Skip to main content

TUNDAUA WATAKA UFAFANUZI MWEKEZAJI ALIWEKA VIKUTA PEMBEZONI MWA BAHARI

By

 


NA HAJI NASSOR, PEMBA@@@

WANANCHI wa kijiji cha Tundaua shehia ya Kilindi wilaya ya Chake chake, wamesema hawakatai uwekezaji katika maeneo yao, wanachotaka ni kushirikishwa kila hatua, kuelekea uwekezaji huo.

Walisema, kwa sasa wamekuwa wakiona uwekaji wa vikuta ‘bacons’ pembezoni mwa bahari, ndani ya maeneo wanayolima mihogo, mpunga na mboga mboga, bila ya taarifa yoyote kutoka serikalini.

Wakizungumza na waandishi wa habari, kufuatia uwepo wa vikuta hivyo, kwenye eneo wanaloendesha kilimo, walisema kinachowasikitisha ni kukosa taarifa, juu ya aina ya uwekezaji huo.

Walieleza kuwa, hawajapata taarifa kutoka kwa sheha wao, wala kiongozi mwingine yoyote, na kuwaacha njia panda juu ya zoezi ambalo, limeshakamilika la uwekaji wa vikuta.

Mmoja kati ya wananchi hao Makame Haji Makame, alisema ingawa wao hawajakwenda kulalamikia jambo hilo kwa sheha wao, lakini na yeye hajaita kuwapa taarifa zozote.



Alisema kama ni suala la uwekazaji, walifikiria kuwa, wengeitwa kwenye kikao maalum, na kuelezwa kwa kina, juu ya kinachotakwa kufanywa, katika eneo hilo kwa vile wanayo haki hiyo.

‘’Sheha ametupuuza kwa kutotupa taarifa, sisi tunaona harakati za upimaji na uwekaji wa vikuta tu, pembezoni mwa bahari na maeneo tunayoendesha kilimo,’’alilalamika.

Nae Mohamed Kassim Soud, alisema wao hawana shaka na uwekezaji unaotaka kufanyika, ila kilichowakera ni kutoshirikishwa na kuzarauliwa.

‘’Maeneo haya kwa zaidi ya miaka 60 sasa, tunaendesha kilimo, sasa tunapoona uwekaji wa vikuta na sisi kukoseshwa taarifa, huwa hatujisikii vizuri,’’alieleza.



Aidha mwananchi huyo, alisema kama hiyo ni amri ya Rais wa Zanzibar Dk. Hussein Ali Mwinyi, binafsi amekuwa na utaratibu mzuri wa kukutana na wananchi, kabla ya kuendelea na jambo jingine lolote,’’alifafanua.

Alifahamisha kuwa, alitarajia washirikishwe kikamilifu tokea hatua za awali, ili watoe maoni yao juu ya aina ya uwekezaji wenye tija, hasa kutokana na mila na desturi zao.

‘’Engekuwa vyema tukashirikishwa na kutoa maoni yetu, ili kujua kunataka kujengwa chuo, skuli, hospitali au hoteli ili kuwa na ushirikiano na anayekuja,’’alipendekeza.


Kwa upande wake Mohamed Haji Juma, alisema kinachoendelea hawana taarifa nacho, wanachoshuhudia ni gari kupita kila siku kijijini hapo, na kuelekea eneo hilo.

Alikri kuwa, wao hawajamfika sheha wao, juu ya kumuulizia kinachoendelea, ingawa wamejaa na hofu juu ya aina ya mwekezaji na uwekezaji, unaokuja kijijini kwao.

Mwananchi Khamis Makame Hamad, alisema ameanza kupatwa na wasisi kwani, eneo hilo kwa zaidi ya miaka 40 analitumia kwa kilimo cha mpunga.

‘’Nimekuwa nikilima hata bamia na mboga mboga nyingine, na sasa kufuatia vikuta vilivyowekwa na watu nisiowafahamu, najihisi nimeshany’ang’wa eneo hilo,’’alilamika.


Nassor Mwadini Khatib, alisema kuwa pamoja na kwamba eneo hilo ni la serikali, walikabidhiwa wao kwa ajili ya kulishughulikiwa, ingawa kwa sasa, limevamiwa na mtu wasiemfahamu wala kuwa na taarifa nae.

‘’Sisi ndio walinzi wa shamba hilo, na tulitarajia kama serikali inalitaka shamba lake, ije ikutane na sisi na sio kuanza kutiwa vikuta bila ya taarifa, hapa hatukutendewa haki,’’alifafanua.

Khari Bijuma Makame, alisema hofu yake, pindi eneo hilo la usawa wa bahari litachukuliwa na mwekezaji, ni kupoteza uhifadhi wa habari, ambao kila miezi mitatu, huvua kwa pamoja.

‘’Eeno hilo ni la hifadhi, wakati ukifikia wa kufunguliwa, kinachopatikana (fedha), hugawa baina ya mvuvi na jamii, na fedha kuziingiza kwenye ujenzi wa miradi ya jamii kama skuli,’’alieleza.

Tatu Khamis Hamad, alisema eneo hilo lenye idadi kubwa ya minazi, amekuwa na utaratibu wa kuokota makuti makavu, na kisha kuyasuka na kuyauza, ili kuendesha maisha yake.







‘’Sasa kama kwaja uwekezaji, je mzungu ataturhusu kuingia ndani ya eneo hilo na kuokota makuti, na kuendesha familia zetu,’’alihoji.

Nae Hadia Makame Ali, alisema hofu yake ni kujengwa hoteli ya kitalii, na kuwa kichochezi ya uvinjifu wa mila, tamaduni na silka zoa.

Mapema sheha wa Kilindi Nassor Mohamed Khamis, aliwataka wananchi hao, kuwa watulivu, na wakati ukifika wataelezwa kila kitu na mwekezaji mwenyewe.

Alisema, kwa sasa bado ni mapema kujua panataka kujengwa nini, kwani mwekezaji huyo, alikuwa hajamaliza taratibu za umiliki wa eneo hilo.



Sheha huyo alieleza kuwa, serikali wala haina nia mbaya na wananchi wake, na haiwezi kuweka ukezaji ambao utakuwa kinyume na maadili ya wananchi, wa Kilindi na Tundaua yake.

Wakati huo huo sheha huyo, aliwaahidi wananchi hao kuwa, hakuna hata mmoja, atakaeharibiwa kipando chake na kukosa kulipwa fidia.

‘’Juzi Novemba 17, wananchi wameanza kuitwa na mwekezaji huyo, ili kuzungumza nao, juu ya hatma yao katika eneo hilo la serikali, ambalo limeshauzwa kwa mwekezaji,’’alifafanua.

Katika hatua nyingine sheha huyo, alisema kila mwananchi ambae atakosa eneo la kilimo hapo baadae, afike ofisini kwake, kwa ajili ya kupewa eneo jingine.

‘’Ardhi ni mali ya serikali, hivyo ndani ya shehia ya Kilindi hakuna mwananchi anaetaka kuendesha kilimo akakosa, afike ofisini kwangu, kwa ajili ya kupewa maelekezo,’’alisisitiza.

Eneo hilo la serikali, kwa sasa linaminazi kadhaa ya serikali, ambapo kwa zaidi ya miaka 60 iliyopita, lipo chini ya wananchi kwa ulinzi na utaratibu na kisha kukodishwa.

 Wapo wakulima zaidi ya saba, wanaoendesha vilimo vya aina mbali mbali, kama vile mpunga, mihogo, mabamia na mboga nyingine.

                                      Mwisho

Labels:

Comments

Post a Comment

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

By
NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha  Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...
2 comments
Read more

'MKAPA' NA WENZAKE PEMBA WALAZWA RUMANDE

By
  NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...
Post a Comment
Read more

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

By
  NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...
Post a Comment
Read more

…….SUZA WATOA USHAURI WA ADHABU YA KUNYONGWA

By
  NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...
Post a Comment
Read more

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

By
  NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...
Post a Comment
Read more