HABARI KAMILI YA POLISI PEMBA ANAYEDAIWA KUBAKA AKIWA KITUONI

NA HAJI NASSOR, PEMBA@@@@

JESHI la Polisi Mkoa wa Kaskazini Pemba, limekiri kupokea malalamiko ya mwanamke mmoja, akimtuhumu mtendaji wa Jeshi hilo, kumbaka ndani ya kituo cha Polisi.

Jeshi hilo limesema, ni kweli walipokea lalalamiko hilo, ingawa lilisema ili kukamilisha na kutoa taarifa rasmi, wamo kwenye upelelezi.

Akizungumza na mwandishi wa habari hizi kwa njia ya simu Disemba 6 mwaka huu majira ya saa 8: 17, Kaimu Kamanda wa Polisi mkoani humo Mussa Mwakasula, alisema kwa sasa hawana taarifa pana juu ya tukio hilo.

Alieleza kuwa, kwa sasa wanaendelea na uchunguuzi wa tukio hilo, na hasa baada ya kuzipata taarifa hizo, kutoka kwa mlalamikaji.

‘’Ni kweli tumepokea lalamiko la mwanamke mmoja, akimtaja askari wetu, kwamba ndie aliyembaka, ingawa kwa sasa taarifa rasmi itatolewa baada ya uchunguuzi wetu kukamilika,’’alisema Kaimu Kamanda huyo.

Baadhi ya wananchi waliokataa kutaja majina yao , walisema mwanamke huyo kabla ya kudai kutendewa kosa hilo, alifika kituo cha Polisi cha Mchanga mdogo wilaya ya Wete, ili kuhojiwa kwa tukio jingine.

‘’Unajua yule mwanamke awali alikuwa na ugomvi na muume wake, sasa hiyo siku ya tukio, aliitwa kwenda kuhojiwa Polisi, ndio kisha wakati anatoka alilalamikia kubakwa,’’walidai wananchi hao.

Aidha wananchi hao walisema, baada ya tukio hilo na muume wake kupigiwa simu, alimueleza kwamba ikiwa amlimpeleka kituo cha Polisi cha Mchanga mdogo, ili abakwe na kukataa.

‘’Mwanamke alimuuliza muume wake, kwamba alimtaka afike kituo cha Polisi ili abakwe, na muume kukataa na hapo ndio taarifa zilipoanza kutolewa na mimi kusikia,’’alisema

Sheha wa Mchanga mdogo Asaa Makame Said, alipoulizwa na mwandishi wa habari hizi, ikiwa anataarifa hizo ndani ya shehia yake, alijibu hana.

Upande mwingine wa taarifa zikaeleza kuwa, mlalamikaji huyo anatokea nje ya shehia ya Mchanga mdogo, ambae alikwenda kituoni hapo kwa ajili ya mahojiano.

Mratibu wa wanawake na watoto Awena Salim Kombo, shehia anayotoka mlalamikaji huyo wilaya ya Wete, alikiri kuwa, mlalamikaji huyo anatokea ndani ya shehia yake.

‘’Ingawa mlalamikaji huyo hakuja kuripoti kwangu moja kwa moja, lakini baada ya kufuatilia nilibaini kuwa, mhanga huyo anatokea shehia yangu,’’alifafanua.

Hata hivyo Mratibu huyo, alisema baada yakufuatilia alijiridhisha kuwa, mtuhumiwa anashikiliwa kituo cha Polisi mkoa wa kaskazini Pemba, kwa mahojiano zaidi.

Mwanamke aliyedai kubakwa, alikiri kutokezewa na tukio hilo, na kusema alikuchukuliwa ndani ya chumba cha kituo cha Polisi, kwa ajili ya kuhojiwa.

‘’Ni kweli askari alinibaka nikiwa ndani ya kituo cha Polisi Mchanga mdogo, tukiwa ndani ya chumba, ambacho aliniita kwa nia ya kutaka kunihoji, ingawa alinigeuzia kibao,’’alilalamika.

Hata hivyo, alisema atahakikisha haki yake inapatikana, na hatokuwa tayari kuchukua hongo ili kesi hiyo imalizike, kienyeji.

Muume wa mwanamke huyo , alithibitisha kupokea lalamiko la mke wake, juu ya kubakwa ndani ya kituo cha Polisi cha Mchanga mdogo, kwa njia simu akiwa kazini.

Alimwambia mwandishi wa habari hizi kuwa, tukio hilo lilitokea Novemba 24, mwaka huu majira ya saa 3:15 asubuhi wakati mke wake, alipokwenda kituoni hapo, kwa ajili ya mahojiano ya tukio jingine.

‘’Ni kweli juzi mke wangu alinilalamikia kuwa, alitendewa tendo la ubakaji na askari, ambae alikuwa anamuhoji kwa tukio jingine, lililotokezea baina yangu na yeye,’’alifafanua.

Alipoulizwa hatua alizochukua, anasema hajafanya jambo lolote, kwa vile mke wake huyo, hampi ushirikiano baada ya tukio hilo kwa kumficha ficha.

Akizungumza na mwandishi hizi akiwa Kamisha wa Polisi Zanzibar Hamad Khamis Hamad (sasa Balozi), alipopigiwa simu majira ya 9:18 Disemba 6, mwaka huu alaasiri, alimtaka mwandishi wa habari, kufuatilia tukio makao makuu ya Jeshi la Polisi mkoa wa kaskazini Pemba.

‘’Wewe mwandishi wa habari si uko Pemba, basi wasiliana na Kamanda wa Polisi mkoa husika, maana mimi naweza kukupa taarifa, ambazo sio za uhakika,’’alisema.

Baadhi ya wanaharakati wa haki za binaadamu, walisema wana hofu ya kutotenda haki, kwa vile mtendaji ni Polisi na wanaolifanyia uchunguuzi ni muajiri wake.

Upande mwingine, taarifa ya Ofisi ya Mtakwimu mkuu wa serikali ya Mapinduzi ya Zanzibar, inaoneshwa uwepo wa matukio 147 ya ukatili na udhalilishaji wa kijinsia, yalioripotiwa kwa mwezi Oktoba, 2024.

Ambapo ikafahamika kuwa, waathirika walikuwa 147, wengi wao walikuwa ni watoto sawa na asilimia 83.0, wanawake asilimia 11.6 na wanaume asilimia 5.4.

Miongoni mwa watoto (waathirika 122), wasichana walikuwa 101 (asilimia 82.8) na wavulana walikuwa 21 sawa na (asilimia 17.2).

Ikafahamika kuwa, idadi ya matukio kwa mwezi, yamepungua kwa asilimia 0.7 kufikia matukio 147 mwezi wa Oktoba, 2024

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

PEMBA TODAY

Search This Blog