WAKILI WA UTETEZI KESI YA UDHALILISHAJI PEMBA AOMBA KUFUTIWA SHTAKA MTEJA WAKE

NA HAJI NASSOR, PEMBA:::

WAKILI wa utetezi, Massoud Mohamd Said, katika shauri la kuingilia kinyume na maumbile, ameiomba mahakama maalum ya kupambana na makosa ya udhalilisjaji ya mkoa wa kusini Pemba, kuliondosha shtaka hilo, kutokana na upande wa mashataka, kushindwa kuwasilisha mashahidi.

Alidai kuwa, mahakama inamakali mithili ya kiwembe na ina nguvu hata kusukuma jabali, sasa ni vyema wakazitumia, ili shataka hilo, kuliondosha na lisimuumize mteja wake.

Aidha wakili Massoud, alida kuwa mteja wake Haroub Bakar Hamad miaka 22, bado ni kijana mdogo anahitaji kuweko uraiani, ili aendelee na shughuli zake, na sio kuendelea kuumia akiwa rumande.

Wakili huyo, aliyadai hayo mbele ya hakimu wa mahakama hiyo Muumini Ali Juma, mara baada ya upande wa mashataka kudai kuwa, shauri hilo lipo kwa ajili ya kusikilizwa, ingawa hawakupokea mashahidi.

Ndipo Hakimu alipompa nafasi wakili huyo wa utetezi, na kudai kuwa, sasa imekuwa wimbo wa kila siku kutoka upande wa mashtaka, juu ya suala la kutopokea mashahidi wa shauri hilo.

‘’Mheshimwa upande wa mashataka wanaichezea sharubu mahakama yako, na wamekuwa wakifanya wimbo sasa, suala la kutoleta mashahidi, hivyo ni vyema sheria itumike, ili kuliondoa shauri hili,’’alidai.

Aidha katika hatua nyingine wakili huyo wa utetezi, aliiomba mahakama hiyo, kuwapa nafasi ya mwisho upande wa mashataka, ili kama hawakuleta mashahidi na iwe ndio mwisho wa kesi hiyo.

Awali wakili wa serikali Mussa Khamis Ali, alidai kuwa wito wa mahakama uliwahi kutolewa wiki mbili zilizopita, na kwa upande wa baba mazazi, aliupokea.

‘’Baba mazazi wa mtoto aliyedai kuingiliwa kinyume na maumbile wito wa mahakama ameupokea, na kuandika nyuma kuwa, hawezi kufika mahakamani kutoa ushahidi, kwa vile mtoto wake, hamjui alipo,’’alidai.

Hivyo wakili huyo wa serikali, alimuomba hakimu huyo kuliahirisha shauri hilo, na kulipangia siku nyingine, na kuomba wito mwengine wa mahakama utolewe.

Hakimu wa mahakama hiyo Muumini Ali Juma, alisema baada ya kusikiliza pande zote mbili, ameamua kuliahirisha shauri hilo.

‘’Mtuhumiwa utarudi tena rumande na kufika tena mahakamani hapa Disemba 6 mwaka huu, nanyi upande wa mashataka mhakikishe siku hiyo mnaleta mashahidi,’’alifafanua.

Hata hivyo, ameuonya upande wa mashataka, ikiwa siku hiyo hawakuleta mashahidi, uamuzi wa kesi hiyo uko mikononi mwake.

Awali ilidaiwa mahakamani hapo kuwa, mtuhumiwa Haroub Bakar Hamada (22) wa Michenzani wilaya ya Mkoani Pemba, alimuigilia kinyume na maumbile mtoto wa kike mwenye miaka 12.

Kufanya hivyo ni kosa kinyume na kifungu cha 133 (a) cha sheria ya Adhabu nambari 6 ya mwaka 2018, sheria ya Zanzibar.

MWISHO.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog