HAROUN AFURAHISHWA SERIKALI KUUNGA MKONO HUDUMA ZA MSAADA WA KISHERIA

NA HAJI NASSOR, ZANZAIBAR@@@@

WAZIRI wa Nchi, Afisi ya Rais, Katiba, Sheria na Utawala Bora Zanzibar Haroun Ali Suleiman, amesema inafurahisha kuona serikali ya Mapinduzi ya Zanzibar na ile ya Jamhuri ya Muungano wa Tanzania, zinashirikiana katika kufanikisha utoaji wa msaada wa kisheria.

Alisema, ushirikiano huo umesababisha kuimarika kwa utoaji huo wa msaada wa kisheria, ikiwemo kupitia kampeni ya kitaifa ya msaada wa kisheria ya Rais wa Jamhuri ya Muungano wa Tanzania, Samia Suluhu Hassan.

Waziri Haroun aliyasema hayo leo Novemba 20, 2024 ukumbi wa mikutano wa Michezani Mall, wakati akilifungua jukwaa la nne la msaada wa kisheria, lililoandaliwa na Idara ya Katiba na Msaada wa Kisheria Zanzibar, kwa ushirikiano na UNDP.

Alisema, kwa upande wa Zanzibar Rais Dk. Hussein Ali Mwinyi amekuwa mstari wa mbele, kuungano mkono utoaji wa msaada wa kisheria, ikiwemo kutoa bajaji saba, kwa watoa msaada wa kisheria Zanzibar.

Alieleza kuwa, hili ni jambo la kupongezwa, kwa viongozi hawa, kwani wamekuwa wakiunga mkono kwa vitendo, kazi zinazofanywa na wasaidizi wa sheria mbali mbali.

‘’Mimi niwapongeze viongozi hawa, maana wamekuwa karibu na sisi, kwa kutusaidia na kutuungano mkono, lakini hata suala hili limesisitizwa kwa upana ndani ya Ilani ya uchaguzi ya CCM ya mwaka 2020/2025 na dira ya maendeleo ya Zanzibar ya mwaka 2050,’’alifafanua.

Aidha Waziri Haroun alisema, juhudi nyingine za serikali za kuunga mkono, ni kufuta ada kwa watoaji wa msaada wa kisheria Zanzibar, kuanzia mwaka 2023.

Akizungumzia kaulimbiu ya jukwaa hilo ambayo ni ‘ushawishi wa upatikanaji wa rasilimali za kuendeleza huduma za msaada wa kisheria Zanzibar ’ alisema ni muhimu kwa vile inahimiza ubunifu na mbinu imara, katika kutafuta rasilamali za kuimarisha upatikanaji haki.

Katika hatua ningine, Waziri Haroun alisema ni muhimu kila mmoja, ahakikishe hakuna mtu ambae anahitaji msaada wa kisheria na kuukosa.

Mapema akiwasilisha maazimio ya jukwaa la tatu msaada wa kisheria, Mkurugenzi wa Idara ya Katiba na Msaada wa Kisheria Zanzibar Hajjat, Hanifa Ramadhan Said, alisema mingi yao yameshaanza kutekelezwa.

Alisema, moja wapo ni kwa skuli ya sheria Zanzibar kufanya marekebisho ya mitaala yao, jambo ambalo limeshanza kutekelezwa.

‘‘Lakini pia kulikuwa na wazo la kufutwa kwa ada kwa wasaidizi wa sheria, hili nalo limeshatekelezwa na tayari kwa mwaka huu wasadizi wa sheria hawakulipa,’’alifafanua.

Akitoa salamu kutoka Shirika la maendeleo la kimataifa ‘UNDP’ kwa niaba ya mkurugenzi mkaazi, mwakilishi huyo Ali Shaib, alisema wanafurahishwa kuona, UNDP inakuwa sehemu ya upatikanaji haki hapa Zanzibar.

Hata hivyo, alisema UNDP itaendelea kushirikiana kwa karibu na Serikali, ili kuhakikisha upatikanaji haki kwa wananchi hasa wanyonge wanapata haki zao.

Afisa Miradi Mwandamizi kutoka taasisi ya ‘LSF’ Bakar Hamad, alisema karibu shilingi bilioni 5.1 zimekuwa zikitumika kwa Tanzania nzima, kwa ajili ya kuimarisha upatikanaji haki, na asilimi 30 ua fedha hizo, zimeekezwa Zanzibar.

Hata hivyo aliwapongeza wasaidizi wa sheria Zanzibar, kwa kazi kubwa wanazozifanya, licha ya changamoto wanazokumbana nazo wanapokuwa kazini.

Mapema Katibu Mkuu wizara ya Katiba, Sheria, Utumishi na Utawala Bora Zanzibar Mansura Mosi Kassim, alisema Idara ya Katiba na Msaada wa Kisheria, imekuwa ikifanyakazi kubwa, na kuibeba wizara kwa saifa nzuri.

Alieleza kuwa, kinachohitajika ni kuendeleza juhudi hizo, ili jamii ipate mwamko wa kudai haki zao za kisheria, ikiwa ni hatua ya kuimarisha utawala bora na utawala wa kisheria.

Katika jukwaa hilo mada kadhaa zitawasilishwa ikiwa ni uendelevu wa rasilimali fedha katika taasisi za msaada wa kisheria, jukumu la washirika wa maendeleo katika sekta ya msaada wa kisheria juu la rasilimali fedha Zanzibar.

Katika jukwaa hili la nne la msaada wa kisheria kwa mwaka huu 2024, kauli mbiu ni ‘ushawishi wa upatikanaji wa rasilimali za kuendeleza huduma za msaada wa kisheria Zanzibar’.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog