DC: CHAKE CHAKE AUNGA MKONO KAMATI KUONDOA OMBA OMBA PEMBA

NA HAJI NASSOR, PEMBA:::

MKUU wa wilaya ya Chake chake Abdalla Rashid Ali, ameunga mkono wazo la wanaharakati wa haki za binadamu Pemba, linaloelekea kutaka kupiga marufuku, wananchi wakiwemo watu wenye ulemavu, la kuendeleza kuwa omba omba mitaani.

Mkuu huyo wa wilaya, aliyasema hayo leo Januari 31, 2023 ofisini kwake mjini Chake chake, wakati akizungumza na kamati hiyo, iliyoongozwa na Mwenyikiti wake, Tatu Abdalla Msellem, wakati ilipofika kuonana na Mkuu huyo wa wilaya, kwa ajili ya kupata mwelekeo kabla ya kufanyika kwa zoezi hilo.

Alisema, wazo la kamati hiyo ni zuri, maana hata wao kama wilaya, linawaumiza kichwa, ingawa walikuwa wakifanya kwa kuwafuata mtu mmoja mmoja, na kufanikiwa kiasi.

Alieleza kuwa, sasa kama imejitokeza kamati ya kupinga jambo hilo, wilaya itatoa kila aina ya ushirikiano, ili kufanikisha zoezi hilo, kwa haraka na umakini.

Mkuu huyo wa wilaya, alifahamisha kuwa, utamaduni na silka ya wazanzibari sio kufanya omba omba kama kazi ya kila siku na hasa na wengine kwa kisingizio cha ulemavu wao.

‘’Tunasaidiana pale ambapo mmoja wetu anashida kubwa, lakini sio mtindo wa kuamka asubuhi na kuanza kuomba omba, kama ndio kazi ya kila siku,’’alisisitiza.

Hata hivyo Mkuu huyo wa wilaya ya Chake chake, ameitaka kamati hiyo kutumi busara, hekma, elimu na ushawishi wa hali ya juu, wakati watakapolifanya zoezi hilo.

Wakati huo huo, Mkuu huyo wa wilaya ameitaka kamati hiyo kukutana na masheha wa wilaya yake, ili kuliwasilisha wazo hilo, ili wakati utakapofika iwe rahisi.

Mapema Mwenyekiti wa kamati hiyo, Tatu Abdalla Msellem, alisema kabla ya kuanza kwa zoezi hilo, la kuondoa omba omba katika miji yote ya Pemba, watakutana na wakuu wa wilaya husika, ili kupata baraka zao.

Alisema, awali jambo hilo walikutana na Idara ya watu wenye ulemavu Pemba Januari, 27 mwaka huu, ili kupata mchango wao na kuunga mkono zoezi hilo.

Mwenyekiti huyo alisema, kwa sasa jambo hilo halionekani kubwa la kutisha, ikilinganishwa na miji mengine, lakini ndio maana wanataka kuliondosha, kabla halijakuwa kubwa.

‘’Mheshimiwa Mkuu wa wilaya, sisi hili jambo linatuumisha kichwa, na ndio maana tukaona tukutane na wakuu wa wilaya zote za Pemba, ili kupata baraka zao kabla ya kulindoa,’’alifafanua.

Kwa upande wake, Katibu wa Kamati hiyo Khalfan Amour Mohamed, alisema kwa sasa viongozi wa wilaya za Unguja wanakazi kubwa, ya kuondao kundi la omba omba, baada ya kuongezeka kwa kasi.

‘’Sisi tuanze haraka kulitekeleza zoezi la kuondoa omba omba, iwe ni wale watu wenye ulemavu au wengine, kwani linachafua sifa na heshima ya wazanzibari,’’alieleza.

Makamu Mwenyekiti wa Kamati hiyo Mussa Seif Mussa, alisema Baraza la taifa la watu wenye Ulemavu, limeshalibariki jambo hilo, na sasa kazi iliyobakia, ni kuandaa mpango husika.

‘’Mmoja ya mpango husika, kwanza ni kuongeza wajumbe wa kamati kutoka kwenye viongozi wa dini, kisha kuwafuatilia omba omba wote shehiani mwao, ili iwe rahisi kukutana nao,’’alieleza.

Kamati hiyo, inaundwa na wajumbe kutoka Baraza la taifa la watu wenye ulemavu, wanaharakati wa haki za binadamu, waandishi wa habari, jumuiaya ya wanawake wenye ulemavu Zanzibar, viongozi wa dini na Idara ya ustawi wa Jamii.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog