KESI YA HEROIN PEMBA YAPIGWA KALENDA WAKILI, SHAHIDI WANAUMWA

NA HAJI NASDSOR, PEMBA@@@@

KESI ya kupatikana dawa, zinazoaminika kuwa ni za kulevya, iliyopo Mahakama kuu Zanzibar kisiwani Pemba, imeshindwa kuendelea, baada ya shahidi na wakili wa utetezi, kutochomza mahakamani hapo, kwa udhuru wa kuumwa.

Awali mtuhumiwa katika shauri hilo Ame Kheir Ali, aliwasili mahakamani hapo, akimsburi wakili wake Zahran Mohamed Yussuf, ili aendelee na hatua ya kumskiliza shahidi wa upande wa mashtaka, ingawa alielezwa na Jaji wa mahakama kuu kuwa, wakili wake anaumwa.

Jaji Ibrahim, alimueleza mtuhumiwa huyo kuwa, kwa mujibu barua iliyopokelewa mahakamani hapo ni kuwa, wakili wake huyo hayupo kisiwani Pemba kwa sasa.

‘’Mtuhumiwa leo (jana) tunakuomba radhi, maana wakili wako Zaharan Mohamed Yussuf, hayupo hapa mahakamani na kisiwani Pemba, yuko Tanzania bara kimatibabu,’’alisema Jaji.

Kisha, Jaji huyo aliupa nafasi upande wa mashtaka kusema, jambo juu ya hilo na Wakili wa serikali kutoka Ofisi ya Mkurugenzi wa mashtaka Seif Mohamed Khamis, alikubaliana na taarifa hiyo.

Mapema wakili huyo, aliimbia mahakama hiyo kuwa, hata kwa upande wao, wanae shahidi mmoja juu ya shauri hilo, ingawa nae hakuweza kuhudhuria mahakamani, kutokana na shida ya kiafya.

Wakili huyo alidai kuwa, kesi hiyo imefikia hatua ya kusikilizwa, na tayari kwa mujibu wa kumbu kumbu zao, wameshampokea shahidi mmoja, ingawa naye, hatoweza kusikilizwa kutokana na kuumwa,’’alidai.

Hivyo wakili huyo wa serikali, aliiomba mahakama hiyo kuu, kulighairisha shauri hilo, na kulipangia siku nyingine, kwa ajili ya kuendelea na hatua iliyofikiwa.

Jaji Ibrahim alikubaliana na ombi hilo, na kumtaka Mwendesha mashtaka kuhakikisha siku hiyo, wanamuarifu shahidi wao, ili afike mahakamani hapo.

Alipomuuliza mtuhumiwa Ame Kheir Ali, Jaji wa mahakama kuu Zanzibar Ibrahim Mzee Ibrahim, juu ya kulighairisha shauri hilo, alidai hana pingamizi na uamuzi huo.

‘’Unasemaje mtuhumiwa Ame, maana wakili wako anaumwa na yuko Tanzania bara na shahidi mmoja wa upande wa mashtaka, nae hakuweza kufika mahkamani kwa sababu kama hiyo, je unasemaje,’’aliulizwa.

Kwa mujibu wa hati ya mashtaka, ilidaiwa kuwa mtuhumiwa huyo Ame Kheir Ali miaka 35 wa Jiondeni Mkoani Pemba, alipatikana na dawa zinazosadikiwa kuwa ni za kulevya.

Ilidaiwa kuwa, alipatikana na kete 70, aina ya Heroin zenye uzito wa gramu 1.57, Septemba 18, mwaka 2022, majira ya saa 2:00 asubuhi eneo la Makombeni wilaya ya Mkoani Pemba.

Kufanya hivyo ni kosa, kinyume na kifungu 21(1) (d) cha sheria ya Mamlaka ya Kudhibiti, na Kupambana na Dawa za Kulevya Zanzibar, sheria nambari 8, ya mwaka 2021.

Kesi hiyo imeghairishwa mahkamani hapo, hadi Machi 4 na 5, mwaka 2024 ambapo itasikilizwa siku mbili mfululizo, na Jaji Ibrahim, kutaka mashahid siku hiyo wafike.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog