'Wanaume ungeni mkono uzazi wa mpango'

NA ZUHURA JUMA, PEMBA

LICHA ya elimu ya uzazi wa mpango inayotolewa kwenye vituo vya afya lakini bado kuna baadhi ya akinababa huwazuia wake zao, jambo ambalo linaweza kusababisha athari kwa mama mwenye matatizo katika mfumo wake wa uzazi.

Wakizungumza na mwandishi wa habari hizi wananchi wa shehia ya Shungi Wilaya ya Chake Chake walisema, madaktari wanajitahidi kutoa elimu kuhusiana na uzazi wa mpango, ingawa kuna baadhi ya wanawake wanaendelea kupata athari kutokana na kutofuata huduma za uzazi wa mpango.

Walisema kuwa, uzazi wa mpango ni muhimu kwa wanawake kwani wanapata kupumzika, kuimarika kiafya na kumfanya mtoto akue vizuri, hivyo ipo haja kwa akina baba kuangalia hali ya afya kwanza, ndipo wakatae uzazi wa mpango.

‘’Elimu ipo kwa sababu tunapokwenda vituo vya afya madaktari wanajitahidi kutuelimisha, lakini baadhi ya wanaume wanahisi kama tunataka kufungwa uzazi, jambo ambalo sio sahihi,’’ walisema wananchi hao.

Mwananchi Fatma Said Khalfan alisema kuwa, kuna baadhi ya wanawake wanapokuwa wajawazito wanateseka sana kiasi ambacho wanakaribia kupoteza maisha, ingawa ukimwambia apumzike angalau miaka miwili anakwambia mume wake hataki.

‘’Mimi naona kabla ya kuwasikiliza waume zetu, kwanza tujiangalie na sisi afya zetu, je zinaruhusu kuzaa papo kwa papo? kwa sababu ile adhabu ya maumivu anaeipata ni mwanamke,’’ alisema mama huyo.

Kwa upande wake Massoud Juma Abdalla alieleza kuwa, uzazi wa mpango ni muhimu, lakini ikiwa mwanamke afya yake inamruhusu kuzaa papo kwa papo, anatakiwa kuzaa.

‘’Ikiwa mwanamke ana matatizo katika mfumo wake wa uzazi basi ni vyema kila baada ya kujifungua akapumzika miaka miwili ndipo azae mwengine ili kuimarisha afya yake,’’ alieleza.

Nae Mohamed Juma Mohamed alisema kuwa, uzazi ya mpango una faida kwa kulinda afya ya mwanamke, kwani uzazi wa papo kwa papo unaumiza mama na mtoto kutokana na kuwa hapati kupumzika.

Asha Said alisema, wengine hawatumii uzazi wa mpango kwa kuhofia kukimbia uzazi wake, kwani wengine wana uzazi mdogo, hivyo wanapopunzika wanaweza kujikuta wanakosa watoto.

Daktari kutoka kituo cha Afya shehia hiyo Habiba Omar Mwinyi alisema, wananchi wana elimu ya kutosha kuhusiana na uzazi wa mpango, kwani mwamko wa kutumia ni mkubwa ukilinganisha na hapo zamani.

‘’Kwa mwezi tunatakiwa tupokee wajawazito 13 lakini kwa sasa tunapokea idadi ndogo kutokana na wengi wao kutumia uzazi wa mpango, kitu kinachotuhangaisha ni baadhi ya wanaume kukataa hata kama mke wake ana matatizo,’’ alifafanua.

Akitaja athari za uzazi wa papo kwa papo Dk. Habiba alisema, ni mama kutoka damu nyingi wakati wa kujifungua, kukosa muda wa kumshughulikia mtoto, mtoto kupata utapiamlo au kuzaliwa akiwa njiti.

Shehia ya Shungi Wilaya ya Chake Chake ina wananchi 3,880, wanawake 2,397 na wanaume 1,483 ambapo shughuli zao kubwa ni kilimo, biashara na uvuvi.

MWISHO.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog