WATU WENYE ULEMAVU WAIPA NENO WIZARA YA AFYA PEMBA

NA ZUHURA JUMA, PEMBA:

WATU wenye ulemavu kisiwani Pemba wameiomba Serikali kupitia Wizara ya Afya kuweka kitengo maalumu cha kuwapatia huduma, ili kuepuka usumbufu wanaoupata wakati wanapofika kutaka huduma za matibabu.

Walisema kuwa, wameona kwamba kuna vitengo mbali mbali vimewekwa ikiwemo vya Ukimwi, kitengo cha maradhi ya macho, viungo, kifua kikuu na vyengine, ingawa wao hawajatengewa, jambo ambalo linawapa usumbufu wakati wanapofika hospitali.

Walieleza kuwa, ipo haja kwa Wizara husika kuwawekea kitengo chao maalumu ambacho kitakuwa kina mahitaji yote ya watu wenye ulemavu, ikiwemo kuweka miundombinu imara ya ufikiaji, wakalimani pamoja na madaktari ambao watakuwa wanajua lugha za alama.

Wakizungumza katika kongamano la Watu Wenye Ulemavu ambalo liliwashirikisha wadau mbali mbali, walieleza kuwa wanapoifuata huduma ya afya wanateseka sana, hivyo watakapowekewa kitengo chao wataondokana na usumbufu ambao wanaupata.

“Kitengo ni muhimu kwetu kwa sababu tutakuwa na ‘one stop center’ yetu ambayo itakuwa na huduma mbali mbali zinazoendana na hali yetu tuliyonayo”, walisema.

Mwenyekiti wa Jumuiya ya Wanawake wenye ulemavu Pemba (JUWAUZA), Hidaya Mjaka Ali alisema, changamoto kwenye huduma za afya bado zipo, ikiwemo za ufikiwaji, ukosefu wa wakalimani pamoja na madaktari kutokujua lugha za alama.

“Tunakumbana na changamoto mbali mbali wakati wa kuitafuta huduma ya Afya ikiwemo huduma ya ufikiaji, ukosefu wa wakalimani pamoja madaktari kutokujua lugha za alama, hivyo tunapofika tunazubaa zubaa”, alisema.

Kwa upande wake Mwenyekiti wa Jumuiya ya Wasioona Pemba (ZANAB) Suleiman Mansoor Suleiman alisema kuwa, wasiiona hawana wasimamizi wakati wanapofika hospitalini au vituo vya afya, hivyo huzubaa tu na wakati mwengine hurudi bila kupata huduma.

“Tutakapowekewa kitengo ,tunapofika tutapatiwa huduma kwa urahisi na haraka zaidi, kwani tunaamini kuwa kutakuwa na mambo yote ambayo yanastahiki tuwe nayo”, alieleza.

Nae Ofisa Maendeleo ya Jamii kutoka MECP-Z Pemba, Haji Ali Hamad alisema, wamekuwa wakifanya mikutano na makongamano mbali kwa lengo la kuhakikisha kwamba changangamoto za watu wenye ulemavu zinatatuliwa na wanapata huduma stahiki.

“Madrasa inafanya kila juhudi kuona kwamba watu wenye ulemavu wanapata haki, fursa na huduma sawa na watu wengine, ili wasijisikie unyonge, kwa sababu mpaka sasa bado wanaona wanatengwa na jamii”, alisema Ofisa huyo.

Aliitaka jamii kuacha kuwanyanyapaa watu wenye ulemavu na badala yake wawape mashirikiano ili kuona kwamba wanapata haki zao za msingi na huduma stahiki.

MWISHO.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

HABARI ZA HIVI PUNDE

TAARIFA za hivi punde, zilizofikia ofisi ya Pemba Today, zinaeleza kuwa, Jeshi la Polisi mkoa wa kaskazini Pemba, linamshikilia askari mwenzao, kwa tuhuma za ubakaji ndani ya moja ya kituo cha Polisi kisiwani Pemba Muume wa mwanamke aliyedai kubakwa na Mwanamke mwenyewe, wamedai kutokea kwa tendo hilo, na huku Kaimu Kamanda wa Polisi mkoa wa kaskazini Pemba, akithibitisha kupokea kwa lalamiko hilo.... Kwa taarifa zaidi ya tukio hili endelea kufuatilia mtandao huu, ambao kukuhabarisha ni fahari yetu...

PEMBA TODAY

Search This Blog