PEGAO, TAMWA, ZAFELA WAUPIGA MWINGI PEMBA

NA HAJI NASSOR, PEMBA:::

FAMILIA tatu zenye watu wa makundi tofauti wakiwemo wenye ulemavu, na wananchi 82 wamejiunga na elimu ya watu wazima miezi mitano iliyopita, baada ya taasisi za ZAFELA, PEGAO na TAMWA kuibua changamoto hizo.

Tasisi hizo kwa sasa, zinaendelea na utekelezaji wa mradi wa miaka minne, wa Kuwawezesha Wanawake Kudai haki zao za uongozi, demokrasia na siasa ‘SWIL’ chini ya ufadhili wa Ubalozi wa Norway.

Akizungumza na waandishi wa habari ofis za PEGAO leo Juni 2, 2022, Mkurugenzi wa Jumuiya hiyo, Hafidh Abdi Said, alisema jengine ambalo limeibuliwa na kufanyiwa kazi, ni kujitokeza wanawake 40 wanaotarajia kuingia kwenye uchaguzi mkuu.

Alieleza kuwa, wanawake hao wamedhamiria kuingia kwenye uchaguzi mkuu mwaka 2025, na PEGAO wamejiandaa kuwapa mafunzo, ya kuwajengea uwezo.

Hafidhi, alieleza kuwa jengine kwa sasa wameshawafikia wananchi 3,222 kuwapa elimu ya umuhimu wa uongozi kwa wanawake.

Kati ya wananchi hao, wanawake waliofikiwa ni 1,971 na wanaume 1,251 ambapo mradi huo unatarajiwa kutia nanga mwaka 2024, na ukidhamiria kuwafikia wanawake 6,000.

Mkurugenzi huyo alisema, kazi iliyofanywa na wahamasishaji jamii 40, ambapo 10 kutoka kila wilaya, ilisaidia mno maendeleo ya mradi huo.

Kwa upande wake Mratibu wa mradi huo Dina Juma Makota kutoka PEGAO, alisema wamewaibua wananchi 11, ambao walishakata tamaa kupata vitambulisho vya mzanzibari mkaazi, na sasa tayari wanavimiliki.

‘’Wapo wengine wanne, wanaendelea na utaratibu wa kufuatilia na kulipa kwa ajili ya kupata vitambulisho hivyo, ambapo hilo ni eneo moja la changamoto walizoziibua,’’alieleza.

Aidha Mratibu huyo alisema, jambo jengine, ambalo liliibuliwa kila wanapokutana na jamii, na ubovu wa miundo mbinu kama ya barabara na ukosefu wa huduma kama za maji safi na salama.

‘’Kuhusu changamoto ya kwanini wanawake hawaonekani kugombea nafasi za uongozi, walitueleza wanazungukwa na rushwa na ngono na fedha,’’alieleza.

Mapema muhamasishaji jamii kutoka ‘PEGAO’ wilaya ya Wete Raya Said Ali, alisema bado kuna muitikio mdogo kwa wananchi kuhudhuria kwenye mikutano.

‘’Inatubidi wakati mwengine tuwapitie wananchi kwenye makaazi yao, kuwataka washiriki kwenye mikutano yetu, na wanaokuja hupata manufaa,’’alisema.

Mwisho wa utekelezaji wa mradi wa Kuwawezesha Wanawake Kudai haki zao za uongozi, demokrasia na siasa ‘SWIL’ unatarajiwa wanawake wasiopungua 6,000 iwe wamesha wezeshwa kudai haki zao.

Mradi huo uliozinduliwa Novemba, 2020, na ukitarajiwa kutia nanga mwaka 2024, watu 100 wakiwemo wanawake na wanaume, iwe tayari wameshajengewa uwezo, ili nao sasa kuwafikia wanawake 400, ambao nao wenyewe wanatarajiwa kuwafikia wanawake hao 6,000.

Idadi hiyo wanawake 6,000 watakaofikiwa, ni sawa na PEGAO, TAMWA na ZAFELA kuwafikia wanawake 1,200 kwa kila mkoa mmoja, kati ya mitano ya Unguja na Pemba.

Ambapo hapo ni sawa na wanawake 546 kutoka kila wilaya moja, kati ya wilaya 11, ambapo Pemba zipo nne na Unguja saba.

Zanzibar yenye majimbo 50 ya uchaguzi, hivyo utaona kuwa, mradi huu wa ‘SWIL’ sasa utawafikia wastani wa wanawake 120, kutoka kila jimbo moja la uchaguzi, sawa na kufikiwa wanawake 55 kwa kila wadi moja, kati wadi 110 za Unguja na Pemba.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog