TAMWA-ZANZIBAR: 'WAANDISHI PIGIENI DEBE HADI IPATIKANE SHERIA MPYA YA HABARI'

NA HAJI NASSOR, PEMBA@@@@

WAANDISHI wa habari kisiwani Pemba, wametakiwa kuendelea kutilia mkazo, suala la upatikanaji wa sheria mpya na rafiki ya habari Zanzibar

Hayo yameelezwa Disemba 9, 2024 Afisa Program na mchechemuzi wa mpitio za sheria za habari Zanzibar, kutoka TAMWA-Zanzibar Zaina Abdulla Mzee, alipokuwa akifungua mafunzo ya ukumbusho wa sheria hizo, kwa waandishi wa habari wa Pemba, yaliofanyika ofisi ya TAMWA-Pemba.

Alieleza kuwa, waandishi wa habari ndio wahusika wakuu wa sheria hiyo, hivyo wanaowajibu wa kupigia debe na kuandika juu ya madhara yaliopo kwenye sheria zilizopo.

Alisema, mchakato wa upatikanaji wa sheria mpya, umekuwa ukionekana kwa mwendo wa kusua sua, hivyo waandishi wa habari, wanaweza kutumia kalamu zao, kuchapuza mchakato huo.

‘’Waandishi wa habari, mnaweza kuchapuza kwa haraka mchakato wa upatikanaji wa sheria mpya, kwa kutumia vipindi na makala mbali mbali, zinazoelezea changamoto za sheria zinazitumika sasa,’’alisema.

Akiwasilisha vifungu cha sheria ya Magazeti, Vitabu na Mawakala wa Habari nambari 5 ya mwaka 1988 na ile ya Tume ya Utangaazaji nambari 7 ya mwaka 1977, kwenye vifungu kandamizi, Mkufunzi mshauri Haura Shamte, alisema vinahitaji kupigiwa debe kwa haraka.

Alisema, kupitia vifungu hivyo, vimekuwa vikitishia uhuru wa kujieleza, ukusanyaji wa habari, uhuru wa habari jambo ambalo linatia shaka fani hiyo.

Akivitaja vifungu kandamizi kupitia sheria ya Magazeti, Vitabu, Mawakala wa Habari nambari 5 ya mwaka 1988, alisema ni pamoja na kifungu cha 27 kinachompa uwezo ofisa wa Polisi wa kukamata gazeti

Alikitaja kifungu cha 39, kinachoelezea sharti la kukusanya na kutoa habari na vifaa vya habari, ambapo uamuzi wa waziri wa kukataa kutoa kibali, haukatiwi rufaa.

Wakiwasilisha kazi za vikundi, waandishi hao walisema ipo haja ya kuchapuzwa kwa mchakato wa upatikanaji wa sheria mpya na rafiki ya habari Zanzibar.

Mwandishi wa kituo cha redio cha sauti ya Istqama, Bakar Khamis Juma, alisema uwezo wa ofisa wa Polisi kuweza kuingia na kupekura katika jengo la habari, ni uminywaji wa uhuru wa habari.

Nae Cicilia Mkini kutoka Redio Jamii Micheweni, alisema wakati umefika sasa kwa sheria mpya ya habari kupatikana hapa Zanzibar, ili kumarisha utawala wa kisheria.

TAMWA Zanzibar kwa sasa imo kwenye hatua nyingine ya kukutana na vyombo vya habari, ili kuvijengea uwezo, ili kuandika makala na kutengeneza vipindi, vya mwekeleo wa kuchapuza upatikanaji wa sheria mpya Zanzibar.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog