PPC YAFANYA MKUTANO MKUU MAALUM, MAAZIMIO 10 YA UTPC YARIDHIWA

NA HAJI NASSOR, PEMBA:::

MWENYEKITI mstaafu wa Klabu ya waandishi wa habari Pemba ‘PPC’ Said Mohamed Ali, amewakumbusha wanachama kulipa ada zao kwa wakati, kwani ndio uimara na uhakika wa kuwepo kwa PPC.

Mwenyekiti huyo aliyasema hayo Disemba 24, 2022 kwenye mkuatano mkuu maalum wa PPC, uliofanyika ukumbi wa Maktaba Chake chake Pemba.

Alisema uhai wa ‘PPC’ unategemea mno uhai wa wanachama wanaolipa ada, kwani sio vyema klabu hiyo kuendeshwa kwa michango na miradi ya wafadhili pekee.

‘’Wafadhili kama Umoja wa Vilabu vya Waandishi wa Habari Tanzania ‘UTPC’, Interenews na hata Baraza la Habari Tanzania ‘MCT’ wanaweza kuja na kuondoka, lakini sisi wanachama ndio wenyewe,’’alishauri.

Katika eneo jingine, Mwenyekiti huyo mstafu aliwakumbusha waandishi hao kufanyakazi kwa kufuata maadili na sheria zao, ili wasiwe chanzo cha uvunjifu wa amani.

Mapema Mwenyekiti wa sasa wa ‘PPC’ Bakar Mussa Juma, akielezea mwelekeo wa ‘UTPC’ pamoja na yatokanayo na mkutano uliofanyika hivi karibuni, alisema ni kuvitaka vilabu kuwa na miradi endelevu.

Alieleza kuwa, jingine ni waandishi wa habari wenywe kujikita katika kufanyakazi, kupitia mitandao ya kijamii na vyombo vya habari mtandao.

‘’Mafunzo baadhi yenu mmeshapata ya usalama wa mitandao, na mengine ‘UTPC’ wameahidi kuwa yanakuja, sasa tushindwe sisi tu kuhamia huko,’’alieleza.

Katibu Mkuu wa ‘PPC’ Ali Mbarouk Omar, amewahimiza waandishi hao kulipa ada zao, kama wanavyofanya viongozi wao wa juu.

Alieleza kuwa, kwa mpango ujao wa ‘UTPC’ ni kuviwezesha vilabu kwa mujibu wa idadi ya wanachama walio hai, vyenginevyo, wanaweza kukosa ufadhili.

Wakichangia masuala mbali mbali wanachama wa ‘PPC’ walisema mafunzo zaidi yanahitajika kwao, ili kwenda sambamba na mabadiliko ya dunia.

Mwanachama Kauthar Is-haka alisema, wakati umefika sasa kwa ‘PPC’ kurejesha tuzo za umahiri wa waandishi wa habari, ili kuongeza juhudi za kufanyakazi.

Asha Mussa Omar alipendekeza kuwa, wanachama waliopo wawezeshwe namna ya kuandika miradi, ili iwe rahisi kuwatumia kila wakati.

Kuhusu ada mwanachama Jaffar Abdalla alipendekeza kuwa, kuwe na utaratibu wa kukatwa fedha kwa lazima, pale mwanachama atakapopata fursa ya mafunzo.

Katika mkutano huo, Msaidizi Katibu wa PPC Mchanga Haroub Shehe akiwasilisha ripoti ya utendaji kazi ya mwaka 2022 ya PPC, alisema ilifanya mambo makubwa, ikiwa ni pomoja na kuendesha miradi.

Alisema, walikuwa na mradi wa kutoa elimu ya kifua kikuu, mradi wa amani pamoja na kuwapatia wanachama mafunzo kadhaa ikiwa ni pamoja yale yanayoandaliwa na UTPC.

Wakati huo huo Msaidizi huyo Katibu wa ‘PPC’ Mchanga Haroub Shehe aliyasoma maazimio 10 ya mkutano wa ‘UTPC’ uliofanyika Disemba 2022 jijini Dar-es Salaam ikiwa ni pomoja na kuwepo kwa miongozo ya utatuzi wa migogoro.

Azimio jengijne ni kila klabu kufuata kwa vitendo, misingi ya usimamizi wa fedha, klabu kuomba kibali cha matumizi ya fedha, zinazozidi asilimia 10, pale wanapotaka kubadilisha matumizi ya fedha.

Azimio jengine, ni la klabu kupewa fedha kulingana na mahitaji yake, klabu kupewa fedha kwa mujibu wa idadi ya wanachama wake kwa ajili ya mkutano mkuu maalum.

Wakati huo huo mkutano huo mkuu maalum, uliwapatisha wanachama takriban 10 kuwa wanachama wapya, baada ya kufanya maombi kwa muda wa mwaka mmoja.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog