya kwanza, Mkurugenzi wa Idara ya Katiba na Msaada wa Kisheria Zanzibar, Hajjat Hanifa Ramadhan Said, aliwapongeza wasaidizi wa sheria, kwa kazi wanazozifanya.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog