SHERIA ZA UCHAGUZI ZANZIBAR : JE, ZINAWEZESHA AU ZINAKWAMISHA USHIRIKI WA WANAWAKE KWENYE SIASA?

Na Nusra Shaaban

Ushiriki wa wanawake katika siasa ni moja ya hatua muhimu katika kuhakikisha usawa wa kijinsia na maendeleo endelevu.

Lakini Zanzibar, ambapo wanawake wanaunda zaidi ya asilimia 50 ya wapiga kura, idadi yao kwenye nafasi za uongozi bado ni ndogo. Takwimu za mwaka 2020 zinaonyesha kwamba wanawake walichangia asilimia 22 tu ya wajumbe wa Baraza la Wawakilishi.

Je, sheria za uchaguzi zina mchango gani katika hali hii?

Changamoto Zinazowakabili Wanawake Katika Siasa

Mifumo ya uchaguzi Zanzibar imekuwa ikibeba changamoto mbalimbali kwa wanawake wanaotaka kushiriki siasa. Kwa mujibu wa Hidaya Yussuph Ali, Katibu wa Ngome ya Wanawake wa ACT Wazalendo, mfumo wa kura ya mapema umekuwa ni kikwazo kikubwa. "Wanawake wanakata tamaa kwa sababu mfumo huu unatoa mianya ya rushwa na udanganyifu, huku ukiongeza gharama kwa wagombea wanawake," anasema.

Gharama za kugombea pia zimekuwa mzigo mkubwa kwa wanawake wengi. Mtumwa Faiz Sadiki, Naibu Katibu Mkuu wa ADC, anaeleza kwamba gharama za uchaguzi zinawaondoa wanawake wengi, hasa wale wanaotoka vyama vidogo.

"Tunahitaji sheria inayowapa nafasi wanawake wote, bila kujali chama wanachotoka," anasisitiza.

Jitihada za Kurekebisha Mfumo

Tume ya Uchaguzi Zanzibar (ZEC) imechukua hatua kadhaa za kuboresha usawa wa kijinsia. Mkurugenzi wa Huduma za Sheria wa ZEC, Maulid Ame Muhammed, anasema kwamba sera maalum ya jinsia ya mwaka 2020 inalenga kuwahamasisha wanawake kushiriki katika siasa.

"Tumepunguza ada ya kugombea kwa asilimia 50 kwa wanawake ili kuwapa nafasi zaidi ya kushiriki uchaguzi," anaeleza.

Hata hivyo, hatua hizi bado hazitoshi kwa wanawake wengi. Kwa mujibu wa takwimu za Umoja wa Mataifa, asilimia 30 ya wanawake wanaotaka kugombea huchukizwa na changamoto za kiuchumi na kijamii, huku mifumo ya uchaguzi ikionekana kuwa haina uwazi wa kutosha.

Suluhisho na Mapendekezo

Wadau wengi wanasema kwamba sheria za uchaguzi zinapaswa kufanyiwa mabadiliko makubwa. Miongoni mwa mapendekezo ni pamoja na :

1. Kufuta au kurekebisha kura ya mapema* : Mfumo huu umelaumiwa kwa kuathiri uadilifu wa uchaguzi, hasa kwa wanawake.

2. Kuhakikisha viti maalum vinapatikana kwa vyama vyote : Hii itatoa nafasi kwa wanawake wa vyama vidogo kushiriki kikamilifu.

3. Kupunguza zaidi gharama za uchaguzi* : Hatua hii inaweza kuongeza ushiriki wa wanawake, hasa wale kutoka familia za kipato cha chini.

Je, 2025 Itakuwa Mwaka wa Mabadiliko ?

Licha ya changamoto zilizopo, wanawake wa Zanzibar wameendelea kupigania nafasi zao kwenye siasa. Kampeni za kuhamasisha ushiriki wa wanawake zimeanza kuonyesha matunda, lakini bado safari ni ndefu.

Kama alivyosema Tunu Juma Kondo, Naibu Katibu Mkuu wa UWT, "Ni jukumu letu kuhakikisha kwamba wanawake wanapata nafasi sawa na wanaume kwenye siasa. Hii sio tu kuhusu usawa wa kijinsia, bali pia maendeleo ya taifa letu."

Sheria za uchaguzi zina nafasi kubwa katika kufanikisha au kukwamisha malengo haya. Zanzibar iko kwenye njia panda, je, itaamua kurekebisha mfumo huu na kuwapa wanawake nafasi wanayostahili? Jibu lipo mikononi mwa wanasiasa, watunga sheria, na jamii kwa ujumla.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog